Luugithõõ 14:7 - ꞌBuuk cĩ Thõõth cĩ Nyekuci

⁷ Baa õkõõĩ nẽẽ ꞌgadiggadiꞌnya ꞌmiiaꞌnya tõrkõnõn ꞌcĩg agurut nyangõõllẽẽꞌnya, ꞌcĩg ĩllõõan ꞌgoonoginni vẽlẽk ĩcĩg joraak, hĩ ꞌgadiggadiꞌnya ũgĩ vẽlẽk cĩg Ijjibi hĩ makayyiook cĩggĩĩng vẽlẽk.

Luugithõõ 14:7 ပူးပေါင်းရင်းမြစ်များ

ꞌThianaattõ 50:9

Kõr tĩho, baa mẽẽlĩg eeta ꞌcĩg ittioon Yothebo gẽrrẽẽt, baa õõ ũgẽẽgĩ ꞌgadiggadiꞌnyanĩĩ ꞌcĩg agurut nyangõõllẽẽꞌnya, nẽ õõt ũgẽẽgĩ nyangõõllẽẽꞌnyanĩĩ cĩggĩĩng. Baa ꞌthẽk lothippit hũtũrũũr ꞌcĩ õõkõr hĩ Yothebo õõ ammũt maaꞌnyĩ Kanaana ho.

Luugithõõ 14:23

Baa iggiaoothi eeta cĩg Ijjibi ĩhõõggõ nyangõõllẽẽꞌnyanĩĩ cĩg habu cĩ Ijjibi vẽlẽk, hĩ athegereeꞌnya ꞌcĩg aꞌthuhan nyangõõllẽẽꞌnya ꞌcĩg agurut ꞌgadiggadiꞌnya hĩ athegereeꞌnya ꞌcĩg avvir nyangõõllẽẽꞌnyanĩ õõĩ ĩĩcĩ bũlũcõ.

Luugithõõ 14:6

Nĩngĩtĩ aaꞌnyĩkĩ nẽẽ ꞌgadiggadi cĩnnĩ cĩ joro ꞌcĩ agurut nyangõõllẽẽ hũkũmanoothĩk nẽ ookorit hĩ ũũrũta cĩgĩnnĩg.

Luugithõõ 14:8

Ma nĩngata, ikia aaꞌnyĩk Makayyioohiti habu cĩ Ijjibi hĩllõõr, nĩngĩtĩ anũõõꞌthĩ eet cĩg Ĩꞌthĩraẽlĩ ꞌcĩg baag ariheek ꞌgõõlaa cĩnĩĩng ꞌthinneetinii ꞌcĩg õkõmĩ.

Luugithõõ 15:4

Udhuheek nẽẽ ꞌgadiggadiꞌnya hĩ athegereeꞌnya ꞌcĩg avvir nyangõõllẽẽꞌnyanĩ bũlũcatõõ. Utududdi ꞌgaala cĩg ũũrũta cĩg habuuak, ꞌcĩg attiran vẽlẽk Bũlũcatõõ ꞌcĩ Marihi.