Luugithõõ 1:17 - ꞌBuuk cĩ Thõõth cĩ Nyekuci

¹⁷ Baa ammũdeek iꞌngolli ngaaĩ ꞌcĩg ũũkca ꞌgõõnõgĩ ho Nyekuc nẽ iittiõõ hõllõngaa adtican thõõth ꞌcĩ aduhaak habuui cĩ Ijjibi ho ĩhõõggõ, nĩngĩtĩ ũũnnĩkĩ lõhõlĩ ꞌcĩg maacĩg hũrũgĩt.

Luugithõõ 1:17 ပူးပေါင်းရင်းမြစ်များ

ꞌThianaattõ 20:11

Ẽdẽcĩ Abũrahamĩ ĩnõõnnõ anneek, “Baa hammuhi naa haini, ‘Aitiõõ ẽẽtĩ umwaa ngaati ꞌcĩ iꞌngolli Nyekuc tõõ, aruhaanna hatĩ nẽẽg nganĩĩt ngaa caannĩ ho.’

ꞌThianaattõ 42:18

Ma baa kõr ꞌcĩ ĩĩn iyyio, ikia ũũk uduhaak Yothebo ĩhõõggõ ĩĩnnĩk, “Hĩĩnĩ naa eet ꞌcĩ hiteelli Nyekuc. Má adĩmannu thõõth hĩcĩ haduha naa ho, arũgnu thĩ hatĩnĩ.

Luugithõõ 1:18

Ma nĩngaata, ikia ũtũvva habuui cĩ Ijjibi ngaaĩ ꞌcĩg ũũkca ꞌgõõnõgĩ ho nẽ ijin ĩĩnnĩk, “Adĩmannu thõõth ꞌcĩ aaĩ hoti inni? Uunniku lõhõlĩ ꞌcĩg maacĩg hũrũgĩt inni?”

Luugithõõ 1:21

Hĩnĩngĩtĩ baa iꞌngolli ngaaĩ ꞌcĩg ũũkca ꞌgõõnõgĩ ho Nyekuc, ikia aaꞌnyĩk Nyekuci ĩhõõggõ haꞌnyahit lõhõlĩ cĩggĩĩng ẽmmẽn.

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

ꞌLuuka 12:5

Ĩꞌnya huduhaahuung eet ꞌcĩ occa itieelinnu: Itieelli Nyekuc, hĩnĩngĩtĩ ĩnõõnnõ dioo ꞌcĩ aꞌnyak ꞌtirrian ꞌcĩ occa adhuheekuung ꞌgwoo ꞌcĩ aalla ũdũt, urutaa ꞌcĩ uruktõõĩ eleeti cugguung ẽlẽk. Haduhaakuung dĩdĩ, itingolli ĩnõõnnõ.

Dtiicanĩ cĩg ꞌThooyyiahu 5:29

Ma ho, edecit Pẽẽtũrũ hĩ ꞌthooyyiak ũgĩ ĩĩttĩk, “Hõllõngaa hathĩkna naag eeta. Hathĩkna naag Nyekuc.