Luugithõõ 16:32 - ꞌBuuk cĩ Thõõth cĩ Nyekuci

³² Ma ho, ĩĩ Mũũꞌtha, “Thõõth ꞌcĩ aduha Makayyioohiti cieeni, ‘Uluttia manna ꞌcĩ ũũppan lokirriaac nẽ itiangiꞌthu hĩĩ cĩ lõhõlĩ ꞌcĩg arrittiaa horumwa irkiꞌnyiaannĩ, hátĩ hĩcĩnĩt lohollia ũbũnẽẽt ꞌcĩg haaꞌnyuung naa ngagiit uduhit horrwaa ꞌcĩ õdõhõhĩĩ kak, baa hõõgannuung ngagiit Ijjiba.’ ”

Luugithõõ 16:32 ပူးပေါင်းရင်းမြစ်များ

Luugithõõ 16:16

Thõõth ꞌcĩ aduha Makayyioohiti cieeni. Adiim eet hõdẽĩ hõdẽĩ huluttia ꞌgẽẽn hĩĩ maka hĩcĩ adiim nẽẽgĩ. Uluttia lokirriaac hõdẽĩ ꞌcĩ ũũppan eet hõdẽĩ halangatõõ hõdẽẽthõng.”

Luugithõõ 16:31

Baa avvĩ eeta cĩg Ĩꞌthĩraẽlĩ ũbũnĩ anneek manna. Baa õõrĩg ũbũnẽẽta tĩko aattĩg hĩ locceeri nẽ ĩĩtõ ꞌlĩĩ ꞌlĩĩ hĩ ꞌgii ꞌcĩ õꞌngõõtanoothĩk lõtẽẽcĩ.

Luugithõõ 16:33

Nĩngĩtĩ aduhaakĩ Mũũꞌtha Arõõnẽ annẽẽkĩ, “ꞌTiha manna umwa nẽ aarihuu lohilihiliiatõõ. Arĩĩk muumaa cĩ Makayyiookto hitiangĩthĩ hĩĩ cĩ lõhõlĩ ꞌcĩg nga au irkiꞌnyiaannĩ.”

ꞌLuuka 22:19

Nĩngĩtĩ attihaanĩ ũbũnĩ nẽ aggatana. Ma ho, ẽꞌngẽr nẽ aꞌnyĩĩk ĩhõõggõ nẽ ĩĩnnĩk, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, uduhit, hátĩ gõõng ummuktaayyiaangu nganĩĩta.”

Ebereei 2:1

Huꞌthuutti naag thõõth baa illimanoothĩheet nẽ hĩthĩhĩt jurrung, hátĩ hiittiõõ hõllõngaa hĩꞌthanni tahatak nẽ hũtũngteek thõõth ꞌcĩ ĩĩn dĩdĩ.

Ebereei 9:4

Aꞌnyak nĩngĩtĩ ciee altaarĩ ꞌcĩ ĩĩn ꞌdaab ꞌcĩ ĩwaadini mõhõõkacĩ nẽ aꞌnyak cadduk ꞌcĩ ĩĩn ꞌdaab cĩ lohoto. Nẽ cadduha ĩĩtõ, aꞌnyak hutuba ꞌcĩ ĩĩn ꞌdaab ꞌcĩ abbĩꞌthĩĩ ꞌgẽẽn ꞌcĩ haĩ manna, nẽ baa aaĩ hĩbahĩtĩ cĩ Arõõnẽ ꞌcĩ appuuha bõllõõk, nẽ aauto biyyiẽẽna cĩg lõhõtaak tõõ.