Luugithõõ 16:15 - ꞌBuuk cĩ Thõõth cĩ Nyekuci

¹⁵ Ma baa ma adtuuha eeta cĩg Ĩꞌthĩraẽlĩ ho, othoothito nyaagwaana ĩĩtõ, “Ne occa gõõng nicciee?” Hĩnĩngĩtĩ baa hõllõngaa aga nẽẽg ꞌgii tĩho. Ma ho, ĩĩnnĩk Mũũꞌtha ĩhõõggõ, “Ĩĩn cieeg ũbũnẽẽt ꞌcĩg aaꞌnyuung Makayyioohiti ngagiit uduhit.

Luugithõõ 16:15 ပူးပေါင်းရင်းမြစ်များ

Luugithõõ 16:31

Baa avvĩ eeta cĩg Ĩꞌthĩraẽlĩ ũbũnĩ anneek manna. Baa õõrĩg ũbũnẽẽta tĩko aattĩg hĩ locceeri nẽ ĩĩtõ ꞌlĩĩ ꞌlĩĩ hĩ ꞌgii ꞌcĩ õꞌngõõtanoothĩk lõtẽẽcĩ.

Luugithõõ 16:33

Nĩngĩtĩ aduhaakĩ Mũũꞌtha Arõõnẽ annẽẽkĩ, “ꞌTiha manna umwa nẽ aarihuu lohilihiliiatõõ. Arĩĩk muumaa cĩ Makayyiookto hitiangĩthĩ hĩĩ cĩ lõhõlĩ ꞌcĩg nga au irkiꞌnyiaannĩ.”

Luugithõõ 16:4

Ma ho, ĩĩnnĩk Makayyioohiti Mũũꞌtha, “Hĩꞌthõõakuung hatĩ naa ngagiit ũbũnẽẽt hẽẽtahujjieen haau hĩ tammu. Kõr hõdẽẽthõng, adiim eet hõõt huluttia ꞌgẽẽn ꞌcĩ ũũppan waathĩn tĩho diooni. ꞌGõõl ꞌcĩ hatĩ hattĩmanĩĩ naa ĩhõõggõ, hĩcĩn hatĩ anũ nẽẽg thõõth caannĩ cieeni.

ꞌLuuka 12:30

Eet ꞌcĩg hõllõngaa aga Nyekuc ꞌcĩg alĩk hẽlẽggĩ ꞌcĩg aattĩg hoti. Aga Baangẽẽtĩ ẽmmẽn ngaatĩ adiimmu niig hẽlẽggĩ iccig.

Yõaannẽ 6:49

Baa aduk hĩbaangĩ baagguung baarkit ꞌgẽẽn baa haĩ manna horrwaa ꞌcĩ õdõhõhĩĩ kak nẽ baa aalla adaahĩ noho.

Yõaannẽ 6:58

Ũbũnĩ baa aku hẽẽtahujjieen cieeni. Baa aduk hĩbaangĩ cugguung manna nẽ aalla adaahĩ noho, nẽẽthĩ, ẽẽtĩ ꞌcĩ aduk ũbũnĩ icci, arũgĩ hatĩ nẽẽ ũdũt.”

1 Korinthia 10:3

Baa adak hĩbaangĩ vẽlẽk ꞌgẽẽn hõdẽẽthõng cĩ loriio,

Ebereei 9:4

Aꞌnyak nĩngĩtĩ ciee altaarĩ ꞌcĩ ĩĩn ꞌdaab ꞌcĩ ĩwaadini mõhõõkacĩ nẽ aꞌnyak cadduk ꞌcĩ ĩĩn ꞌdaab cĩ lohoto. Nẽ cadduha ĩĩtõ, aꞌnyak hutuba ꞌcĩ ĩĩn ꞌdaab ꞌcĩ abbĩꞌthĩĩ ꞌgẽẽn ꞌcĩ haĩ manna, nẽ baa aaĩ hĩbahĩtĩ cĩ Arõõnẽ ꞌcĩ appuuha bõllõõk, nẽ aauto biyyiẽẽna cĩg lõhõtaak tõõ.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”