Luugithõõ 1:14 - ꞌBuuk cĩ Thõõth cĩ Nyekuci

¹⁴ Baa aaꞌnyĩk eeta cĩg Ijjibi eet cĩg Ĩꞌthĩraẽlĩ hõkõm rũgẽtĩ cĩnĩĩng gẽrrẽẽt nẽ ĩttĩngatteek ĩhõõggõ hutturria namatavvaalĩ, hĩ ngaatĩ õꞌngõnyaanĩ doob cĩ tehenyiitto nẽ ommokteek hidticattõõ manẽẽnĩtõõ nẽ ehecit ĩhõõggõ gẽrrẽẽt.

Luugithõõ 1:14 ပူးပေါင်းရင်းမြစ်များ

ꞌThianaattõ 15:13

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

Luugithõõ 1:11

Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 1:13

ma ho, ommokteek ĩhõõggõ hidticattõõ gẽrrẽẽt.

Luugithõõ 1:15

Ma ngaati, ikia uduhaak habuui cĩ Ijjibi ngaaĩ cĩg Ebereei ꞌcĩg ũũkca ꞌgõõnõgĩ, ngaaĩ ꞌcĩg kaĩ ꞌThĩppĩra hĩ Puua ĩĩnnĩk,

Luugithõõ 2:23

Ma waathinnioohĩĩ nĩĩcag, ikia adaak habuui cĩ Ijjibi. Iita accanattĩ eeta cĩg Ĩꞌthĩraẽlĩ, hĩnĩngĩtĩ apahacaaꞌthĩt cĩnĩĩng nẽ urruuyyio, nĩngĩtĩ õdõlanĩ ulwaanĩ cĩnĩĩng ꞌcĩ adiimi eliinit ko Nyekuc hẽẽtahujjieen.

Luugithõõ 20:2

“Hĩĩnĩ naa Makayyioohit Nyekuc cunuung, baa haluugannuung Ijjiba looccaa ĩbaa iiginnu appahacaaꞌnya.

Luugithõõ 6:9

Ma ho, ũũk uduhaak Mũũꞌtha eet cĩg Ĩꞌthĩraẽlĩ thõõth icci, abũrĩ hinnia eeta cĩg Ĩꞌthĩraẽlĩ ngaatĩ athĩknĩ ĩnõõnnõ, hĩnĩngĩtĩ baa uduulli ĩhõõggõ ꞌthinneeti hĩ pĩĩrnanĩt ꞌcĩ ecebiini nẽẽgĩ.

Dtiicanĩ cĩg ꞌThooyyiahu 7:19

Baa adĩman habuui ciee hĩbaangĩ cĩggaac ꞌbuth, ẽhẽc ĩhõõggõ nẽ ĩttĩnganeek hĩbaangĩ cĩggaac, hudhukteek ĩdõlẽẽt ꞌcĩg nga arrittiaa thõng tuu, hátĩ hadaahito.

Dtiicanĩ cĩg ꞌThooyyiahu 7:34

Hĩcĩna naa pĩĩrnanĩt ꞌcĩ accananiini eeta cĩgannĩg Ijjiba. Hĩthĩha ulwa cĩnĩĩng nẽ ꞌyioko hikia loota hikia hõõga ĩhõõggõ. Nẽẽthĩ ꞌyioko, ijjia hĩꞌthooii bodooth Ijjiba.’

ꞌRuuth 1:20

Nĩngĩtĩ aduhaakĩ Naoomi ĩhõõggõ annẽẽkĩ, “Ma nga haũyyaangu hanneekaangu Naoomi tarĩ! Utuvvuyyiaangu ĩĩttĩhaangu Maara, hĩnĩngĩtĩ aaꞌnyĩk Nyekuci ꞌTirriannioohiti ꞌcĩ ĩllõõan vẽlẽk rũgẽt caannĩ hõkõm.