Luugithõõ 1:11 - ꞌBuuk cĩ Thõõth cĩ Nyekuci

¹¹ Nĩngĩtĩ aarĩkĩ eeta cĩg Ijjibi makayyiook cĩg appahacaaꞌnyanu, hommokteek eet cĩg Ĩꞌthĩraẽlĩ dtiic nẽ aanytĩk hetehenyit ꞌtaaũn ꞌcĩ haĩ Pithom hĩ ꞌtaaũn ꞌcĩ haĩ Rametheth, hĩĩtõ ꞌtaaũnniook cĩg habu cĩ Ijjibi ꞌcĩg alũtõõthĩkĩ ꞌgẽẽna.

Luugithõõ 1:11 ပူးပေါင်းရင်းမြစ်များ

ꞌThianaattõ 15:13

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

ꞌThianaattõ 47:11

Nĩngĩtĩ aaꞌnyĩkĩ Yothebo maaꞌnyĩ hĩ ꞌgõtõõnõgĩ hõlõmanit looc ꞌcĩ haĩ Rametheth, ꞌcĩ ĩllõõan Ijjiba hũtũrũũr hĩ baa aduhaak habuui ĩnõõnnõ.

Luugithõõ 1:14

Baa aaꞌnyĩk eeta cĩg Ijjibi eet cĩg Ĩꞌthĩraẽlĩ hõkõm rũgẽtĩ cĩnĩĩng gẽrrẽẽt nẽ ĩttĩngatteek ĩhõõggõ hutturria namatavvaalĩ, hĩ ngaatĩ õꞌngõnyaanĩ doob cĩ tehenyiitto nẽ ommokteek hidticattõõ manẽẽnĩtõõ nẽ ehecit ĩhõõggõ gẽrrẽẽt.

Luugithõõ 2:11

Ma kõr umwa, baa ĩtĩlĩtha Mũũꞌtha ĩĩ maka, ũũk ĩcĩn nẽẽ eet cĩgĩnnĩg ngaatĩ baa aattiyyi nẽ udtuuha ĩhõõggõ ngaatĩ attĩnganõõthĩkĩ dtiici. Ma nĩngaata, udtuuha Ijjibeenit umwa ngaatĩ uuki Ebereeinit eet cĩnnĩ dẽẽdẽ.

Luugithõõ 3:7

Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt.

Luugithõõ 5:10

Ma nĩngaata, õõt uduktaak makayyiooha ꞌcĩg uukik appahacaaꞌnya dtiic, hĩ eet ꞌcĩg ĩĩn makayyiook ꞌcĩg aggam eet dtiica ĩĩttĩk, “Aduha habuui cĩ Ijjibi aĩ, ‘Iittiõõ naa hõllõngaa haaꞌnyuung ngagiit tabarra tarĩ.

Luugithõõ 5:15

Ma nĩngaata, õõt ĩĩlallieek makayyiooha cĩg Ĩꞌthĩraẽlĩ cĩg dtiicak habu cĩ Ijjibi ĩĩttĩk, “Adĩmani occa gõõng dticcianniook cugunnig hoti inni?

Luugithõõ 5:8

Aanytĩk hutturria namatavvaalĩ hĩĩtõ hĩ gõõng hõdõõkõthĩ, ma haaꞌnyiku hutturria hĩĩtõ hĩdĩcĩg. Ĩĩn nẽẽg nyamuttiook, ĩnõõ ꞌcĩ arruuẽnĩ aĩnnĩ, ‘Aanyteetu hoottia hibboorriha Nyekuc cĩnaang ꞌgaarriẽẽn ko.’