Kolooꞌthe 4:10 - ꞌBuuk cĩ Thõõth cĩ Nyekuci

¹⁰ Ĩꞌthaayyuung ꞌgõõna Arithtarko ꞌcĩ harũmeenna baabuutha hõdẽĩ ngagiita, ĩꞌthaayyuung Maarko midinni Baarnaba buúk. Baa ithiktu niig nyeemuut ꞌcĩ akuuni Maarko hĩ ngagiit ẽlẽk, ma õdõlanuunga, ũrũmtĩ hĩ ĩnõõnnõ lõꞌngõõc.

Kolooꞌthe 4:10 ပူးပေါင်းရင်းမြစ်များ

Dtiicanĩ cĩg ꞌThooyyiahu 12:12

Nĩngĩtĩ õkõõĩ Pẽẽtũrũ ꞌcieethaa cĩ Maria aattĩ Yõaannẽ, ꞌcĩ baa haĩ ꞌthaar ũgĩ Maarko. Baa alũtĩ nuyyiooha cĩg Makayyiooktak nĩngaata nẽ alayyio.

Dtiicanĩ cĩg ꞌThooyyiahu 12:25

Ma baa edecciaak Baarnaba hĩ ꞌThaaulo dtiic cĩnĩĩng baa ĩꞌthõõĩ eeta hõõt hidticanit, iita oboddia nẽẽg ĩĩcĩ ꞌJeruꞌthalẽmĩ othohotit Yõaannẽ buúk ꞌcĩ haĩ ꞌthaar ũgĩ Maarko.

Dtiicanĩ cĩg ꞌThooyyiahu 13:13

Ma ho, iita ũtũngteek Paaulo hĩ ꞌgõõnõgĩ Paavvo nẽ otodit haahũl õõt ꞌtaaũnaa cĩ Pẽrga looccaa cĩ Pamvilia. Nẽẽthĩ, baa ũtũngeek Yõaannẽ Maarko ĩhõõggõ nẽ ũũk ꞌJeruꞌthalẽma.

Dtiicanĩ cĩg ꞌThooyyiahu 13:5

Ma baa ma õdõlan nẽẽg ꞌtaaũn ꞌcĩ haĩ ꞌThalami ho, õõt illimatteek eet thõõth cĩ Nyekuci ꞌCieethinii cĩg Laiittak ĩcĩg ꞌJudeei. Baa ẽẽl Yõaannẽ ꞌcĩ haĩ ꞌthaar ũgĩ Maarko ĩhõõggõ dtiicaa cĩnĩĩng ko.

Dtiicanĩ cĩg ꞌThooyyiahu 19:29

Ma hĩdĩĩkoothong, ẽggẽrẽnytõõ eeta ꞌtaaũn hũtũrũũr, nĩngĩtĩ agurri eeta ũgẽẽgĩ ꞌGaio hĩ Arithtarko, eet ꞌcĩg baag õõkõra hĩ Paaulo looccaa cĩ Maccedoonia. Ma nĩngaata, ũllũnganĩ lothippiti ũũk ngaatĩ gõõng õmmõtõõnĩ eeta ꞌtaaũna, hatĩ atuhan thooꞌthiok.

Dtiicanĩ cĩg ꞌThooyyiahu 20:4

Baa õõkõr nẽẽ hĩ eet ꞌcĩ haĩ Thopater ngeertĩ eet ꞌcĩ haĩ Piru ꞌcĩ aku ꞌtaaũnaa cĩ Berea, hĩ eet ꞌcĩ haĩ Arithtarko hĩ eet ꞌcĩ haĩ ꞌThekondo ꞌcĩg au ꞌtaaũnaa cĩ Tẽꞌthaloonika. Baa aaĩ eet umwaa tõõ, ꞌcĩ haĩ ꞌGaio ꞌcĩ aku ꞌtaaũnaa cĩ ꞌDerbe nẽ baa aaĩ Timotteeo buúk. Nẽ baa ĩĩ Ticiko hĩ Torovimo ꞌcĩg baag au looccaa cĩ Aaꞌthia.

Dtiicanĩ cĩg ꞌThooyyiahu 27:2

Ma ho, hotoddia haahũl ꞌcĩ baa aku ꞌtaaũnaa ꞌcĩ haĩ Adaramittio, ꞌcĩ baa õbõhĩ ũũk ĩĩcĩ dẽmẽt ꞌcĩ ꞌgoolliok ꞌcĩg abĩllĩ haahũlĩta looccaa cĩ Aaꞌthia, nĩngĩtĩ hedeceeka ĩĩcĩ bũlũcõ. Baa aaĩ eet umwaa ꞌcĩ haĩ Arithtarko, ꞌcĩ baa aku looccaa cĩ Maccedoonia ꞌtaaũnaa cĩ Tẽꞌthaloonika.

Dtiicanĩ cĩg ꞌThooyyiahu 4:36

Baa aaĩ eet umwaa ꞌcĩ haĩ Yothebo ꞌcĩ aku Ciporo. Baa ĩĩn nẽẽ eet cĩ hattũũg cĩ ꞌLeevi. Baa avvĩ ꞌthooyyiaha ĩnõõnnõ anneek Baarnaba nĩngĩtĩ aĩ, Eet ꞌcĩ akũtan ꞌgõõnõgĩ.

ꞌRooma 16:2

Halayyuung naa ngagiit elemit ĩnõõnnõ ꞌthaarĩĩ cĩg Makayyiooktak, ꞌgõõlaa ꞌcĩ abũnnaa ĩcĩ lemmioohu nẽ aanytĩk eliinit vẽlẽk ꞌcĩ horoong adiim nẽẽ hĩ ngagiita, hĩnĩngĩtĩ gõõng ẽẽl nẽẽ eet ꞌcĩg mẽẽlĩg gẽrrẽẽt hĩ nganĩĩt buúk.

ꞌRooma 16:7

Ĩꞌthaac Androniko hĩ Junia, ittioonniok cĩgannĩg baag hababuuthaniinna hõdẽĩ. Ĩĩn nẽẽg eet ꞌcĩg obbitig ꞌthooyyiahĩ nẽ baa itimanit ngaatĩ ẽlẽmmĩ Krĩstõ õõa caannĩ.

2 Timotteeo 4:11

ꞌLuuka ꞌyioko dioo, ꞌcĩ harũmeenna ngaati. Diima Maarko ookorria thõng, hĩnĩngĩtĩ ẽẽlla nẽẽ nganĩĩt dtiicaa caannĩ.

Vilõmẽẽnõ 1:23

Epavarato ciee harũmeenna baabuutha hõdẽĩ ho, hĩnĩngĩtĩ ĩĩn nẽẽ nuyyioohit cĩ Yeesu Krĩstõ. Ĩꞌthaayyi nẽẽ buúk nganiita,

Vilõmẽẽnõ 1:24

ĩꞌthaayyi Maarko buúk hĩ Arithtarko hĩ ꞌDẽẽma hĩ ꞌLuuka, ꞌcĩg hadticaniinna hõdẽĩ nganiita.

1 Pẽẽtũrũ 5:13

Ĩꞌthaayyuung nuyyiooha ꞌcĩg Makayyiooktak ꞌcĩg aattĩg Babiloonnia. Ĩĩn nẽẽg eet ꞌcĩg ẽbẽra Nyekuci. Nẽ ĩꞌthaayyuung Maarko ꞌcĩ aaĩ hĩ loholeec caannĩ buúk ngagiita.