Luugithõõ 12:7 - ꞌBuuk cĩ Thõõth cĩ Nyekuci

⁷ Aꞌnyĩĩk hitikta biyyi hurrwacanit ngadihẽẽt hĩ hattũũgẽt lokoraa cĩg ꞌcieethi ꞌcĩg adahĩ nẽẽg mĩꞌnyõ ho.

Luugithõõ 12:7 ပူးပေါင်းရင်းမြစ်များ

Luugithõõ 12:13

Ĩĩn hatĩ biyyieetta cieeg terethiinit cĩ ꞌcieethi ꞌcĩg aattiyyu niiga nẽ má hĩcĩna naa biyyi, hahaaꞌnguung hatĩ naa ngagiita. Aitiõõ hatĩ ꞌthẽrẽt ꞌcĩ adakuung ngagiit tõõ hatĩ huuka naa Ijjib.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Ebereei 10:14

Hĩnĩngĩtĩ ꞌgaarrieenit cĩnnĩ ꞌcĩ odoyyii ho, ikia õõga Krĩstõ eet ꞌcĩg aꞌnyahaak nẽẽ Nyekuc ꞌthẽccaana.

Ebereei 10:29

Ummuhit dako nõõ ngaatĩ ahucci ukẽẽnĩtĩ ꞌcĩ hatĩ uukẽnĩ eeta ꞌcĩg abũrĩ thõõth cĩ Ngeertĩ Nyekuci nẽ ũtũbũrĩt biyyi cĩg lõhõtaak ꞌcĩg aaꞌnyeet ngagĩĩt helleemit. Arannĩ nẽẽg biyyi cĩg lõhõtaak, haau hĩcĩ hõllõngaa ẽllẽẽmĩth nẽ tarĩ, odoomito Lori ꞌcĩ Ẽllẽẽmĩth ꞌcĩ aꞌnyahaakeet ngagĩĩt tamaati cĩ Nyekuci.

Ebereei 11:28

Baa aaꞌnyĩk lemiiniti Mũũꞌtha hadak Karrama cĩ Kõr ꞌcĩ Haangittõõ. Baa urwacaneek nẽẽ biyyi cĩg heleggeennu hẽẽnĩĩ cĩg hattũũgetu, hátĩ hiittiõõ hõllõngaa aruk Nyekuci lõhõlĩ ꞌcĩg maacĩg ꞌcĩg oou cĩg Ĩꞌthĩraẽlĩ.

Ebereei 9:22

Nẽ dĩdĩ nyattaalaa cĩ Mũũꞌtha, ũũnyĩ hẽlẽggĩ vẽlẽk biyyiẽẽtĩ. Ma nga hibboorria biyyieeta, aitiõõ hõllõngaa ũũnnothoothĩk ꞌthẽccanẽẽta.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.