Luugithõõ 16:7 - ꞌBuuk cĩ Thõõth cĩ Nyekuci

⁷ nẽ ngerrenita, acinnu hatĩ niig bulẽẽnĩt cĩ Makayyiookto, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ. Ngagĩĩt ꞌyioko ꞌthẽk hĩ nganĩ ꞌcĩg occa ongoongoeekeetu niig ko?”

Luugithõõ 16:7 ပူးပေါင်းရင်းမြစ်များ

Luugithõõ 16:10

Ma baa nga othoothĩk Arõõnẽ lothippit cĩ eet cĩg Ĩꞌthĩraẽlĩ, ẽbẽktõõthĩ eeta looc ĩĩcĩ horu ꞌcĩ õdõhõhĩĩ kak ko, nĩngĩtĩ adtuuhanĩ bulẽẽnĩt cĩ Makayyiookto ngaatĩ uppwaannanĩ loduruatõõ.

Luugithõõ 16:12

“Hĩthĩha naa ngoongoi cĩ eet cĩg Ĩꞌthĩraẽlĩ. Nẽẽthĩ ꞌyioko, duhaak ĩhõõggõ anneek, ‘Adaku hatĩ iding ꞌjiaat nẽ ngerrenita, ammũdaannu hatĩ ũbũnẽẽt vẽlẽk ꞌcĩg adiimmu niiga. Nẽẽthĩ hatĩ iita agayyu niig ngaatĩ hĩĩnnĩ naa Makayyioohit Nyekuc cunuung dĩdĩ.’ ”

Luugithõõ 16:8

Nẽ tarĩ ĩĩ Mũũꞌtha, “Agayyu hatĩ niig ĩko baa ꞌthẽk Makayyioohit dĩdĩ ꞌcĩ aaꞌnyuung ngagiit iding ꞌcĩ adaku ꞌjiaat hĩ ũbũnẽẽt vẽlẽk ꞌcĩg adiimmu niig ngerrenita, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ ho. Ngagĩĩt ꞌyioko ꞌthẽk hĩ nganĩ? Hõllõngaa ongoongoeekeetu niig ngagĩĩta, nẽẽthĩ hinnia, ongoongoeeku niig Makayyioohit.”

Luugithõõ 24:10

Ma nĩngaata, udtuukta nẽẽg Nyekuc cĩ Ĩꞌthĩraẽlĩ. Nẽ ꞌthõõnĩĩ cĩgĩnnĩg loota, baa aaĩ ꞌgiimwaa ꞌcĩ aaĩ hĩ bẽẽ ꞌcĩ cũlahẽẽnĩ nẽ ĩĩ tẽlla haau hĩ hẽẽtkujjieen.

Luugithõõ 24:16

nĩngĩtĩ aku aayyi bulẽẽnĩtĩ cĩ Makayyiookto Muuraa cĩ ꞌThĩnaĩ lokora nẽ ũmmũlũũnyan loduruui muur waathinniook tõrkõnõn. Ma baa kõr ꞌcĩ ĩĩn tũrkĩramma, ũtũvvũ Makayyioohiti Mũũꞌtha loduruuwatõõ.

Yõaannẽ 11:4

Ma baa athĩhĩ Yeesu nyeemuut icci ho, ikia õthõõth ĩĩ, “Aitiõõ hatĩ mõõrĩthĩ ciee hõllõngaa adtuurnik daahĩtha dioo. Ĩĩn hatĩ bulẽẽnĩt cĩ Nyekuci, hátĩ hubuluthi Ngeerĩnĩ daahĩtha nĩĩcĩ.”

Yõaannẽ 11:40

Ẽdẽcĩ Yeesu ĩnõõnnõ anneek, “Nga nooyyia huduhaahii naa nganiit hiinnihi, má aꞌnyahi lemiinit, acini hatĩ bulẽẽnĩt cĩ Nyekuci?”