Luugithõõ 14:4 - ꞌBuuk cĩ Thõõth cĩ Nyekuci

⁴ Nẽ haaꞌnyihi hatĩ naa habu cĩ Ijjibi hĩllõõr nẽ ũnũõõthĩ ĩhõõggõ. Nẽẽthĩ hatĩ hũmmũda naa bulẽẽnĩt cĩ ẽlẽ caannĩ, ngaatĩ hĩllõõanĩĩ habu cĩ Ijjibi hĩ ũũrũta cĩgĩnnĩg vẽlẽk, nẽẽthĩ hatĩ iita agaacõ eeta cĩg Ijjibi ngaatĩ hĩĩnnĩ naa Makayyioohit dĩdĩ.” Nĩngĩtĩ adĩmanĩ eeta cĩg Ĩꞌthĩraẽlĩ thõõth icci.

Luugithõõ 14:4 ပူးပေါင်းရင်းမြစ်များ

Luugithõõ 10:2

hátĩ uduktaak lõhõlĩ cugguung hĩ lõhõlĩ cĩg lõhõlĩ cugguung, thõõth ꞌcĩ huuki naa eet cĩg Ijjibi nẽ hidticana thooꞌthiok ꞌcĩg ĩnaat eeta hõrggẽẽnaa cĩnĩĩng, nẽ agayyu ngaatĩ hĩĩnnĩ naa Makayyioohit.”

Luugithõõ 10:27

Ma ho, aaꞌnyĩk hinnia Makayyioohiti habu cĩ Ijjibi hĩllõõr hiittiõõ hõllõngaa ẽlẽmaakĩ eet hõõt.

Luugithõõ 12:28

Ma ho, iita ĩdĩmanit eeta cĩg Ĩꞌthĩraẽlĩ hĩ baa aduhaak Makayyioohiti Mũũꞌtha hĩ Arõõnẽ.

Luugithõõ 14:23

Baa iggiaoothi eeta cĩg Ijjibi ĩhõõggõ nyangõõllẽẽꞌnyanĩĩ cĩg habu cĩ Ijjibi vẽlẽk, hĩ athegereeꞌnya ꞌcĩg aꞌthuhan nyangõõllẽẽꞌnya ꞌcĩg agurut ꞌgadiggadiꞌnya hĩ athegereeꞌnya ꞌcĩg avvir nyangõõllẽẽꞌnyanĩ õõĩ ĩĩcĩ bũlũcõ.

Luugithõõ 14:25

Aaꞌnyĩk Makayyioohiti ꞌthoo cĩg ꞌgadiggadiꞌnyannu huppuurriak tuu, hátĩ hanyaman ĩhõõggõ ꞌgõõl ꞌcĩ airi. Nĩngĩtĩ aĩnnĩ eeta cĩg Ijjibi, “Hõlõ, hũtũngteek eet cĩg Ĩꞌthĩraẽlĩ! Hĩnĩngĩtĩ eteiini Makayyioohiti ĩhõõggõ.”

Luugithõõ 14:3

Ammuk hatĩ habuui cĩ Ijjibi aĩ, ‘Arahan hatĩ eeta cĩg Ĩꞌthĩraẽlĩ horrwaa ꞌcĩ õdõhõhĩĩ kak nẽ atalmaanyattĩ haaga.’

Luugithõõ 14:5

Ma baa udukiaak habu cĩ Ijjibi aĩ ukulit eeta, iita ũtũkẽẽcõ habuui cĩ Ijjibi hĩ makayyiook cĩgĩnnĩg muhẽẽnĩt cĩnĩĩng, hĩnĩngĩtĩ eet cĩg Ĩꞌthĩraẽlĩ nẽ ĩĩtõ, “Ne hatĩ ꞌcĩ hĩdĩmanit naag ko? Halahatteek bẽrẽ naag eet cĩg Ĩꞌthĩraẽlĩ hõõt nẽ iittiõõ appahacaaꞌnya ꞌcĩg nga adticanoothĩkeet tõõ!”

Luugithõõ 14:8

Ma nĩngata, ikia aaꞌnyĩk Makayyioohiti habu cĩ Ijjibi hĩllõõr, nĩngĩtĩ anũõõꞌthĩ eet cĩg Ĩꞌthĩraẽlĩ ꞌcĩg baag ariheek ꞌgõõlaa cĩnĩĩng ꞌthinneetinii ꞌcĩg õkõmĩ.

Luugithõõ 18:11

Nẽẽthĩ ꞌyioko, hagawa aattĩ naa ngaatĩ ĩllõõanĩ Makayyioohiti nyekuꞌnya ũgĩ, hĩnĩngĩtĩ baa adĩmaneek nẽẽ thooꞌthiok iccig eet ꞌcĩg arratan eet cĩg Ĩꞌthĩraẽlĩ.”

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Luugithõõ 7:17

Nẽẽthĩ, thõõth ꞌcĩ aduha Makayyioohiti cieeni. Thõõthaa cĩ, aga hatĩ ꞌyioko nii ngaatĩ hĩĩnnĩ naa Makayyioohit. Huuki hatĩ naa maam cĩg Naaĩlaak hĩbahĩtaa caannĩ ho, hutuhuyyi hĩĩtõ biyyi.

Luugithõõ 7:3

Nẽẽthĩ, haaꞌnyihi hatĩ naa habu cĩ Ijjibi hĩllõõr, tananga hadticani thooꞌthiok ꞌcĩg mẽẽlĩg ꞌcĩg ĩnaat eeta Ijjiba,

Luugithõõ 7:5

Ma hõdõnga naa aꞌthiit caannĩ ꞌcĩ attiran ko nẽ huluugi eet cĩg Ĩꞌthĩraẽlĩ Ijjiba, iita thĩ hatĩ agaacõ eeta cĩg Ijjibi, ngaatĩ hĩĩnnĩ naa Makayyioohit.”

Luugithõõ 9:16

Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.

ꞌRooma 11:8

aaĩ hĩcĩ aduha ꞌBuuhi cĩ Nyekuci aĩ, “Baa aaꞌnyĩk Nyekuci ĩhõõggõ hatagguutho, hátĩ hĩĩtõ hõllõngaa acĩnĩ, nẽ ĩdĩĩt ĩĩn cĩggĩĩng hiittiõõ hõllõngaa athĩknĩ.”

ꞌRooma 9:17

Hĩnĩngĩtĩ baa aduhaak ꞌBuuhi cĩ Nyekuci habu cĩ Ijjibi anneek, “Baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.”

ꞌRooma 9:18

Nẽẽthĩ hoti ho, ammaannĩk Nyekuci eet ꞌcĩg adiim ammaannĩk nẽẽnĩ nẽ aaꞌnyĩk ꞌlõõrĩth eet ꞌcĩg adiim nẽẽ hilloorito.