Luugithõõ 17:12 - ꞌBuuk cĩ Thõõth cĩ Nyekuci

¹² Ma baa ippiirria athĩna cĩg Mũũꞌtha, itikta Arõõnẽ hĩ Hur bẽẽ umwa nẽ aanytĩk Mũũꞌtha hiccioloonganĩ loota. Ma ho, odongit Arõõnẽ hĩ Hur athĩn cĩg Mũũꞌtha ꞌjieena, baa õdõng Arõõnẽ aꞌthiit umwa nẽ õdõng Huri buúk umwa, hátĩ haallattia athĩna cĩgĩnnĩg ꞌjieena ĩꞌthõng hokoloothĩk kõrra.

Luugithõõ 17:12 ပူးပေါင်းရင်းမြစ်များ

Luugithõõ 17:11

Ma baa õdõng Mũũꞌtha athĩn cĩgĩnnĩg ꞌjieena, ĩllõõan eeta cĩg Ĩꞌthĩraẽlĩ mĩrõk, má aarĩk nẽẽ athĩn cĩgĩnnĩg loota, ĩllõõan hinnia eeta cĩg Amalẽhĩ.

Luugithõõ 17:13

Nĩngĩtĩ ĩllõõanĩ ꞌJooꞌthua athegereeꞌnya cĩg Amalẽhĩ jora.

Luugithõõ 24:14

Baa aduhaak Mũũꞌtha makayyiook anneek, “Ereeyyieetu ngagĩĩt ngaati ĩꞌthõng hoboddiaawa naaga. Arõõnẽ hĩ Hur cieeg arũmeennu hĩ ngagiit ngaati ho. Má ẽppẽhanõõ eeta ũgẽẽgĩ nga haattiyyiaanna naaga, aanytĩk hootti thõõth hĩ ĩhõõggõ.”

2 Korinthia 1:11

Nẽ hĩcĩ eellieetu niig ngagĩĩt laiittaa cunuung ko, mẽẽlĩg hatĩ eeta buúk ꞌcĩg anneek Nyekuc ĩlaallẽ, hĩnĩngĩtĩ ẽdẽcĩ Nyekuci laiinit cunuung hĩnĩngĩtĩ ngagĩĩta.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

Kolooꞌthe 4:2

Ĩrrĩcatta laiinit, aaut dĩkĩĩm nẽ ĩĩttĩhu Nyekuc ĩlaallẽ.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

Ebereei 12:12

Nẽẽthĩ ꞌyioko, ma habarrittu, aanytĩk ĩbaati hĩ huthungti cugguung hittiranit.

ꞌJeemith 1:6

Nẽẽthĩ, má alayyu niig Nyekuc ꞌgiimwa, adiim elemmu aĩ, aaꞌnyuung hatĩ nẽẽ ꞌgii tĩho dĩdĩ. Ma hĩccaaddu thõõth umwa, hĩnĩngĩtĩ ẽẽtĩ ꞌcĩ ĩccaad thõõth, aaĩ nẽẽ hĩ maama cĩg bũlũcaak ꞌcĩg uuhan ngõõtĩ.