Kolooꞌthe 3:3 - ꞌBuuk cĩ Thõõth cĩ Nyekuci

³ Hĩnĩngĩtĩ baa aauttu niig hĩcĩ adaaktu ẽlẽk, nẽ ꞌyioko iyyangꞌthĩ rũgẽtĩ cunuung ꞌcĩ ĩĩn ngeju hĩ Krĩstõ ꞌcĩ aaĩ hĩ Nyekuc.

Kolooꞌthe 3:3 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Yõaannẽ 14:19

Waathinnioohĩĩ ꞌcĩg abadtẽc, hõllõngaa hatĩ acĩnna eeta cĩg looc nicci nganĩĩta, nẽẽthĩ, acĩnnaangu hatĩ niiga. Arũgnu niig, hĩnĩngĩtĩ harugi naana.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Yõaannẽ 5:24

Haduhaakuung dĩdĩ, ẽẽtĩ ꞌcĩ athĩhĩ thõõth caannĩ nẽ ẽlẽm eet baa ĩꞌthõõannaa nganĩĩta, ammũda hatĩ ẽẽtĩ tĩho rũgẽt ꞌcĩ aalla ooo nẽ hõllõngaa hatĩ uuki, hĩnĩngĩtĩ abaakia nẽẽ daahĩtha ikia rũgẽta.

Yõaannẽ 5:40

nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 5:21

Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.

ꞌRooma 6:11

ꞌGõõla hõdẽẽthõng, ma nga haaꞌnyiku eleeti cugguung haggamuung ꞌthẽccanĩ. Nẽẽthĩ hinnia, aaꞌnyuung Yeesu Krĩstõ ngagiit rũgẽt nẽ aauttu ꞌgõõlaa ꞌcĩ accamana Nyekuci.

ꞌRooma 6:2

Aitiõõ ũdũt! Hĩnĩngĩtĩ ꞌthẽccan, haauto naag hĩ eeta ꞌcĩg hadaahito ẽlẽk nẽ occa nga haalla harũgĩ naag ꞌthẽccaana hutuno?

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

1 Korinthia 2:14

Ẽẽtĩ ꞌcĩ hõllõngaa aꞌnyak Lori, hõllõngaa ẽlẽmĩ thooꞌthiok ꞌcĩg au hĩ Lori cĩ Nyekuci, hĩnĩngĩtĩ ĩĩn thooꞌthioha nicciag ꞌgiithẽnĩt hĩ ĩnõõnnõ nẽ hõllõngaa occa athĩhĩ nẽẽ thooꞌthiok tĩko, hĩnĩngĩtĩ athĩhĩ ĩhõõggõ Lorii diooni.

2 Korinthia 5:14

Aggammeet ngagĩĩt mĩnnanĩ cĩ Krĩstõ. Haga naag haĩ baa adaahĩ Krĩstõ, hĩnĩngĩtĩ eet vẽlẽk, ẽtẽrꞌtha thõõth ciee aĩ, õthõl eeta vẽlẽk daahĩth cĩnnĩ.

2 Korinthia 5:7

Harũgĩ naag hĩnĩngĩtĩ hẽlẽmmĩ Makayyioohit, hõllõngaa hĩnĩngĩtĩ hẽlẽggĩ ꞌcĩg hacĩn naag thõng.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

Eevvetho 3:9

Baa heberria naa, hátĩ hẽddẽẽbak eet vẽlẽk thooꞌthiok ꞌcĩg ĩllõõan ꞌgẽẽnyĩth cĩ eetu, baag agunyuth Nyekuci Teheꞌnyioohiti cĩ hẽlẽggĩ vẽlẽk, ngaanĩngĩtĩ ꞌthianaattõ.

Pilippi 4:7

Nẽ amũdaannu hatĩ ganõn cĩ Nyekuci, ꞌcĩ ĩllõõan ꞌgii vẽlẽk ꞌcĩ occa aga eeta. Aꞌthũũnnĩ hatĩ ganõnĩ cĩnnĩ muhẽẽnĩt cĩ ꞌthinneeti cugguung, hĩcĩ aattiyyu niig hõdẽĩ hĩ Yeesu Krĩstõ ho.

Kolooꞌthe 1:5

hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,

Kolooꞌthe 2:3

Aguꞌthi ꞌgẽẽnyĩthĩ hĩ gaiinit vẽlẽk hĩ ĩnõõnnõ.

Kolooꞌthe 3:4

Ma õbõda Krĩstõ ꞌcĩ aaꞌnyuung ngagiit ũrũgĩt ko, au hatĩ arũmeennu niig hĩ ĩnõõnnõ bulẽẽtta.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”