Luugithõõ 14:13 - ꞌBuuk cĩ Thõõth cĩ Nyekuci

¹³ Ẽdẽcĩ hinnia Mũũꞌtha eet anneek, “Ma hiteelinnu. Aanytĩk ꞌthinneeti hokomit nẽ hatĩ icittu ꞌgõõl ꞌcĩ ẽẽlannuung Makayyioohiti kõr nicci. Eeta cĩg Ijjibi ꞌcĩg acinnu niig ko, hõllõngaa hatĩ acinnu tarĩ.

Luugithõõ 14:13 ပူးပေါင်းရင်းမြစ်များ

ꞌThianaattõ 15:1

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

ꞌThianaattõ 26:24

Ma baalin niccia, ũũk uppwaannak Makayyioohiti Nyekuci ĩnõõnnõ nẽ ĩĩnnĩk, “Hĩĩnĩ naa Nyekuc cĩ maaconu Abũrahaamõ. Ma hiteelli, haꞌthuunni hatĩ naa nganiit nẽ haggataniina nẽ haaꞌnyii lõhõlĩ ꞌcĩg mẽẽlĩg, hĩnĩngĩtĩ thõõth baa haduhaahi naa dticciannioohit caannĩ Abũrahaamõ.”

ꞌThianaattõ 46:3

Nẽ ĩĩnnĩk Nyekuci ĩnõõnnõ, “Nganĩĩt Nyekuc, Nyekuc cĩ maaconu ꞌcĩ hõthõõthakii ho. Ma hiꞌngolli ngaatĩ õkõõĩ Ijjiba. Haaꞌnyihi hatĩ naa hattũũg cunni ho hũũk hĩtĩlĩtha looccaa ĩĩca hiita hĩĩtõ eet ꞌcĩg mẽẽlĩg.

ꞌThianaattõ 49:18

Hẽrẽ naa elliaanĩt cunni Makayyioohit.

Luugithõõ 14:30

Kõr niccia, baa ẽẽla Makayyioohiti Ĩꞌthĩraẽl athĩnĩĩ cĩg eet cĩg Ijjibi, nĩngĩtĩ adtuuhanĩ nẽẽg eet cĩg Ijjibi ngaatĩ ĩbbaatini eleeti dẽmẽtaa cĩ bũlũcõ.

Luugithõõ 20:20

Ẽdẽcĩ Mũũꞌtha ĩhõõggõ anneek, “Hõlõ, ma hiteelinnu. Aku attĩmannuung ngagiit Nyekuci thõng, haau tẽẽlꞌthĩtĩ cĩ Nyekuci hĩ ngagiit, hátĩ ũtũngteek niig ꞌthẽccan.”

Maatteeo 28:5

Nẽ uduhaak aajĩlõ nicciee ngaaĩ niccig ĩĩnnĩk, “Ma hiteelinnu, haga naa adiimmu niig Yeesu baa odooddothoothĩk hurucceea.