Luugithõõ 12:6 - ꞌBuuk cĩ Thõõth cĩ Nyekuci

⁶ Uꞌthuutti ĩhõõggõ ĩꞌthõng hõdõlan kõr ꞌcĩ ĩĩn õmmõtõ hĩ ꞌwec nyĩlõõha, kõr ꞌcĩ hatĩ acuhanĩ eeta cĩg Ĩꞌthĩraẽlĩ ĩhõõggõ hatĩ ĩĩ lõõcĩ garrii garrii niccia.

Luugithõõ 12:6 ပူးပေါင်းရင်းမြစ်များ

Luugithõõ 12:14

“Ĩĩn ciee kõr ꞌcĩ hatĩ gõõng ammuhaannu niiga. Adahit hatĩ gõõng karrama cĩ kõr icci hĩĩ cĩ Makayyiookto irkiꞌnyiaannĩ vẽlẽk, ĩꞌthõng hõdõlanit lohollia ꞌcĩg hatĩ nga au horumwa buúk.

Luugithõõ 12:17

“Adahit Karrama cĩ Ũbũnẽẽt ꞌcĩg aitiõõ Abũũlana tõõ ho, hĩnĩngĩtĩ baa kõr ꞌcĩ hõõgannuung naa ngagiit Ijjiba cieeni. Adahit karrama cĩ kõr icci hĩĩ nyattal ꞌcĩ aalla ũdũt lõhõlẽẽnĩĩ ꞌcĩg arrittiaa horumwa.

Luugithõõ 12:18

Uduhit ũbũnẽẽt ꞌcĩg aitiõõ abũũlana tõõ nyĩlõhaa ꞌcĩ oou, iꞌthianaanĩ ꞌjiaatĩn cĩ kõr ꞌcĩ ĩĩn õmmõtõ hĩ ꞌwec, ĩꞌthõng ꞌjiaatĩn cĩ kõr ꞌcĩ ĩĩn hẽẽn ꞌramma hĩ hõdẽĩ.

Luugithõõ 12:47

Adiim ꞌthẽk adak lothippiti cĩ Ĩꞌthĩraẽlĩ vẽlẽk karrama icci.

Luugithõõ 16:1

Baa ikia ũllũnganĩ lothippiti cĩ eet cĩg Ĩꞌthĩraẽlĩ vẽlẽk ũtũngeek looc cĩ Elimi nẽ ũũk ĩĩcĩ horu ꞌcĩ õdõhõhĩĩ kak, ꞌcĩ haĩ ꞌThĩn ꞌcĩ aaĩ hõrggẽẽnaa cĩ Elimi hĩ ꞌThĩnaĩ, baa kõr ꞌcĩ ĩĩn õmmõtõ hĩ ꞌtur nyĩlõk cĩ ꞌramma urutaa ꞌcĩ ũũnnĩkĩ nẽẽg Ijjib.

Luugithõõ 16:12

“Hĩthĩha naa ngoongoi cĩ eet cĩg Ĩꞌthĩraẽlĩ. Nẽẽthĩ ꞌyioko, duhaak ĩhõõggõ anneek, ‘Adaku hatĩ iding ꞌjiaat nẽ ngerrenita, ammũdaannu hatĩ ũbũnẽẽt vẽlẽk ꞌcĩg adiimmu niiga. Nẽẽthĩ hatĩ iita agayyu niig ngaatĩ hĩĩnnĩ naa Makayyioohit Nyekuc cunuung dĩdĩ.’ ”

Luugithõõ 19:1

Ma baa urutaa cĩ nyĩlõhĩ iyyio, iita ũtũngteek eeta cĩg Ĩꞌthĩraẽlĩ Ijjib, kõr niccia dẽẽdẽ nẽ õõt õdõlanit horu ꞌcĩ õdõhõhĩĩ kak ꞌcĩ haĩ ꞌThĩnaĩ.

Maatteeo 27:20

Nẽẽthĩ hinnia, baa alũllũũman makayyiooha cĩg paadĩrꞌnyaannu hĩ makayyiook cĩg eetuk lothippit hijinit Pĩlaatõ hõõgak ĩhõõggõ Barabbath nẽ uruk ꞌcĩ ĩĩn Yeesu.

Maatteeo 27:25

Ẽdẽcĩ hinnia eeta vẽlẽk aĩ, “Ĩꞌnya heteheellia naag biyyi cĩgĩnnĩg ko hĩ lõhõlĩ cĩggaang vẽlẽk!”

Maarko 15:1

Ma baa ngaalloohoth ngerrenita, etteedito makayyiooha cĩg paadĩrꞌnyaannu hõdẽĩ hĩ makayyiook cĩg eetuk hĩ ꞌlimmanniook cĩg nyattal cĩ Mũũꞌtha, hĩ eet ꞌcĩg obbitig cĩg lokihooak thõõth cĩnĩĩng. Nĩngĩtĩ ẽcẽbĩ Yeesu nẽ aꞌnyaktoothĩk Pĩlaatõ.

Maarko 15:11

Baa hinnia akũtan makayyiooha cĩg paadĩrꞌnyaannu ho lothippit huduktaak Pĩlaatõ hõõga Barabbath, hõllõngaa Yeesu.

Maarko 15:25

Baa odooddĩk nẽẽg ĩnõõnnõ hurucceea, baa ꞌthaa tũrkũwwec cĩ loohothu.

Maarko 15:8

Ma baa aluttiaa lothippiti ho, õõt nẽẽg ijinit Pĩlaatõ authet ꞌcĩ gõõng õõgakĩ nẽẽ ĩhõõggõ baabutheenit hõdẽẽthõng karramaawa.

ꞌLuuka 23:1

Nĩngĩtĩ ĩꞌngaannĩ lothippiti cĩ lokihoo vẽlẽk nẽ ootti Yeesu hĩ Pĩlaatõ.

ꞌLuuka 23:18

Ma nĩngaata, awacak lothippiti ĩĩ, “Ma huunnihi, aꞌnyĩĩk ꞌthẽk huruhi! Õgaaheet Barabbath!”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

Dtiicanĩ cĩg ꞌThooyyiahu 3:14

Aburru hinnia Eet ꞌcĩ Ẽllẽẽmĩth ꞌcĩ Abũnnaa ꞌcĩ ĩĩn hõdẽẽthõng nẽ ĩttĩngatteehu Pĩlaatõ hõõgahuung ꞌloorriahit ꞌcĩ aruk eeta.

Dtiicanĩ cĩg ꞌThooyyiahu 4:27

Nẽ dĩdĩ, baa ommottio habuui Ẽrõõdẽ hĩ Ponthio Pĩlaatõ hĩ eet ꞌcĩg hõllõngaa ĩĩn ꞌJudeei hĩ eet cĩg Ĩꞌthĩraẽlĩ ꞌJeruꞌthalẽma ngaati nẽ ĩlĩhĩt dticciannioohit cunni ꞌcĩ ẽllẽẽmĩth Yeesu baa ẽbẽra niina.