Luugithõõ 12:19 - ꞌBuuk cĩ Thõõth cĩ Nyekuci

¹⁹ Waathinnioohĩĩ ꞌcĩg ĩĩn tũkĩramma ho, occa ꞌthẽk hõllõngaa ammuddiaa abũũlana ꞌcieethini tõõ cugguung. Nẽ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana, occa iiggiayyi lothippitaa cĩ eet cĩg Ĩꞌthĩraẽlĩ, tananga ĩĩn eet cĩ looc ꞌcĩ ꞌrĩĩng hode arrittiaa Ĩꞌthĩraẽla.

Luugithõõ 12:19 ပူးပေါင်းရင်းမြစ်များ

Luugithõõ 12:15

Uduhit ũbũnẽẽt ꞌcĩg aitiõõ abũũlana tõõ waathinniook tũkĩramma. Kõrraa ꞌcĩ oou, udduutit abũũla ꞌcĩg aattĩg ꞌcieethinii cugguung, hĩnĩngĩtĩ ẽẽtĩ ꞌcĩ adak ꞌgẽẽn ꞌcĩ aarĩhoothĩk abũũlana kõrraa ꞌcĩ oou ĩꞌthõng hõdõlan kõr ꞌcĩ ĩĩn tũkĩramma, iggiaoothĩk hatĩ nẽẽ tuu lothippitaa cĩ eet cĩg Ĩꞌthĩraẽlĩ.

Luugithõõ 12:20

Ma hadaku ꞌgẽẽn ꞌcĩ aarĩhoothĩk abũũlana. Uduhit ũbũnẽẽt ꞌcĩg aitiõõ abũũlana tõõ diooni ꞌgoolliohĩ vẽlẽk ĩcĩg aattiyyu.”

Luugithõõ 12:43

Baa aduhaak Makayyioohiti Mũũꞌtha hĩ Arõõnẽ anneek, “Nyattalliook ꞌcĩg hatĩ gõõng Karrama cĩ Haangittõõ cieegi. “Aꞌngirannii ngaatĩ adahĩ ẽẽtĩ cĩ looc cĩrrĩĩng karrama icci.

Luugithõõ 12:48

“Má aattĩg eeta ꞌcĩg looc ꞌcĩ ꞌrĩĩng ũgẽẽgĩ ꞌcĩg adiim adak Karrama cĩ Kõr cĩ Haangittõõ cĩ Makayyiookto ho, aanytĩk thĩ nõõ hetteeddi eleeti cĩg eet ꞌcĩg maacĩg cĩg õlõ cĩnnĩ vẽlẽk, nẽẽthĩ hatĩ adak karrama hĩ ẽẽtĩ ꞌcĩ arrittiaa ĩĩn Ĩꞌthĩraẽleenit. Aitiõõ ẽẽtĩ ꞌcĩ maacĩ ꞌcĩ nga hẽttẽẽdĩ ẽlẽ hõllõngaa occa adak karrama icci.

Luugithõõ 13:3

Ma ho, ĩĩnnĩk Mũũꞌtha eet, “Ĩĩn ciee kõr ꞌcĩ hatĩ gõõng hammuha naag ooo, kõr baa haluuganĩ naag Ijjiba, looccaa baa hĩĩgĩnnĩ appahacaaꞌnya. Nẽẽthĩ kõr nicci, õõgauung Makayyioohiti ngagiit attiaa cĩnnĩ ĩĩcĩ attiran gẽrrẽẽt. Ummuhuttooth ngaatĩ hõllõngaa occa adaku ꞌgẽẽn ꞌcĩ aarĩhoothĩk abũũlana.

Luugithõõ 13:7

Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũkĩramma ho, occa ꞌthẽk hõllõngaa edeeꞌnyia ꞌgiimwaa ꞌcĩ aarĩhoothĩk abũũlana hõrggẽẽnaa cunuung, hode nẽẽ occa edeeꞌnyia abũũlana ngaatĩ aattiyyu niiga.

Luugithõõ 23:15

“Adahit nõõ Karrama cĩ Ũbũnẽẽt ꞌcĩg aitiõõ Abũũlana tõõ. Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũrkĩramma, hĩ baa haduhaakuung naa ngagiita. Adahit karrama icci korrioohĩĩ ꞌcĩg eberriaa nyĩlõõhaa cĩ Abiibi, hĩnĩngĩtĩ ĩĩn kõr baa aluugannu niig Ijjiba niccia. “Aitiõõ ẽẽtĩ ꞌcĩ occa aku uppwaanna muumaa caannĩ haaga, hiꞌthihi ꞌbaninit tõõ.