Luugithõõ 16:20 - ꞌBuuk cĩ Thõõth cĩ Nyekuci

²⁰ Ĩko nẽẽ aitiõõ eeta ũgẽẽgĩ hõllõngaa athĩhĩ thõõth ꞌcĩ aduha Mũũꞌtha ho, anyiꞌthia hinnia ũgĩ hĩĩ mohoyyiẽẽta. Ma baa ngerrenita, ummuddieek uggub nẽ aꞌnyak huluta. Nĩngĩtĩ alĩĩllĩkĩ Mũũꞌtha ĩhõõggõ gẽrrẽẽt ũdũt.

Luugithõõ 16:20 ပူးပေါင်းရင်းမြစ်များ

Luugithõõ 16:19

Ma ho, uduhaak Mũũꞌtha ĩhõõggõ ĩĩnnĩk, “Ma eet umwaa hanyiꞌthia umwa hĩĩ mohoyyio.”

Luugithõõ 16:21

Baa alũta eeta ꞌgẽẽn ꞌcĩ ũũppan ĩhõõggõ hõdõõkõthĩ ngerrenita nẽ ma baa aabur kõrra, ikia õbõõĩ ĩĩ maam.

Luugithõõ 16:24

Nĩngĩtĩ itiangꞌthĩ eeta ꞌgẽẽn hĩĩ cĩ lohotha, hĩcĩ aduha Mũũꞌtha ho nẽ baa hõllõngaa aggub buúk hode nẽẽ aꞌnyak hulutaac hõdẽẽthõng haaga.

Maatteeo 6:19

“Ma hitiangiꞌthu baliinit cunuung loota nĩnga, ngaatĩ aduhẽẽkĩ hurubo hĩ hẽlẽggĩ ꞌcĩg aaꞌnyĩk ꞌthĩĩk hohonooꞌthi, hĩ ngaatĩ avvahanĩ igorriaaha ꞌcieethi nẽ igorithita.

Maarko 10:14

Ma baa õrõõta Yeesu thõõth icci ho, ikia ĩlĩĩlĩ nẽẽ nẽ ĩĩnnĩk nuyyiook, “Aanytĩk lõhõlĩ hiita hĩ nganĩĩta, ma halaammu ĩhõõggõ, hĩnĩngĩtĩ adiim habuccieet cĩ Nyekuci eet ꞌcĩg aattĩg hĩ lohollia cieegi.

Maarko 3:5

Nĩngĩtĩ ẽggẽlẽẽmĩ Yeesu ĩhõõggõ lĩĩlĩẽẽttaa nẽ iittiõõ hõllõngaa accamanoothĩk, hĩnĩngĩtĩ baa õkõmĩ ĩhõõggõ ooti. Nẽ uduhaak eet nicci ĩĩnnĩk, “Õõd aꞌthiit cunni hũũlan.” Nĩngĩtĩ õõdĩ nẽẽ aꞌthiit nẽ ũbũna aꞌthiiti cĩnnĩ ho tarĩ!

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

Eevvetho 4:26

Ma haaꞌnyĩku liilii hĩĩnanaahuung ꞌthẽccan. Ma hooyyu ũꞌnyaahĩ lĩĩlĩẽẽtta,

Ebereei 13:5

Ma haangallu ꞌrabbẽẽtĩ, aaꞌnyĩk ꞌrabbẽẽt ꞌcĩg abadtẽc ꞌcĩg aꞌnyaku hũũppattuunga. Hĩnĩngĩtĩ baa aĩ Nyekuci ꞌBuuhaa cĩnnĩ, “Hõllõngaa hatĩ halahaneekuung nẽ hudhuheehuung tuu.”