Luugithõõ 18:12 - ꞌBuuk cĩ Thõõth cĩ Nyekuci

¹² Ma nĩngaata, ittiha ꞌJeꞌthoro hõmõnẽẽcĩ cĩ Mũũꞌtha, ꞌbaaninit ꞌcĩ ĩwaaddi hĩ ꞌgaarriẽẽn ũgĩ nẽ aaꞌnyĩk Nyekuc, nĩngĩtĩ au aduhi Arõõnẽ hĩ makayyiook cĩg eet cĩg Ĩꞌthĩraẽlĩ, ũbũnẽẽt hõdẽĩ hĩ homoneec cĩ Mũũꞌtha hẽbẽrẽẽnnĩĩ cĩg Nyekuci.

Luugithõõ 18:12 ပူးပေါင်းရင်းမြစ်များ

ꞌThianaattõ 12:7

Ma nĩngaata, uppwaannak Makayyioohiti Nyekuci Abũraamõ tarĩ nẽ ĩĩnnĩk ĩnõõnnõ, “Ĩĩn lõõcĩ ciee looc ꞌcĩ hatĩ haaꞌnyihi naa ngeeruni.” Ma nĩngaata, etehenyeek Abũraamõ Makayyioohit ꞌcĩ uppwaannak ĩnõõnnõ ho, nĩngĩtĩ ĩbbõõrĩkĩ Nyekuc ꞌgaarrieenit.

ꞌThianaattõ 26:25

Ma nĩngaata, ẽtẽhẽnya Iꞌthaako nĩngĩtĩ ĩbbõõrĩkĩ Makayyioohit ꞌgaarrieenit nẽ ala ĩnõõnnõ. Ma ho, õlõman nĩngaata nẽ adayyia dticcianniooha cĩgĩnnĩg wĩĩtaneec umwa tarĩ.

ꞌThianaattõ 26:30

Ma nĩngaata, aarĩhĩ Iꞌthaako ĩhõõggõ karrama, nĩngĩtĩ aduhẽẽnĩ nẽ uhuddi lõꞌngõõc.

ꞌThianaattõ 31:54

Ma ho, ĩbbõõr Yakobo ꞌgaarrieenit ngaatĩho nẽ ĩwaad hĩĩ ꞌthĩĩ nẽ ũtũvva ittioonniok cĩgĩnnĩg vẽlẽk hiita hudukto. Ma baa udukto nẽẽg ẽlẽk, atagguutho nĩngaata ĩꞌthõng loohoth cĩnnĩ.

ꞌThianaattõ 4:4

Nẽ baa aꞌnyaha Abeele aꞌtheet ꞌcĩ anyũttĩĩ, nĩngĩtĩ acuhanĩ nẽ ẽbẽra iding ꞌcĩ adĩhĩ nẽ aaꞌnyĩk Makayyioohit hĩĩ ꞌbaaninit. Baa atalĩ Makayyioohiti ꞌbaaninit cĩ Abeele ho gẽrrẽẽt,

ꞌThianaattõ 43:25

Ma baa ho, uduhaak ĩhõõggõ ĩĩnnĩk, aku hatĩ Yothebo buúk duhẽẽtta hatĩ aau kõrra lokora, ma nĩngaata, iꞌthiattaaĩ nẽẽg ũkũmatteek kadĩkadĩngĩ baag ĩĩn ꞌbaaninit cĩ Yothebo.

ꞌThianaattõ 8:20

Ikia ẽtẽhẽnya Nõõa nĩngĩtĩ ĩbbõõrĩkĩ Makayyioohit ꞌgaarrieenit nẽ ẽbẽra idiꞌngwa hõdẽĩ hõdẽĩ ꞌcĩg tẽllĩg ꞌcĩg occa ĩĩn ꞌgaarriẽẽn hĩ hĩbaallĩ buúk noho, nĩngĩtĩ ĩwaadĩ idiꞌngwa niccig hĩĩtõ ꞌgaarriẽẽn ꞌcĩg aaꞌnyĩk Makayyioohit.

Luugithõõ 18:13

Ma baa loohoth cĩnnĩ, ikia iccioloongan Mũũꞌtha dtaabawaa cĩnnĩ nẽ ẽttẽẽd lokihẽẽt cĩg eetuk, nĩngĩtĩ alũtõõthĩkĩ eeta ĩnõõnnõ ngaanĩngĩtĩ loohothu ĩꞌthõng hĩĩ ꞌjiaatĩn lõõcĩ.

Luugithõõ 2:16

Nẽẽthĩ ꞌyioko, baa aꞌnyak paadĩrĩ umwaa cĩ Midianĩ buheeci tũkĩramma ꞌcĩg baag au õgõõc maam nẽ eellik hẽlẽggĩ cĩg maacõnĩ.

Luugithõõ 2:20

Nĩngĩtĩ ajini lõhõlĩ cĩgĩnnĩg ko annẽẽkĩ, “Aaĩ ꞌyioko ẽẽtĩ tĩho ĩĩna? Ũũnniku gõõng hatĩ eet inni? Õõt da utuvvuyyia hikia hadak ꞌgiimwa.”

Luugithõõ 20:24

“ ‘Etehenyteehaangu nganĩĩt nĩngĩtĩ ĩbboorĩkaangu ꞌgaarrieenit dooba nẽ ĩbboorrihaangu ꞌgaarriẽẽn cugguung, ꞌgaarriẽẽn ꞌcĩg ĩwaaddu hĩĩ ꞌbaaninit nẽ ĩĩtõ ꞌgaarriẽẽn ꞌcĩg ĩĩn ꞌbaaninit cĩ ganõõnõ. Ĩbboorit aꞌtha hĩ ẽẽtha hĩ tĩĩn cugguung. Etehenyit nĩngĩtĩ ĩbboorini ꞌgaarrieeniti, hátĩ ma hidiima naa ꞌthaar cĩgannĩg hummukta eeta, halluuccia loota nẽ hikia haggatanuung ngagiita.

Luugithõõ 24:11

Tananga baa ĩcĩnĩt nyakangaaꞌnya cĩg Ĩꞌthĩraẽlĩ Nyekuc, baa hõllõngaa aruk Nyekuci ĩhõõggõ buúk. Nĩngĩtĩ aduhẽẽnĩ nẽẽg nẽ uhuddi muumaa cĩ Makayyiookto.

Luugithõõ 24:5

Ma nĩngaata, ĩꞌthõ nẽẽ nyahaappanĩt ũgĩ cĩg Ĩꞌthĩraẽlĩ hõõt haanytĩk Makayyioohit ꞌgaarriẽẽn ꞌcĩg ĩwaaddi nẽ ibboorrik olĩꞌnya hĩĩtõ ꞌgaarriẽẽn ꞌcĩg agaõõnĩ eeta hĩ Nyekuc.

Luugithõõ 3:1

Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci.

ꞌLuuka 14:1

Kõr umwa cĩ ꞌYiommaanõ, baa õkõ aduhi Yeesu õlõõ cĩ Variꞌtheenit umwa ꞌcĩ agayyi gẽrrẽẽt. Nĩngĩtĩ arũũrrĩ eeta ĩnõõnnõ,

ꞌLuuka 14:15

Ma baa athĩhĩ eet umwaa ꞌcĩ arũmĩ hĩ Yeesu nĩngaata thõõth icci ho, ikia othoothĩk nẽẽ Yeesu ĩĩnnĩk, “Aggatanĩ ẽẽtĩ ꞌcĩ hatĩ adak karrama habuccieetaa cĩ Nyekuci.”

1 Korinthia 10:18

Ummuhuttooth da nõõ eet cĩg Ĩꞌthĩraẽlĩ. Hõllõngaa nooyyia arũm eeta ꞌcĩg adak ꞌgaarrieenit altaarĩa eleeti thõng?

1 Korinthia 10:21

Occa hõllõngaa ahũdeennu niig hooppo cĩ Makayyiookto nẽ uhuddiooyyu hooppo cĩ loriẽẽt ꞌcĩg abathĩ buúk. Occa hõllõngaa othollu niig tẽrẽmẽẽja cĩ Makayyiookto hĩ tẽrẽmẽẽja cĩ loriẽẽt ꞌcĩg abathĩ buúk.

1 Korinthia 10:31

Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.