Luugithõõ 19:10 - ꞌBuuk cĩ Thõõth cĩ Nyekuci

¹⁰ Nẽ tarĩ uduhaak Makayyioohiti Mũũꞌtha ĩĩnnĩk, “Bodooth bĩĩt kũmmaneek eet hiita homottiooa hĩ nganĩĩta. Aꞌnyĩĩk ĩhõõggõ kõr nicci hũtũũnyĩtõ ceremwa cĩggĩĩng,

Luugithõõ 19:10 ပူးပေါင်းရင်းမြစ်များ

ꞌThianaattõ 35:2

Ma nĩngaata, uduhaak Yakobo eet cĩg halang cĩnnĩ vẽlẽk ĩĩnnĩk, “Ũtũngteek hẽlẽggĩ ꞌcĩg aarru hĩĩtõ nyekuꞌnya cugguung ko nẽ aanytĩhu eleeti cugguung helleemito nẽ itihimtu ceremwa ꞌcĩg tẽllĩg.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Terethiinit 22:14

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.