Kolooꞌthe 3:24 - ꞌBuuk cĩ Thõõth cĩ Nyekuci

²⁴ Ummuhuttooth ĩĩtõ, ammũdaannu hatĩ niig thooꞌthiok ꞌcĩg arigiꞌthu hĩ Makayyioohit hĩĩ ꞌbaaninit cunuung. Nẽ Makayyioohiti ꞌcĩ adticanoothiku niig ko, ĩnõõnnõ Krĩstõ.

Kolooꞌthe 3:24 ပူးပေါင်းရင်းမြစ်များ

ꞌThianaattõ 15:1

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

Maatteeo 10:41

Nẽ ẽẽtĩ ꞌcĩ ẽlẽmĩ põrõvẽtaac hĩnĩngĩtĩ ĩĩn nẽẽ põrõvẽtaac, aaꞌnyĩhoothĩk hatĩ ĩnõõnnõ ꞌbaaniniti cĩ põrõvẽtaacõ. Nẽ má ẽlẽmĩ ẽẽtĩ eet umwa, hĩnĩngĩtĩ adĩman thooꞌthiok ꞌcĩg aũlanĩ, aaꞌnyĩhoothĩk hatĩ ĩnõõnnõ ꞌbaaniniti cĩ eet ꞌcĩ adĩman thooꞌthiok ꞌcĩg aũlanĩ.

Maatteeo 5:12

Accamattoothĩk gẽrrẽẽt, hĩnĩngĩtĩ ereeyyuung ngagiit ꞌbaaniniti cobbi gẽrrẽẽt hẽẽtahujjieen. Nẽ ummuhuttooth, baa ꞌthẽk adĩman eeta põrõvẽtaaꞌnya baag ꞌrẽẽttĩg buúk noho diooni.”

Maatteeo 5:46

Má ammĩnannu niig eet ꞌcĩg ammĩnannuung ngagiit diooni, adũmannuung occa hatĩ Nyekuci hĩnĩngĩtĩ thõõth niccia? Ammĩnan eeta ꞌcĩg alũt occoro buúk ꞌgõõnõgĩ.

Maatteeo 6:16

“Ma ẽdẽtaannu niig eleeti ꞌgẽẽna, ma haaꞌnyiku muumti cugguung huꞌngurruunyti hĩ oloꞌngiaaha aag gõõng eterꞌtheek eet aĩ, hẽdẽtaanna eleeti ꞌgẽẽna. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Dtiicanĩ cĩg ꞌThooyyiahu 20:32

“Nẽẽthĩ ꞌyioko, haaꞌnyuung naa ngagiit hebehuung Nyekuci. Ummuhuttooth nyeemuut cĩ Nyekuci ꞌcĩ maka ngaatĩ ĩĩnnĩ nẽẽ tarbal. Occa eelluung ngagiit nyeemuut ciee nẽ aaꞌnyuung ngagiit ꞌgii cunuung hĩ eeta cĩg Nyekuci.

ꞌRooma 1:1

Nganĩĩt Paaulo ꞌcĩ hĩĩnĩ dticciannioohit cĩ Yeesu Krĩstõ. Baa ẽbẽraanna Nyekuci nganĩĩt hĩĩ ꞌthooyyiahit nẽ aaꞌnya hirrioon nyeemuut ꞌcĩ abũnnaa cĩ Nyekuci.

ꞌRooma 14:18

Má adticanoothiku niig Krĩstõ ꞌgõõlaa cĩ, aaꞌnyiku hatĩ Nyekuc haccamanoothĩk nẽ itingollieeuung eeta.

1 Korinthia 11:23

Baa Makayyioohit ꞌcĩ aaꞌnya nganĩĩt thõõth ꞌcĩ hakuu haduhaakuung ngagiit ko. Baa attiha Makayyioohiti Yeesu ũbũnĩ baalin baa õhõppõõcaniini nẽẽnĩ,

1 Korinthia 3:8

Aduhõõ ẽẽtĩ ꞌcĩ athacĩ hinyomo hĩ ꞌcĩ adduutik maam ko thõng nẽ adũmanni hatĩ nẽẽg ꞌgõõlaa cĩ dtiicanĩ cĩggĩĩng.

1 Korinthia 7:22

Ma baa ẽbẽra Makayyioohiti appahacaaꞌnya, iita ĩĩtõ nẽẽg eet cĩgĩnnĩg ꞌcĩg õõgta. Nẽ ma ẽbẽra nẽẽ eet ꞌcĩg õõgta ẽlẽk, iita ĩĩtõ nẽẽg appahacaaꞌnya cĩg Krĩstõ.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

Eevvetho 6:6

Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ.

Eevvetho 6:8

Hĩnĩngĩtĩ agayyu niig ngaatĩ hatĩ adũmanĩ Makayyioohiti eet hõdẽĩ hõdẽĩ, hĩnĩngĩtĩ dtiicanĩ ꞌcĩg abũnnaa ꞌcĩg baag adĩman nẽẽgĩ, tananga eet ꞌcĩ baa ĩĩn appahaca hode ꞌcĩ hõllõngaa ĩĩn appahaca.

Kolooꞌthe 2:18

Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

Ebereei 10:35

Ĩnõõ ꞌcĩ haĩ, ma hadhuheeku kõmĩĩth cĩ lemiinit cunuung tuu, hĩnĩngĩtĩ õbõdaakuung hatĩ ngagiit ꞌbaaniniti cobbiẽẽnĩ.

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

1 Pẽẽtũrũ 1:4

Aꞌnyak Nyekuci ꞌgiimwa ꞌcĩ iyyiangtheekuung ngagiit hẽẽtahujjieen, ngaatĩ hõllõngaa occa õꞌngõllĩ hode ẽꞌthẽcanniini hode aꞌnginõõꞌthĩ.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

ꞌJuud 1:1

Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.

ꞌRuuth 2:12

Aꞌnyĩĩk Makayyioohit Nyekuc cĩ Ĩꞌthĩraẽlĩ ꞌcĩ aku adiimi nii huꞌthuutti nganiit ko, hũdũmanii jurrung, hĩnĩngĩtĩ thõõth ꞌcĩ adĩmani ho.”