Luugithõõ 13:14 - ꞌBuuk cĩ Thõõth cĩ Nyekuci

¹⁴ “Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:14 ပူးပေါင်းရင်းမြစ်များ

ꞌThianaattõ 30:33

Ma hatĩ kõr umwa, ma aku iiyyielĩ hẽlẽggĩ nẽ atabu ẽꞌngẽraaha nganĩĩt cĩgannĩg, ammũdeehi hatĩ aꞌtha hĩ ẽẽtha ꞌcĩg buꞌthattĩg diooni hĩ mĩꞌnyõ ꞌcĩg kollig nẽ hatĩ agau ngaatĩ hõllõngaa higgoolli naa nganiita.”

Luugithõõ 10:2

hátĩ uduktaak lõhõlĩ cugguung hĩ lõhõlĩ cĩg lõhõlĩ cugguung, thõõth ꞌcĩ huuki naa eet cĩg Ijjibi nẽ hidticana thooꞌthiok ꞌcĩg ĩnaat eeta hõrggẽẽnaa cĩnĩĩng, nẽ agayyu ngaatĩ hĩĩnnĩ naa Makayyioohit.”

Luugithõõ 12:41

Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:8

Kõr niccia, duhaak loholeec cunni ꞌcĩ maacĩ anneek, ‘Hadĩmani naa hoti, hĩnĩngĩtĩ thõõth ꞌcĩ baa adĩmaneeka Makayyioohiti kõr baa haluuganĩĩ Ijjiba.’

Luugithõõ 13:9

Ĩĩn karrama ciee cunni haau hĩ nyamacaar ꞌcĩ aaĩ attiaa cunni nẽ aau hĩ nyamacaar ꞌcĩ aꞌnyahi nii attia hode muumaa cunni. Aꞌnyĩĩk hatĩ gõõng hummuhaahi karrama ciee hõdõõkõthĩ, hátĩ tigiil ꞌlimman icci Makayyiookto ho, ‘Baa ẽẽlannuung Makayyioohiti ngagiit looccaa cĩ Ijjibi attiaa cĩnnĩ ĩĩcĩ attiranĩ.’

Luugithõõ 20:2

“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.

Luugithõõ 6:1

Nĩngĩtĩ aduhaakĩ Makayyioohiti Mũũꞌtha annẽẽkĩ, “Acini aattĩ hatĩ nii ꞌyioko thõõth ꞌcĩ hadticaneehi naa habu cĩ Ijjibi. Hĩnĩngĩtĩ ꞌtirrian cĩ aꞌthiit caannĩ, alahaneek hatĩ nẽẽ eet hõõt nẽ itiggia ĩhõõggõ looccaa cĩnnĩ.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 6:7

Helemuung hatĩ naa ngagiit ĩĩtõ eet cĩgannĩg dẽẽdẽ nẽ hĩĩna naa Nyekuc cunuung. Nẽẽthĩ hatĩ agayyu niig ngaatĩ hĩĩnnĩ naa Makayyioohit Nyekuc cunuung, baa hõõgannuung ngagiit ꞌcannaana cĩ eet cĩg Ijjibi.

Dtiicanĩ cĩg ꞌThooyyiahu 13:17

Ẽbẽra Nyekuci cĩ eet cĩg Ĩꞌthĩraẽlĩ hĩbaangĩ cĩggaac nẽ aaꞌnyĩk eet cĩggaac hubulli gẽrrẽẽt baa aattĩg Ijjiba. Ma ho, ikia uluugi Nyekuci ĩhõõggõ ꞌtirriaanaa cĩnnĩ looccaa cĩ Ijjibi battaala,