Kolooꞌthe 4:2 - ꞌBuuk cĩ Thõõth cĩ Nyekuci

² Ĩrrĩcatta laiinit, aaut dĩkĩĩm nẽ ĩĩttĩhu Nyekuc ĩlaallẽ.

Kolooꞌthe 4:2 ပူးပေါင်းရင်းမြစ်များ

Maatteeo 26:41

Ĩcĩttĩ nẽ alayyioou, hátĩ hiittiõõ hõllõngaa attĩmaniinnu. Abũraneek lorii nẽ ahar ꞌcĩ ĩĩn ẽlẽ.”

Maarko 13:33

Aaut dĩkĩĩm, hĩnĩngĩtĩ hõllõngaa agayyu niig aku kõrra tĩho hatĩngaan.

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

ꞌLuuka 21:36

Aaut hõdõõkõthĩ dĩkĩĩm nẽ alayyioou, hátĩ horoong iliittia hẽlẽggĩ ꞌcĩg au nẽ, hátĩ horoong iita uuluyyu ngaatĩ abillu muumaa cĩ Ngeertĩ Eeto.”

Dtiicanĩ cĩg ꞌThooyyiahu 1:14

Õmmõtõõ ꞌthooyyiaha hõdõõkõthĩ nẽ alayyio ngaatĩ hõdẽẽthõng hĩ ngaaĩ ũgĩ, hĩ Maria aattĩ Yeesu hĩ ꞌgõtõõnõgĩ cĩgĩnnĩg.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 4:6

Ma hapuppuddu, hĩnĩngĩtĩ ꞌgiimwa, alaac Nyekuc thooꞌthiok vẽlẽk. Alaac ĩnõõnnõ ꞌthinneetinii ꞌcĩg anneeku ĩlaallẽ.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

Kolooꞌthe 3:15

Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

Kolooꞌthe 4:12

Ĩꞌthaayyuung Epavarato cĩ lothippit cunuung ngagiita, ꞌcĩ ĩĩn dticciannioohit cĩ Yeesu Krĩstõ. Alayyi nẽẽ hõdõõkõthĩ gẽrrẽẽt, hĩnĩngĩtĩ ngagiita, hátĩ okomit lemiittaa cunuung nẽ ĩdĩmattu tabiinit cĩ Nyekuci jurrung.

1 Pẽẽtũrũ 4:7

Õbõhĩ decciaanĩtĩ cĩ lootu. Nẽẽthĩ hoti ho, uꞌthuutti eleeti nẽ ĩrrĩcattaau laiinit jurrung.