Kolooꞌthe 4:3 - ꞌBuuk cĩ Thõõth cĩ Nyekuci

³ Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

Kolooꞌthe 4:3 ပူးပေါင်းရင်းမြစ်များ

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

Dtiicanĩ cĩg ꞌThooyyiahu 14:27

Ma baa õdõlanit Paaulo hĩ Baarnaba Antiok, iita uluttia nẽẽg lothippit cĩ lemmioohu vẽlẽk ngaatĩ hõdẽẽthõng nẽ uduktaak ĩhõõggõ thooꞌthiok vẽlẽk ꞌcĩg baag ẽẽlĩ Nyekuci ĩhõõggõ hĩdĩmanit, hĩ ꞌgõõl ꞌcĩ aaꞌnyĩkĩ eet ꞌcĩg hõllõngaa ĩĩn ꞌJudeei, haꞌnyahit lemiinit.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

1 Korinthia 16:9

hĩnĩngĩtĩ ubbuuhothoothĩhaa nganĩĩt hattũũg cobbi cĩ dtiic ꞌcĩ abũnnaa, nẽ aattĩg eeta ꞌcĩg mẽẽlĩg ꞌcĩg abũrra nganĩĩta.

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

2 Korinthia 2:12

Ma baa hũũha ꞌtaaũnaa cĩ Tõrõa, hũũk hillimaneeha eet nyeemuut ꞌcĩ abũnnaa cĩ Krĩstõ, hummudoothiha Makayyioohit ubbuuhĩhaa baa ꞌgõõl ẽlẽk.

Eevvetho 3:1

Hikia hĩĩna naa Paaulo baabutheenit cĩ Krĩstõ, hátĩ heeluung ngagiit eet ꞌcĩg hõllõngaa iiginnu ꞌJudeei.

Eevvetho 3:3

Nẽ baa hẽhẽẽdakuung naa ngagiit waraga ꞌcĩ huturi, ꞌcĩ eterꞌtheeka Nyekuci nganĩĩt thooꞌthiok cĩgĩnnĩg ꞌcĩg baag gõõng ammiꞌthi.

Eevvetho 3:4

Hĩcĩ agiillu niig waraga icci, ammũdaannu hatĩ jurrung ꞌgõõl ꞌcĩ hathĩknĩ naa thõõth cĩ Krĩstõ ꞌcĩ ammiꞌthi.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Pilippi 1:19

hĩnĩngĩtĩ haga naa laiittaa cunuung hĩ eliinit ꞌcĩ aku hĩ Lori cĩ Yeesu Krĩstõ, ꞌgii baa adĩmanoothĩkaa nganĩĩta, aku hatĩ ũũkcĩ hĩĩ thõõth ꞌcĩ heellianĩĩ naana.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Kolooꞌthe 1:26

Ĩĩn thõõth ciee thõõth ꞌcĩ ĩllõõan ꞌgẽẽnyĩth cĩ eetu, baa hõllõngaa agayyi irkiꞌnyia ꞌcĩg mẽẽlĩg, nẽẽthĩ ꞌyioko, ikia uppulanniaak eet cĩg Nyekuci.

Kolooꞌthe 4:18

Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

1 Tẽꞌthaloonika 5:25

Hõlõ, ꞌgotoonoga hĩ ngoonoga, alayyiooyyieetu niig buúk ngagĩĩta.

2 Timotteeo 1:16

Aꞌnyĩĩk Nyekuc hatamaatĩk Onethivoro hĩ halang cĩnnĩ, hĩnĩngĩtĩ ĩnõõnnõ ꞌcĩ baa aaꞌnya hõkõm ꞌthĩnĩt, baa hõllõngaa aꞌngaaõn nẽẽ ngaatĩ aku acĩnna nganĩĩt, baa haaĩ baabuuthatõõ.

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.

2 Timotteeo 4:2

ꞌLimmaneek eet thõõth cĩ Nyekuci jurrung, tananga ammũjĩ hode õkõmĩ ngaatĩ adĩmanĩĩ noho, raa ꞌlimmaneek eet thõõth cĩ Nyekuci ooo, tẽrẽth eet ꞌgoolliok ꞌcĩg abathĩ, ꞌgerenyeek ꞌthẽccanniook, aꞌnyĩĩk ꞌthinneeti cĩggĩĩng hokomit nẽ ꞌlimmanõ ꞌthĩnĩtaa cĩ õkõmĩ.

Vilõmẽẽnõ 1:22

Kũmaneeka ꞌcieeth umwa hikia haavvi. Haꞌnyahi muhẽẽnĩt ꞌcĩ abũnnaa haini, ẽdẽcĩ hatĩ Nyekuci laiinit cunni nẽ aaꞌnya hikia hicinii hĩdĩĩkoothong.