Luugithõõ 12:14 - ꞌBuuk cĩ Thõõth cĩ Nyekuci

¹⁴ “Ĩĩn ciee kõr ꞌcĩ hatĩ gõõng ammuhaannu niiga. Adahit hatĩ gõõng karrama cĩ kõr icci hĩĩ cĩ Makayyiookto irkiꞌnyiaannĩ vẽlẽk, ĩꞌthõng hõdõlanit lohollia ꞌcĩg hatĩ nga au horumwa buúk.

Luugithõõ 12:14 ပူးပေါင်းရင်းမြစ်များ

Luugithõõ 12:17

“Adahit Karrama cĩ Ũbũnẽẽt ꞌcĩg aitiõõ Abũũlana tõõ ho, hĩnĩngĩtĩ baa kõr ꞌcĩ hõõgannuung naa ngagiit Ijjiba cieeni. Adahit karrama cĩ kõr icci hĩĩ nyattal ꞌcĩ aalla ũdũt lõhõlẽẽnĩĩ ꞌcĩg arrittiaa horumwa.

Luugithõõ 12:24

“Agayyiooth ngaatĩ ĩĩnnĩ thooꞌthioha cieeg nyattal ꞌcĩ ꞌthẽk hatĩ anuyyu niig hĩ lõhõlĩ cugguung ũdũt.

Luugithõõ 12:43

Baa aduhaak Makayyioohiti Mũũꞌtha hĩ Arõõnẽ anneek, “Nyattalliook ꞌcĩg hatĩ gõõng Karrama cĩ Haangittõõ cieegi. “Aꞌngirannii ngaatĩ adahĩ ẽẽtĩ cĩ looc cĩrrĩĩng karrama icci.

Luugithõõ 12:6

Uꞌthuutti ĩhõõggõ ĩꞌthõng hõdõlan kõr ꞌcĩ ĩĩn õmmõtõ hĩ ꞌwec nyĩlõõha, kõr ꞌcĩ hatĩ acuhanĩ eeta cĩg Ĩꞌthĩraẽlĩ ĩhõõggõ hatĩ ĩĩ lõõcĩ garrii garrii niccia.

Luugithõõ 23:15

“Adahit nõõ Karrama cĩ Ũbũnẽẽt ꞌcĩg aitiõõ Abũũlana tõõ. Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũrkĩramma, hĩ baa haduhaakuung naa ngagiita. Adahit karrama icci korrioohĩĩ ꞌcĩg eberriaa nyĩlõõhaa cĩ Abiibi, hĩnĩngĩtĩ ĩĩn kõr baa aluugannu niig Ijjiba niccia. “Aitiõõ ẽẽtĩ ꞌcĩ occa aku uppwaanna muumaa caannĩ haaga, hiꞌthihi ꞌbaninit tõõ.

Luugithõõ 5:1

Ma baa uruta, iita õõt ummuddioothĩk Mũũꞌtha hĩ Arõõnẽ habu cĩ Ijjibi nẽ ĩĩttĩk, “Thõõth ꞌcĩ aduha Makayyioohiti Nyekuci cĩ Ĩꞌthĩraẽlĩ cieeni, ‘Aꞌnyĩĩk eet cĩgannĩg hõõt hadahit karrama ꞌcĩ adĩhĩꞌtha nganĩĩt horrwaa ꞌcĩ õdõhõhĩĩ kak.’ ”

Maatteeo 26:13

Haduhaakuung dĩdĩ, loonyini vẽlẽk ĩcĩg hatĩ othoothini nyeemuut ciee abũnnaa ho, adukiaa hatĩ thõõth ciee, hátĩ humuhuttõõthĩ eeta thõõth ꞌcĩ adĩman nẽẽ ho.”

ꞌLuuka 22:19

Nĩngĩtĩ attihaanĩ ũbũnĩ nẽ aggatana. Ma ho, ẽꞌngẽr nẽ aꞌnyĩĩk ĩhõõggõ nẽ ĩĩnnĩk, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, uduhit, hátĩ gõõng ummuktaayyiaangu nganĩĩta.”