Kolooꞌthe 3:25 - ꞌBuuk cĩ Thõõth cĩ Nyekuci

²⁵ Nẽẽthĩ, ẽẽtĩ ꞌcĩ adĩman thõõth ꞌcĩ abathĩ, adĩmanoothĩk hatĩ ĩnõõnnõ buúk thõõth ꞌcĩ abathĩ nẽ aitiõõ haliiniti tõõ.

Kolooꞌthe 3:25 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

ꞌLuuka 20:21

Nĩngĩtĩ ajini eeta ꞌcĩg ĩĩn ꞌrootti ho Yeesu annẽẽkĩ, “ꞌLimmannioohit, hagayyia naag ngaatĩ õthõõthĩ nii nẽ illimanuu thõõth ꞌcĩ ĩĩn dĩdĩ nẽ hõllõngaa aallahi thooꞌthiok cĩg eetuk, allimani ꞌthẽk thõõth cĩ Nyekuci ꞌgõõlaa ꞌcĩ ĩĩnnĩ dĩdĩ.

Dtiicanĩ cĩg ꞌThooyyiahu 10:34

Ma ho, iꞌthianaaĩ Pẽẽtũrũ õthõõth ĩĩ, “Nẽ ꞌyioko hagawa dĩdĩ Nyekuc dioo ꞌcĩ hõllõngaa ahal eeta,

ꞌRooma 2:11

Hĩnĩngĩtĩ hõllõngaa ahal Nyekuci eeta.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

Eevvetho 6:8

Hĩnĩngĩtĩ agayyu niig ngaatĩ hatĩ adũmanĩ Makayyioohiti eet hõdẽĩ hõdẽĩ, hĩnĩngĩtĩ dtiicanĩ ꞌcĩg abũnnaa ꞌcĩg baag adĩman nẽẽgĩ, tananga eet ꞌcĩ baa ĩĩn appahaca hode ꞌcĩ hõllõngaa ĩĩn appahaca.

Eevvetho 6:9

Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.

Kolooꞌthe 4:1

Niig makayyiooha, ĩdĩmatteek appahacaaꞌnya cugguung thooꞌthiok ꞌcĩg abũnnaa ꞌcĩg aũlanĩ, hĩnĩngĩtĩ agayyu niig buúk ngaatĩ aꞌnyaku Makayyioohit cunuung hẽẽtahujjieen.

1 Tẽꞌthaloonika 4:6

Nẽẽthĩ, niig lemmiooha, ma higgoolonnu ꞌgõõlaa cĩ igoriꞌthu ngaaĩ cĩg ꞌgoonoginnu, hĩnĩngĩtĩ baa huduktaahuung naag ngagiit jurrung hiittihuung, uuk hatĩ Nyekuci eet ꞌcĩg adĩman thooꞌthiok ꞌcĩg ĩĩn ꞌriiring ꞌcĩg aattĩg nohotaa.

2 Tẽꞌthaloonika 1:6

Aũlan hatĩ thõõth cĩ Nyekuci ꞌcĩ hatĩ uuki nẽẽ eet ꞌcĩg aaꞌnyuung ngagiit ippiirria ꞌyioko ho,

Vilõmẽẽnõ 1:18

Má baa iggooli nẽẽ nganiit hode aꞌnyak ngabolo umwa cunni, ĩꞌnya hũdũman naana.

Ebereei 2:2

Hĩnĩngĩtĩ thõõth baa aduha aajĩlẽẽta, ĩĩn thõõth dĩdĩ nẽ má baa ẽꞌthẽcan ẽẽtĩ umwaanĩ, uuki eet tĩho thõng.

1 Pẽẽtũrũ 1:17

Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

ꞌJuud 1:16

Õngõõngõ eeta cieeg nẽ aauto thooꞌthiohĩĩ ꞌcĩg abũraneek nẽẽg diooni. Athĩngõõnyan nẽẽg nẽ iggoolito eet ũgĩ, hátĩ hummuddia thooꞌthiok ꞌcĩg adiim nẽẽgĩ.