Luugithõõ 15:16 - ꞌBuuk cĩ Thõõth cĩ Nyekuci

¹⁶ Adhukiaak hatĩ ĩhõõggõ barriti cobbiẽẽnĩ. ꞌTirriaanaa cĩ aꞌthiit cunni, emmeethĩk hatĩ nẽẽg hĩ bẽẽ, ĩꞌthõng hallacattĩ eeta cugunnẽẽgĩ Makayyioohit, ĩꞌthõng hallacattĩ eeta baag ũũta niina.

Luugithõõ 15:16 ပူးပေါင်းရင်းမြစ်များ

ꞌThianaattõ 35:5

Ma baa ĩꞌngaathĩ Yakobo hĩ eet cĩgĩnnĩg ko, ikia aggam tẽẽlꞌthĩtĩ cĩ Nyekuci eet cĩg ꞌtaaũnniook ꞌcĩg õbõhõõ hĩ ĩhõõggõ, hátĩ hiittiõõ ẽẽtĩ ꞌcĩ occa iggiaoothi ĩhõõggõ tõõ.

Luugithõõ 11:7

Nẽẽthĩ, lothippitaa cĩ Ĩꞌthĩraẽlĩ, emmeethĩk hatĩ lõõcĩ nẽ hiꞌthihi hatĩ ũthũr ꞌcĩ occa oroheek eet hode hẽlẽggĩ.’ Nẽẽthĩ hatĩ iita agayyu niig ngaatĩ ẽꞌngẽrĩ Makayyioohiti eet cĩg Ĩꞌthĩraẽlĩ hĩ eet cĩg Ijjibi.

Luugithõõ 15:13

Mĩnnaniitta cunni ĩĩcĩ hõllõngaa edecciaa, aggami hatĩ nii eet baag ẽẽla niina. ꞌTirriaanaa cunni, atiꞌthiti hatĩ nii ĩhõõggõ ĩꞌthõng hõdõlanit nĩngĩtĩ ẽllẽẽmĩth ꞌcĩ aayyi niina.

Luugithõõ 15:5

Ũmmũlũũnyan bũlũc ꞌcĩ uuthik ĩhõõggõ, udhuktoothĩk nẽẽg maamĩtõõ hĩ biyyiẽẽna.

Luugithõõ 15:6

Aꞌnyamanni aꞌthiiti cunni cobbi ꞌtirriaana Makayyioohit. Ĩꞌthaan aꞌthiiti cunni cobbi mĩrõk Makayyioohit.

Luugithõõ 18:8

Ma ho, uduhaak Mũũꞌtha homoneec cĩnnĩ ho thooꞌthiok vẽlẽk ꞌcĩg baag adĩmaneek Makayyioohiti habu cĩ Ijjibi hĩ eet cĩg Ijjibi, hĩnĩngĩtĩ eet cĩg Ĩꞌthĩraẽlĩ hĩ ꞌcannan vẽlẽk ꞌcĩ baa ammũda nẽẽg ꞌgõõla, hĩ ꞌgõõl ꞌcĩ baa ẽẽlanĩ Makayyioohiti ĩhõõggõ.

Luugithõõ 20:2

“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.

Luugithõõ 23:20

“Ĩcĩnĩt, hĩꞌthõõakuung naa aajĩlõ hutuaneekuung ngagiit nẽ hũꞌthũũttuung ngagiit ꞌgõõla, hátĩ haꞌnyahaauung looccaa ĩbaa hakũmaneekuung naa ngagiita.

Luugithõõ 23:22

Nẽẽthĩ, má anuyyu niig thõõth ꞌcĩ aduha aajĩlõ ho jurrung, nẽ ĩdĩmattu thooꞌthiok vẽlẽk ꞌcĩg haduha naana, hĩĩnĩ hatĩ naa mirohit cĩ mĩrõk cugguung nẽ haburreehi hatĩ naa eet ꞌcĩg aburreekuung ngagiita.

Luugithõõ 23:27

“Hĩꞌthõõa hatĩ naa bathi caannĩ hutuaneekuung ngagiit nẽ haaꞌnyĩha barriti eet vẽlẽk cĩg loonyin ꞌcĩg ommotonnu hĩ ngagiita. Haaꞌnyihi hatĩ naa mĩrõk cugguung vẽlẽk hutuhuyyi hukulit.

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

2 Pẽẽtũrũ 2:1

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.