Luugithõõ 18:7 - ꞌBuuk cĩ Thõõth cĩ Nyekuci

⁷ Ma nĩngaata, ĩtĩnga Mũũꞌtha ũũk ithirriaamanõõthĩ homoneec cĩnnĩ, ma baa õmmõtõõ ho, iggiing nẽẽ õõ nĩngĩtĩ ĩꞌthaaĩ homoneec cĩnnĩ. Ĩꞌthaayyio noho nĩngĩtĩ adukni tuggatõõ.

Luugithõõ 18:7 ပူးပေါင်းရင်းမြစ်များ

ꞌThianaattõ 14:17

Ma baa õbõda Abũraamõ ĩbaa õkõ ĩllõõanĩ Kedorlaomer hĩ habuẽẽt baag arũm hĩ ĩnõõnnõ athegereeꞌnya ho, ĩtĩnga habuui cĩ ꞌThõõdõmĩ ũũk ithirriaamanõõthĩ Abũraamõ unaahatõõ ꞌcĩ haĩ Thaavve. Haĩ unak icci ꞌthaar ũgĩ unak cĩ habueetu.

ꞌThianaattõ 18:2

Ma baa abbuudi Abũrahamĩ ho, adtuuha hinnia eet ũgĩ iyyio abĩlĩ ngadiiha nĩngaata. Ma baa acĩn nẽẽ ĩhõõggõ ho, ĩtĩnga ũꞌthũkũcoothĩk ĩhõõggõ nĩngĩtĩ õkõ ĩꞌthaaĩ.

ꞌThianaattõ 19:1

Ma baa ꞌjiaatĩn niccia, uppwaattĩ aajĩlẽẽta baag ĩĩn ꞌramma ꞌtaaũnaa cĩ ꞌThõõdõmĩ nẽ õõt ummuddioothĩk Loot iccioloongan ngaatĩ õbõhõõ hĩ hattũũg cobbi cĩ ꞌtaaũnõõ. Ma baa adtuuha Lõõtĩ ĩhõõggõ ho, ĩtĩnga ũꞌthũkũcoothĩk nĩngĩtĩ õkõ ĩꞌthaaĩ,

ꞌThianaattõ 29:13

Ma baa athĩhĩ Labanĩ nyeemuut cĩ ngeerĩngõõnõnĩ ho, ukul nẽ buúk õõt ommottio hĩ Yakobo ꞌgõõla, nĩngĩtĩ ĩꞌthaaĩ ĩnõõnnõ taliitta nẽ ũũhĩ ĩĩcĩ olu, nĩngĩtĩ aduhaakĩ Yakobo ĩnõõnnõ thooꞌthiok vẽlẽk.

ꞌThianaattõ 31:28

Nẽ tarĩ nga aꞌnyaa hĩꞌthaaĩk lõhõlĩ cĩgannĩg hĩ lõhõlĩ cĩggĩĩng ꞌgõõl buúk. Ĩdĩmanuu thõõth ꞌcĩ ẽꞌngẽjĩ gẽrrẽẽt ũdũt.

ꞌThianaattõ 43:26

Ma baa uppwaanna Yothebo dĩdĩ ho, iita akattieek ĩnõõnnõ huruꞌnyia nẽ akatti hẽbẽrĩ looc, nĩngĩtĩ aaꞌnyĩkĩ ꞌbaaninit tĩho.

ꞌThianaattõ 45:15

Ma tarĩ ho, ikia ĩꞌtha nẽẽ ꞌgõtõõnõgĩ ꞌcĩg ũgĩ ho buúk nĩngĩtĩ allwẽẽkĩ ĩhõõggõ. Ma uruta, iita othooꞌthio ꞌgotoonoggia hĩ ĩnõõnnõ lõꞌngõõc.

ꞌThianaattõ 46:29

Ma nĩngaata, õtõd Yothebo ꞌgadiggadi cĩnnĩ, hõõt hommottio hĩ maaꞌnyĩ Ĩꞌthĩraẽl nĩĩca. Ma baa ꞌthẽk õmmõtõõ hoti ho, ĩꞌthaayyio hĩ maaꞌnyĩ gẽrrẽẽt hĩccĩnĩt ulwa nĩĩcĩ noho.

Luugithõõ 18:6

Nĩngĩtĩ ĩꞌthõõĩkĩ ꞌJeꞌthoro Mũũꞌtha nyeemuut annẽẽkĩ, “Nganĩĩt ꞌJeꞌthoro homoneec cunni ciee hõõkõraanna hĩ ngaa cunni hĩ buul cugunnig ꞌramma ho.”

Luugithõõ 4:27

Ma ngaati, uduhaak Makayyioohiti Arõõnẽ ĩĩnnĩk, “Õõt ommottio hĩ Mũũꞌtha horrwatõõ ꞌcĩ õdõhõhĩĩ kak.” Nĩngĩtĩ ammũdõõthĩkĩ Arõõnẽ Mũũꞌtha muuraa cĩ Nyekuci nẽ ĩꞌtha ĩnõõnnõ.

ꞌLuuka 7:45

Nganĩngĩtĩ hakuuni, nga ꞌthaawaa nii nganĩĩta, nẽẽthĩ, ĩꞌthaawa ngaa cieeni nẽ nga ꞌthẽk ĩꞌthaayya noho.

Dtiicanĩ cĩg ꞌThooyyiahu 20:37

Baa arruui nẽẽg vẽlẽk hĩcĩ ĩꞌthaaĩk nẽẽg Paaulo ꞌgõõla.

Dtiicanĩ cĩg ꞌThooyyiahu 28:15

Ĩko ĩthĩhĩt nuyyiooha cĩg Makayyioohit Yeesu ngaatĩ hauunna, nĩngĩtĩ au athirriaamanneet ꞌCuuhaa cĩ Aappio nẽ tarĩ iita ithirriaamatteet ꞌcieethinii ꞌcĩg ĩĩn iyyio, ĩcĩg ooginni eeta. Ma baa ma acĩn Paaulo eet iccig ko, atal Nyekuc, nĩngĩtĩ õkõmmĩ ĩnõõnnõ ꞌthĩnĩt.