Luugithõõ 19:13 - ꞌBuuk cĩ Thõõth cĩ Nyekuci

¹³ Ohoddia eet ꞌcĩ ẽttẽẽd lõkõõrĩ hode ĩccaac lĩꞌthaanĩtĩ nẽ ma hahummu ĩnõõnnõ. Tananga ĩĩn eet hode ꞌgii ꞌcĩ aballi õlõ, hõllõngaa occa ũũnnothoothĩk hũrũg.’ Occa õtõd eeta muur hatĩ adtahĩ illieeri ꞌcĩ adĩmanniaa ottoonaa cĩ merkeco diooni.”

Luugithõõ 19:13 ပူးပေါင်းရင်းမြစ်များ

Luugithõõ 19:14

Ma baa ũllũũcĩ Mũũꞌtha muura ũũk loota, ũũk uduhaak nẽẽ eet hũtũũnyĩtõ eleeti cĩggĩĩng hĩĩtõ tẽllĩg nẽ ũcũũrĩtõ ceremwa cĩggĩĩng buúk.

Luugithõõ 19:16

Ma baa loohoth cĩ kõr ꞌcĩ ĩĩn iyyio, ikia ammad lõõcĩ nẽ ĩccaaõ habath dtẽc nẽ edeeꞌnyia loduruui muura hujjieen nẽ ẽggẽrẽny tũũrĩ hĩdĩĩtĩ lõõcĩ pĩd. Nĩngĩtĩ abarti eeta tuggẽẽtĩ tõõ habath lõõcĩ dtẽc.

Luugithõõ 19:17

Ma nĩngaata, uduhunaaĩ Mũũꞌtha eet tuggẽẽtĩ tõõ battaala nẽ ũũhĩ ĩhõõggõ hõõt homottio hĩ Nyekuc nẽ õõt ĩbĩlĩt eeta muura uruta.

Luugithõõ 19:19

nẽ ẽggẽrẽny tũũrĩ gẽrrẽẽt hĩdĩĩtĩ lõõcĩ pĩd. Ma ho, õthõõth Mũũꞌtha nẽ ẽdẽc Nyekuci ĩnõõnnõ moloohaa cobbi gẽrrẽẽt.

1 Korinthia 15:52

Edeeꞌnyiaa hatĩ thõõth ciee hĩdĩĩkoothong, hĩllõõan ꞌgii gõõng adtuuha hẽbẽrẽẽcĩ hataman. Hĩnĩngĩtĩ adtaki hatĩ nyeeppuu ꞌcĩ adtuurna nẽ ũrũgta eeta vẽlẽk ꞌcĩg adaahito. Nẽ thĩ hatĩ hutuhuyyi naag vẽlẽk hiittiõõ hõllõngaa hadaahĩ tarĩ ũdũt.

1 Tẽꞌthaloonika 4:16

Alluuccia hatĩ Makayyioohiti hẽẽtahujjieen ẽggẽrꞌnya moloohaa cobbi nẽ ẽggẽrꞌnya mõlõõhĩ cĩ habu cĩ aajĩleetu, hĩ molook cĩ tũũrĩ ꞌcĩ avvẽẽnĩ Nyekuci. Ma nĩngaata, arũgna hatĩ eeta baag adaahĩ lemiittaa cĩ Krĩstõ, ĩĩcĩ oou.

Ebereei 12:20

hĩnĩngĩtĩ baa iꞌngolli nẽẽg ngaatĩ athĩknĩ thõõth ꞌcĩ aduha mõlõõhĩ ho. Nẽ tarĩ, baa adukiaak ĩhõõggõ aĩ, “Uruhit iding umwa ꞌcĩ ahum muur.”