Luugithõõ 19:16 - ꞌBuuk cĩ Thõõth cĩ Nyekuci

¹⁶ Ma baa loohoth cĩ kõr ꞌcĩ ĩĩn iyyio, ikia ammad lõõcĩ nẽ ĩccaaõ habath dtẽc nẽ edeeꞌnyia loduruui muura hujjieen nẽ ẽggẽrẽny tũũrĩ hĩdĩĩtĩ lõõcĩ pĩd. Nĩngĩtĩ abarti eeta tuggẽẽtĩ tõõ habath lõõcĩ dtẽc.

Luugithõõ 19:16 ပူးပေါင်းရင်းမြစ်များ

Luugithõõ 19:11

nẽ ũkũmattoothihu jurrung kõrraa ꞌcĩ ĩĩn iyyio, hĩnĩngĩtĩ kõr niccia, alluuccia hatĩ Makayyioohiti Muuraa cĩ ꞌThĩnaĩ hĩcĩnĩt eeta vẽlẽk.

Luugithõõ 19:15

Ma ho, uduhaak nẽẽ eet ĩĩnnĩk, “Hõlõ, ũkũmatteek eleeti cugguung, hĩnĩngĩtĩ kõr ꞌcĩ ĩĩn iyyio. Nẽẽthĩ, ma nõõ hooginnu hĩ ngaaĩ.”

Luugithõõ 19:17

Ma nĩngaata, uduhunaaĩ Mũũꞌtha eet tuggẽẽtĩ tõõ battaala nẽ ũũhĩ ĩhõõggõ hõõt homottio hĩ Nyekuc nẽ õõt ĩbĩlĩt eeta muura uruta.

Luugithõõ 19:9

Ma ho, uduhaak Makayyioohiti Mũũꞌtha tarĩ ĩĩnnĩk, “Hõkõ hatĩ hakuu naa hĩ nganiit loduruatõõ cobbi gẽrrẽẽt, hátĩ hĩthĩhĩt eeta ngaatĩ hõthõõthõnĩ naag hĩ nganiit nẽ hatĩ gõõng aarrik nẽẽg lemiinit cĩnĩĩng hĩ nganiita.” Nĩngĩtĩ aduhaakĩ Mũũꞌtha Makayyioohit thõõth ꞌcĩ baa aduha eeta.

Luugithõõ 20:18

Ma baa adtuuha eeta madĩĩth nẽ ĩthĩhĩt ꞌgerenyi cĩ tammwo nẽ ĩthĩhĩt tũũrĩ nẽ tarĩ udtuukta bũrrẽt muura hujjieen ko, iita abarritit nẽẽg tẽẽlꞌthĩta, nĩngĩtĩ abĩllaanĩ ꞌrẽẽna,

Luugithõõ 20:21

Baa abĩllaa eeta ꞌrẽẽna, baa nga aduhun Mũũꞌtha muguratõõ ꞌcĩ holittup ĩcĩ aayyi Nyekuci.

Luugithõõ 9:23

Ma baa odongeek Mũũꞌtha hĩbahĩt cĩnnĩ hẽẽtkujjieen ko, ĩꞌthõõa Makayyioohiti tammu cĩ telleenu ꞌcĩ ammadĩ nẽ ĩccaaõ habath lõõcĩ dtẽc. Nĩngĩtĩ ꞌthẽk ĩꞌthõõakĩ Makayyioohiti tammu cĩ telleenu looc cĩ Ijjibi hũtũrũũr;

Maatteeo 24:31

Ĩꞌthõ hatĩ nẽẽ aajĩlẽẽt cĩgĩnnĩg hadtahit illieeri cobbi gẽrrẽẽt, huluttia eeta ꞌcĩg ẽbẽra Nyekuci ꞌgoolliohĩĩ ꞌcĩg ꞌrẽẽttĩg loota nĩnga hĩ hẽẽtahujjieen vẽlẽk.

Ebereei 12:21

Baa abarrit Mũũꞌtha gẽrrẽẽt nẽ ĩĩ, “Habarriti naa tẽẽlꞌthĩtaa cobbi.”

Terethiinit 1:10

Ma baa kõr ꞌcĩ halaiinna naag lemmiooha, ikia aggama Lorii ꞌcĩ Ẽllẽẽmĩth nganĩĩt nẽ hĩthĩha molook cobbi ꞌcĩ ẽggẽrẽny ĩĩcĩ bahuc caannĩ haau hĩ mõlõõhĩ cĩ tũũrĩõ.

Terethiinit 11:19

Ma nĩngaata, ikia ubbuuhi hattũũg cĩ ꞌCieeth cĩ Nyekuci hẽẽtahujjieen nẽ edeeꞌnyia cadduk ꞌcĩ iyyangꞌthĩ nẽẽ lõhõt cĩnnĩ ꞌCieetõõ cĩnnĩ. Ma ho, ammad lõõcĩ nẽ ĩccaaõ bõrõhẽẽcĩ habath dtẽc huluba hirihidtihi cobbi gẽrrẽẽt hĩccĩnĩt tẽllẽẽn ꞌcĩg adhukiaak looc.

Terethiinit 4:1

Ma nĩngaata, hĩcĩna hattũũg cĩ õlõ cĩ Nyekuci hẽẽtahujjieen ubbuuhi nẽ ikia mõlõõhĩ ꞌcĩ baa hĩthĩha ĩĩcĩ oou ẽlẽk, ẽggẽrꞌnya hĩ tũũrĩ nẽ ĩnnĩhaa, “Ijjia da ngaati, hátĩ heteretheehii thooꞌthiok ꞌcĩg hatĩ edeeꞌnyia urutaa cĩ thooꞌthiok iccig.”

Terethiinit 4:5

Nẽ dtaabawa nĩĩcĩ, ammadĩ lõõcĩ nẽ ẽggẽrẽny bõrõhẽẽcĩ gẽrrẽẽt. Ĩĩcĩ muum cĩ dtaaba nicci, alanyĩt ꞌgwoyyiẽẽna tũkĩramma ꞌcĩg ĩĩn Loriẽẽt cĩg Nyekuci.

Terethiinit 8:5

Ma nĩngaata, ittiha aajĩlõ lohilihili cĩ mõhõõkacõõ nẽ ũttũhũla ꞌgwoo altaarĩa nẽ ammarkiihak looc. Ma ho, ikia ẽggẽrẽny tammu nẽ ammad gẽrrẽẽt hĩ hirihidtik cobbi ꞌcĩ õmmõõnnĩ looc vẽlẽk.