Luugithõõ 12:41 - ꞌBuuk cĩ Thõõth cĩ Nyekuci

⁴¹ Ma irkit ꞌcĩ ũttũbattõõthĩhĩ irkiꞌnyia ꞌcĩg ĩĩn ꞌmiiaꞌnya ꞌwec hĩ hẽẽn iyyio (430) ho dẽẽdẽ, ũtũngteek lothippiꞌnya cĩg eet cĩg Makayyiooktak looc cĩ Ijjibi hĩĩ noho.

Luugithõõ 12:41 ပူးပေါင်းရင်းမြစ်များ

ꞌThianaattõ 50:24

Ma baa ĩcĩnõõthĩ Yothebo õbõhĩ daahĩthĩ, ũtũvva ꞌgõtõõnõgĩ nẽ ĩĩnnĩk, “Hõlõ lõggõõ cieegi, nganĩĩt mĩĩ ciee ĩcĩttaangu hõbõhĩ hadaaha ho. Nẽ ma hammuku ainnu eelluung occa hatĩ nganĩ. Aꞌthuunnuung hatĩ Nyekuci ĩꞌthõng hobodduung looccaa ĩbaa ippotaneek nẽẽ Abũrahaamõ hĩ Iꞌthaako hĩ Yakobo.”

Luugithõõ 12:17

“Adahit Karrama cĩ Ũbũnẽẽt ꞌcĩg aitiõõ Abũũlana tõõ ho, hĩnĩngĩtĩ baa kõr ꞌcĩ hõõgannuung naa ngagiit Ijjiba cieeni. Adahit karrama cĩ kõr icci hĩĩ nyattal ꞌcĩ aalla ũdũt lõhõlẽẽnĩĩ ꞌcĩg arrittiaa horumwa.

Luugithõõ 12:51

Ma baa kõr niccia noho, ikia uluugi Makayyioohiti eet cĩg Ĩꞌthĩraẽlĩ looccaa cĩ Ijjibi.

Luugithõõ 13:14

“Waathinnioohĩĩ ꞌcĩg hatĩ nga au horumwa, má ajinnuung lohollia cugguung anneekuung, ‘Aĩ thõõth ciee neegi?’ Uduktaak ĩhõõggõ ĩĩttĩk, ‘Baa aluuganneet Makayyioohiti ngagĩĩt ꞌtirriaanaa cĩ aꞌthiit cĩnnĩ Ijjiba, looccaa cĩ appahacẽẽthĩtõõ.

Luugithõõ 13:16

Aaĩ hatĩ karrama ciee hĩ nyamacaar ꞌcĩ amacaaranoothĩk attiaa cunni hode muumaa cunni. Ĩĩn hatĩ ciee terethiinit ꞌcĩ hammuhaanĩ ꞌtirrian cĩ aꞌthiit cĩ Makayyioohit baa aluuganneet ngagĩĩt looccaa cĩ Ijjibi.”

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:9

Ĩĩn karrama ciee cunni haau hĩ nyamacaar ꞌcĩ aaĩ attiaa cunni nẽ aau hĩ nyamacaar ꞌcĩ aꞌnyahi nii attia hode muumaa cunni. Aꞌnyĩĩk hatĩ gõõng hummuhaahi karrama ciee hõdõõkõthĩ, hátĩ tigiil ꞌlimman icci Makayyiookto ho, ‘Baa ẽẽlannuung Makayyioohiti ngagiit looccaa cĩ Ijjibi attiaa cĩnnĩ ĩĩcĩ attiranĩ.’

Luugithõõ 3:10

Nẽẽthĩ ꞌyioko, hĩꞌthooyyii naa nganiit bĩĩt hĩ habu cĩ Ijjibi, bĩĩt luugaĩĩ eet cĩgannĩg Ĩꞌthĩraẽl Ijjiba.”

Luugithõõ 3:8

Nẽẽthĩ hoti ho, hulluuccia naa loota hikia hẽẽla ĩhõõggõ eetinii cĩg Ijjibi nẽ hatĩ huluugi ĩhõõggõ hũũhĩ looccaa ꞌcĩ abũnnaa ĩcĩ maka, looc ꞌcĩ abatanĩ irana hĩ loteec, õlõ cĩ eet cĩg Kanaanĩ hĩ cĩg Hiiti hĩ cĩg Amoorĩ hĩ cĩg Peri hĩ cĩg Hiivvi hĩ cĩg ꞌJeebu.

Luugithõõ 6:26

Baa Arõõnẽ icci hĩ Mũũꞌtha ꞌcĩg baag anneek Makayyioohiti, “Uluukti eet cĩg Ĩꞌthĩraẽlĩ lothippiꞌnyaannĩĩ cĩggĩĩng vẽlẽk, hũtũngteek looc cĩ Ijjibi.”

Luugithõõ 6:6

“Nẽẽthĩ hoti ho, duhaak eet cĩg Ĩꞌthĩraẽlĩ anneek, ‘Hĩĩnĩ naa Makayyioohit nẽ hõõgannuung hatĩ naa ngagiit pĩĩrnattaa ꞌcĩ accanannuung eeta cĩg Ijjibi ho. Hõõgannuung hatĩ naa ngagiit ngaatĩ iiginnu appahacaaꞌnya cĩggĩĩng nẽ hẽẽlauung ꞌtirriaanaa caannĩ ĩcobbi ĩcĩ huuki eet cĩg Ijjibi.

Luugithõõ 7:4

aitiõõ hatĩ habuui cĩ Ijjibi hõllõngaa athĩkni nganiita. Nẽẽthĩ, huuki hatĩ naa eet cĩg Ijjibi ꞌtirriaanaa cĩ aꞌthiit caannĩ nẽ huluugaĩĩ eet cĩgannĩg Ĩꞌthĩraẽl.

Yõaannẽ 7:8

Õõt kõrra cobbi, nga hũũk naa Karramaawa, hĩnĩngĩtĩ nga hũttũbanoothĩk kõrra caannẽẽnĩ.”

Dtiicanĩ cĩg ꞌThooyyiahu 1:7

Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ.

Dtiicanĩ cĩg ꞌThooyyiahu 7:36

Nĩngĩtĩ õõganĩ nẽẽ ĩhõõggõ Ijjiba ngaatĩ adticanĩ hẽlẽggĩ ꞌcĩg ĩnaat eeta Ijjiba hĩ Bũlũcaa ꞌcĩ Marihi, hĩ irkiꞌnyiaannĩĩ ꞌcĩg baag ĩĩn hẽẽn ꞌwec horrwaa ꞌcĩ õdõhõhĩĩ kak.