Luugithõõ 12:31 - ꞌBuuk cĩ Thõõth cĩ Nyekuci

³¹ Ma baa baal, ikia ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk, “Ĩtĩngaac õõtõ! Ũtũngteek eet cĩgannĩg! Ootti eet cĩg Ĩꞌthĩraẽlĩ buúk. Õõt ubuluthit Makayyioohit hĩ baa adiimmu niiga.

Luugithõõ 12:31 ပူးပေါင်းရင်းမြစ်များ

Luugithõõ 10:29

Ẽdẽcĩ Mũũꞌtha anneek, “Hĩcĩ aduha nii hataa, iittiõõ hatĩ hõllõngaa hõmmõtõõ tarĩ.”

Luugithõõ 10:9

Ẽdẽcĩ Mũũꞌtha anneek, “Hooyyia ꞌthẽk naag vẽlẽk hĩ nyakangaaꞌnya hĩ morwak lõhõlẽẽnĩĩ cĩggaang noho nẽ hiꞌngiddia hẽlẽggĩ cĩggaang vẽlẽk, hĩnĩngĩtĩ haĩ ꞌthẽk hoottia hadakta karrama cĩ Makayyiookto.”

Luugithõõ 11:1

Nẽẽthĩ ꞌyioko, uduhaak Makayyioohiti Mũũꞌtha ĩĩnnĩk, “Nga haꞌnyahaahi naa habu cĩ Ijjibi, hĩ looc cĩ Ijjibi ꞌthẽrẽt umwa tarĩ noho. Ma urutaa cĩ, ẽlẽmaakuung hatĩ nẽẽ õõtõ, nẽẽthĩ ma ĩdĩman noho, itiggiaeehuung aattĩ hatĩ ꞌgõõl õõt ũdũt.

Luugithõõ 11:8

Au hatĩ makayyiooha cugunnig ko vẽlẽk hĩ nganĩĩt nẽ alayyia ĩĩttĩhaa, ‘Ẽlẽ õõt hĩ eet cugunnig vẽlẽk ꞌcĩg anuyyi nganiita!’ Ma urutaa ꞌcĩ nẽ thĩ hatĩ hũũha naana.” Ma ho, ĩlĩĩlĩ Mũũꞌtha, nĩngĩtĩ ũũnnĩkĩ habu cĩ Ijjibi nẽ ũũha.

Luugithõõ 12:39

Iita ĩwaaddia nẽẽg ũbũnẽẽt ꞌcĩg nga harrihoothĩk abũũlana, tũkaanaa ĩbaa aꞌnyaha nẽẽg Ijjiba. Baa nga harrihoothĩk tũkan tĩho abũũlana, hĩnĩngĩtĩ baa iiggia eeta cĩg Ijjibi ĩhõõggõ nẽ iittiõõ kõrra ꞌcĩ occa atturri nẽẽg ꞌgẽẽn ꞌcĩ occa adak tõõ.

Luugithõõ 6:1

Nĩngĩtĩ aduhaakĩ Makayyioohiti Mũũꞌtha annẽẽkĩ, “Acini aattĩ hatĩ nii ꞌyioko thõõth ꞌcĩ hadticaneehi naa habu cĩ Ijjibi. Hĩnĩngĩtĩ ꞌtirrian cĩ aꞌthiit caannĩ, alahaneek hatĩ nẽẽ eet hõõt nẽ itiggia ĩhõõggõ looccaa cĩnnĩ.”

Luugithõõ 8:25

Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk, “Õõt ibboorrik Nyekuc cunuung ꞌgaarrieenit. Nẽẽthĩ, ĩdĩmanit looccaa cĩ.”

Luugithõõ 8:8

Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk, “Alaac Makayyioohit haaꞌnyĩk lõkĩdõdõõknya hammanyattĩ ngaatĩ haattiyyia naag hĩ eet cĩgannĩg vẽlẽk, nẽẽthĩ hatĩ halahaneeha eet cugguung hõõt halaacõ Makayyioohit.”