Kolooꞌthe 4:18 - ꞌBuuk cĩ Thõõth cĩ Nyekuci

¹⁸ Hẽhẽẽdakuung naa Paaulo ꞌthaainit icci athĩnĩĩ cĩgannĩg. Ma hataarroꞌthu thõõth ꞌcĩ hecebiini naa baabuutha ho. Aꞌnyĩĩk bũnnai cĩ Nyekuci haau hĩ ngagiita.

Kolooꞌthe 4:18 ပူးပေါင်းရင်းမြစ်များ

ꞌRooma 16:20

Ĩllõõan hatĩ Nyekuci ꞌcĩ aaꞌnyeet ganõn ꞌThĩttaan nẽ iittiõõ makaaꞌthĩt ꞌcĩ occa ĩllõõannuung ꞌThĩttaanĩ tõõ. Aꞌnyĩĩk bũnnai cĩ Makayyioohit cĩnaac Yeesu Krĩstõ haau hĩ ngagiita.

ꞌRooma 16:22

Nganĩĩt ꞌTerthio teheeddiohit cĩ Paaulo ꞌcĩ heheedi waraga icci ho nẽ hĩꞌthaayyuung naa buúk ngagiit ꞌthaarĩĩ cĩg Makayyiooktak.

ꞌRooma 16:23

Ĩꞌthaayyuung ꞌGaio ẽẽtĩ ꞌcĩ callĩ ꞌthĩnĩt ꞌcĩ aꞌthũũnna nganĩĩt hĩ lothippit cĩ lemmioohu vẽlẽk ngaati ngagiita. Nẽ ĩꞌthaayyuung Erathto ꞌcĩ itiangĩth ꞌrabbẽẽt cĩg ꞌtaaũnaak hĩ ꞌgotooneet Kwaarto buúk ngagiita.

1 Korinthia 16:21

Heheedi naa Paaulo dẽẽdẽ ꞌthaainit icci attiaa caannĩ.

2 Korinthia 13:14

Aꞌnyĩĩk bũnnai cĩ Makayyioohit cĩnaac Yeesu Krĩstõ hĩ mĩnnan cĩ Nyekuci hĩ rũmẽẽnĩt cĩ Lori ꞌcĩ Ẽllẽẽmĩth, haau hĩ ngagiit vẽlẽk.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

2 Tẽꞌthaloonika 3:17

Nẽ ꞌyioko, ꞌthaainit caannĩ ꞌcĩ heheedi naa Paaulo attiaa caannĩ cieeni. Gõõng heheedi waragẽẽt vẽlẽk hoti dtuurnatta, hátĩ agaac aĩ ĩĩn waragẽẽt cĩgannĩg dĩdĩ.

1 Timotteeo 6:21

Aauto eeta ũgẽẽgĩ ꞌcĩg ũtũbũrĩt ngaatĩ ẽlẽmmĩ thõõth cĩ Nyekuci, ngaatĩ anũĩ thooꞌthiok ꞌcĩg aattĩg hĩ cieegi. Aꞌnyĩĩk Nyekuc haggatanii nganiita.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

2 Timotteeo 4:22

Aꞌnyĩĩk Makayyioohit haau loriiaa cunni. Aꞌnyĩĩk bũnnai cĩ Nyekuci haau hĩ ngagiita.

Tiito 3:15

Ĩꞌthaayyi eeta ꞌcĩg harũmeenna hĩ nganĩĩt ngaati vẽlẽk nganiita. ꞌThaa eet vẽlẽk ꞌcĩg ammĩnanneet ngagĩĩt lemiittaa cĩ Nyekuci. Nẽ aꞌnyĩĩk Nyekuc haaꞌnyuung bũnnai ngagiit vẽlẽk!

Ebereei 13:25

Hala naa Nyekuc hĩĩ tarbal nẽ aggatanuung ngagiit vẽlẽk.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.