Kolooꞌthe 4:8 - ꞌBuuk cĩ Thõõth cĩ Nyekuci

⁸ Hĩꞌthõõakuung naa ĩnõõnnõ, hátĩ agaac niig authet cĩnaang nẽ hátĩ haaꞌnyĩk nẽẽ ꞌthinneeti cugguung hokomit.

Kolooꞌthe 4:8 ပူးပေါင်းရင်းမြစ်များ

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

2 Korinthia 1:4

Amammaayanneet nẽẽ ngagĩĩt pĩĩrnatta vẽlẽk, hátĩ hamammaayanit naag buúk eet ꞌcĩg aꞌnyak pĩĩrnanĩt mammaayaniittaa baa hammũda naag hĩ Nyekuc.

2 Korinthia 12:18

Baa haduhaahi naa Tiito hikia hẽhẽẽrõnaahuung ngagiita, ĩnõõnnõ hĩ ꞌgotooneet umwa. Baa hõllõngaa iggoolluung Tiito ngagiit thõng, iggooluung baallĩ? Hõllõngaa baa haattiyyia naag ꞌgõõla hõdẽẽthõng hĩ nẽẽnĩ?

2 Korinthia 2:7

Nẽẽthĩ hinnia ꞌyioko, occa ammaanniku niig ĩnõõnnõ nẽ amammaayattu ĩnõõnnõ, hátĩ hiittiõõ hõllõngaa anyamũũtana huciithi cĩ ꞌthẽccaanõ eet nicci.

Eevvetho 6:22

Thõõth icci dẽẽdẽ ꞌcĩ hĩꞌthõõakuung naa ngagiit ĩnõõnnõ ho, hátĩ agaac niig ꞌgõõl ꞌcĩ haattiyyia naaga, hátĩ hũkũtanuung Ticiko ngagiita.

Pilippi 2:28

Nẽẽthĩ hoti ho, hidiima ꞌthẽk hĩꞌthõõahuung Epavorodito hõbõda hĩ ngagiit tarĩ, hátĩ ma icittu ĩnõõnnõ tarĩ, atallu hatĩ nẽ ikia ĩĩ hĩdĩc nganĩĩt buúk puppudi.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Tẽꞌthaloonika 2:11

Agayyu niig buúk ngaatĩ haꞌthuunnuung naag ngagiit hõdẽĩ hõdẽĩ jurrung, hĩgõõng aꞌthũũnnĩ nyakangaan hĩ morwahit lõhõlĩ cĩggĩĩng.

1 Tẽꞌthaloonika 3:2

nẽ hĩꞌthooyyiahuung ꞌgotooneet Timotteeo hikia hicinuunga. Ĩĩn nẽẽ ꞌgotooneet ꞌcĩ hadticanoothĩka Nyekuc hõdẽĩ, thõõthaa ꞌcĩ hallimannuung nyeemuut ꞌcĩ abũnnaa cĩ Krĩstõ. Baa hĩꞌthõõanna naag ĩnõõnnõ hikia hũkũtanuung ngagiit, hátĩ hokomit ꞌthinneeti cugguung lemiitta.

1 Tẽꞌthaloonika 3:5

Ĩnõõ ꞌcĩ hõllõngaa hẽmmẽẽꞌthĩ naa thõõth cĩ heeroni icci ho nẽ hĩꞌthõõa Timotteeo, haĩ hikia hũmmũda hatĩ nga aꞌthuunnu lemiinit cunuung hĩ Nyekuc. Baa hiꞌngolli haini, ikia mõnõ lũllũũmannioohiti ꞌThĩttaanĩ ũlũllũũmanuung ꞌgõõlaa umwaanĩ nẽ hatĩ ikia dtiici baa naang ko, ĩĩ olongit haaga.

1 Tẽꞌthaloonika 4:18

Nẽẽthĩ, ũkũtanit ꞌgoonogu thooꞌthiohĩĩ cĩg.

1 Tẽꞌthaloonika 5:11

Nẽẽthĩ hoti ho, ũkũtanit ꞌgoonogu ngaatĩ eelonnu nyaagwaana, irrioottĩk, hátĩ hokomit ĩhõõggõ ꞌthinneeti, haau hĩcĩ ꞌthẽk adĩmannu ꞌyioko ho.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

2 Tẽꞌthaloonika 2:17

hũkũtattuung hokomit ꞌthinneeti nẽ eelluung hõdõõkõthĩ ĩdĩmanit thooꞌthiok ꞌcĩg abũnnaa nẽ uduktaau thooꞌthiok ꞌcĩg ĩĩn dĩdĩ.