Luugithõõ 14:26 - ꞌBuuk cĩ Thõõth cĩ Nyekuci

²⁶ Nĩngĩtĩ aduhaakĩ Makayyioohiti Mũũꞌtha annẽẽkĩ, “Dongeek aꞌthiit cunni bũlũc, hátĩ hirikta maama hũmmũlũũnyanit eet cĩg Ijjibi hĩ ꞌgadiggadiꞌnya cĩggĩĩng hĩ eet ꞌcĩg avvir nyangõõllẽẽꞌnyanĩ.”

Luugithõõ 14:26 ပူးပေါင်းရင်းမြစ်များ

Luugithõõ 1:22

Ma ho, ikia uduhaak habuui cĩ Ijjibi eet cĩgĩnnĩg thõõth icci ĩĩnnĩk, “Má arrittiaa loholeec ꞌcĩ maacĩ ꞌcĩ ĩĩn Ebereeinit, udhukteek hidiaatõõ cĩ Naaĩlĩ nẽ aanytĩhu ꞌcĩg ngayyig dioo hũrũgĩt.”

Luugithõõ 14:16

Dongeek aꞌthiit cunni hĩbahĩta noho bũlũc, hẽꞌngẽr maam, hátĩ habaaktĩ eeta cĩg Ĩꞌthĩraẽlĩ bũlũcatõõ ꞌgõõlaa ꞌcĩ õdõhõhĩĩ.

Luugithõõ 15:1

Nĩngĩtĩ ẽbẽnẽẽkĩ Mũũꞌtha hĩ eet cĩg Ĩꞌthĩraẽlĩ Makayyioohit tẽgẽl icci, “Hebenoothihi naa Makayyioohit, hĩnĩngĩtĩ bulẽẽnĩt cĩnnĩ cobbi! Udhuheek Makayyioohiti nyangõõllẽẽ hĩ ꞌthukannioohit cĩnnĩ bũlũcatõõ.

Luugithõõ 15:4

Udhuheek nẽẽ ꞌgadiggadiꞌnya hĩ athegereeꞌnya ꞌcĩg avvir nyangõõllẽẽꞌnyanĩ bũlũcatõõ. Utududdi ꞌgaala cĩg ũũrũta cĩg habuuak, ꞌcĩg attiran vẽlẽk Bũlũcatõõ ꞌcĩ Marihi.

Luugithõõ 7:19

Ma ho, ĩĩnnĩk Makayyioohiti Mũũꞌtha, “Duhaak Arõõnẽ anneek, ‘ꞌTiha hĩbahĩt cunni nẽ odongeehu aꞌthiit cunni maam cĩg Ijjibi, hidiowwẽẽn hĩ ꞌgoolliok vẽlẽk ꞌcĩg ẽrrẽẽcĩkĩ eeta maam, loulẽcĩt hĩ borrohẽẽt vẽlẽk. Ũũkcĩ hatĩ nẽẽg vẽlẽk hĩĩtõ biyyi Ijjib hũtũrũũr, tananga maam ꞌcĩg ogoocĩk eeta dẽẽrẽnĩ hĩ ijjioꞌnyaannĩ.’ ”

Luugithõõ 8:5

Nĩngĩtĩ aduhaakĩ Makayyioohiti Mũũꞌtha annẽẽkĩ, “Duhaak Arõõnẽ anneek, ‘Dongeek hĩbahĩt cunni hidiowwẽẽn hĩ ꞌgoolliok ꞌcĩg ẽrrẽẽcĩkĩ eeta maam hirihit hĩ borrokiook, nẽ aaꞌnyĩhuu lõkĩdõdõõknya hũdaanito looc cĩ Ijjibi hũtũrũũr.’ ”

Maatteeo 7:2

Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

Maatteeo 8:27

Baa abulan nuyyiook thõõth ciee gẽrrẽẽt nẽ ijitto ĩĩtõ, “Eet occa gõõng ꞌcĩ aattĩ aaĩ hutuno ciee athĩhĩ ngõõtĩ hĩ maam ko?”

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

Terethiinit 16:6

Baa uruhit eeta baag abathĩ eet cugunnig ꞌcĩg ẽllẽẽmĩth hĩ põrõvẽtaaꞌnya cugunnig. Nẽ baa uuku nii ĩhõõggõ, hĩnĩngĩtĩ ĩĩn ꞌgii ꞌcĩ akĩĩny nẽẽgĩ.”