Luugithõõ 14:28 - ꞌBuuk cĩ Thõõth cĩ Nyekuci

²⁸ Nĩngĩtĩ õbõdaanĩ maama au ammũlũũnyanĩ athegereeꞌnya ꞌcĩg aꞌthuhan nyangõõllẽẽꞌnya ꞌcĩg agurut ꞌgadiggadiꞌnya, hĩ ũũrũta ꞌcĩg avvir nyangõõllẽẽꞌnyanĩ, hĩ ũũrũta vẽlẽk cĩg habu cĩ Ijjibi. Baa adaahĩ eeta cĩg Ijjibi vẽlẽk baag iggiaoothi eet cĩg Ĩꞌthĩraẽlĩ bũlũcatõõ hĩĩ ꞌthĩĩ, hiittiõõ ꞌcĩ nga idiongan tõõ.

Luugithõõ 14:28 ပူးပေါင်းရင်းမြစ်များ

ꞌThianaattõ 50:9

Kõr tĩho, baa mẽẽlĩg eeta ꞌcĩg ittioon Yothebo gẽrrẽẽt, baa õõ ũgẽẽgĩ ꞌgadiggadiꞌnyanĩĩ ꞌcĩg agurut nyangõõllẽẽꞌnya, nẽ õõt ũgẽẽgĩ nyangõõllẽẽꞌnyanĩĩ cĩggĩĩng. Baa ꞌthẽk lothippit hũtũrũũr ꞌcĩ õõkõr hĩ Yothebo õõ ammũt maaꞌnyĩ Kanaana ho.

ꞌThianaattõ 7:18

Ma baa iita ittoorri maama loota gẽrrẽẽt, ikia ataadĩ haahũlĩ maamĩ lokora.

Luugithõõ 14:13

Ẽdẽcĩ hinnia Mũũꞌtha eet anneek, “Ma hiteelinnu. Aanytĩk ꞌthinneeti hokomit nẽ hatĩ icittu ꞌgõõl ꞌcĩ ẽẽlannuung Makayyioohiti kõr nicci. Eeta cĩg Ijjibi ꞌcĩg acinnu niig ko, hõllõngaa hatĩ acinnu tarĩ.

Luugithõõ 15:10

Nẽẽthĩ, baa abbeehi nii ĩhõõggõ ꞌlaũk cugunnig, nẽ ũmmũlũũnyan bũlũc ĩhõõggõ. Udhuktoothĩk nẽẽg bũlũcatõõ cobbi hĩ ꞌthĩĩha ꞌcĩg adĩddĩngĩĩ.

Luugithõõ 15:19

Ma baa õõt nyangõõllẽẽꞌnya cĩg habu cĩ Ijjibi hĩ athegereeꞌnya ꞌcĩg aꞌthuhan nyangõõllẽẽꞌnya ꞌcĩg agurut ꞌgadiggadiꞌnya, hĩ eet ꞌcĩg aꞌthuhan nyangõõllẽẽꞌnya ĩĩcĩ bũlũcõ, ikia õbõdaaĩ Makayyioohiti maam cĩg bũlũcaak hũmmũlũũnyanit ĩhõõggõ, nẽẽthĩ, baa õvvõ eeta cĩg Ĩꞌthĩraẽlĩ ꞌgõõlaa ꞌcĩ õdõhõhĩĩ bũlũcatõõ.

Ebereei 11:29

Hĩnĩngĩtĩ lemiinit cĩnĩĩng, iita abaaktĩ eeta cĩg Ĩꞌthĩraẽlĩ Bũlũc ꞌcĩ Marihi ꞌgõõlaa ꞌcĩ õdõhõhĩĩ. Ma baa aĩ habaaktawa eeta cĩg Ijjibi ho, adũddĩ hinnia thõng.