Kolooꞌthe 3:16 - ꞌBuuk cĩ Thõõth cĩ Nyekuci

¹⁶ Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

Kolooꞌthe 3:16 ပူးပေါင်းရင်းမြစ်များ

Maatteeo 26:30

Ma baa ebenit nẽẽg tẽgẽl umwa, iita õõt nẽẽg ĩĩcĩ Muur cĩ Olivi.

ꞌLuuka 2:51

Nĩngĩtĩ õbõdõõꞌthĩ nẽẽ hĩ ĩhõõggõ Naaꞌtharẽta nẽ ũũk aala ĩthĩk thõõth cĩnĩĩng. Baa aꞌthũũnnĩ ngaannia thooꞌthiok ꞌcĩg aduha nẽẽ ho vẽlẽk ꞌthĩnĩtaa cĩnnĩ nẽ hõllõngaa ataarrothi ũdũt.

Yõaannẽ 15:7

Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

ꞌRooma 10:17

Nẽẽthĩ, aku lemiiniti, hĩnĩngĩtĩ thĩhẽẽnĩt cĩ nyeemuut ꞌcĩ abũnnaa nẽ aduha nyeemuut ciee thõõth cĩ Krĩstõ.

ꞌRooma 15:14

Hagawa naa ẽllaa caannĩ ꞌgotoonoga hĩ ngoonoga hĩĩna, aꞌnyaku niig eleetinii cugguung bũnnai hĩ ꞌgẽẽnyĩth ꞌcĩ maka ꞌcĩ occa allimannu ꞌgoonogu ũgĩ ꞌcĩg ĩĩn lemmiook.

1 Korinthia 14:15

Nẽ hatĩ ꞌyioko hĩdĩmana naa hutuno? Halaayyi hatĩ loriiaa caannĩ nẽ hatĩ halaõ muhẽẽttaa caannĩ buúk, hebenni hatĩ loriiaa caannĩ nẽ hẽbẽnõ muhẽẽttaa caannĩ buúk.

1 Korinthia 14:26

Hõthõõth occa ꞌyioko haĩ ne ꞌgotoonoga hĩ ngoonoga? Má alũteennu niig hõdẽĩ, aꞌnyak eeta hõdẽĩ hõdẽĩ tẽgẽl hode thõõth cĩ ꞌlimmaanõ, hode thõõth cĩ terethiitto, hode ũtũg ꞌcĩ ꞌrĩĩng hode thõõth ꞌcĩ occa õkõbanni. Adiim occa adticanni thooꞌthioha cieeg vẽlẽk, hátĩ haanytĩk lothippit cĩ lemmioohu hittiran.

Eevvetho 1:17

Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.

Eevvetho 5:17

Nẽ ma haggiithennu, agaac tabiinit cĩ Makayyiookto.

Eevvetho 5:19

Ma alũteennu hõdẽĩ laiitta, ebenit tegellwa cĩg laiittak nẽ idihiꞌthu Makayyioohit ꞌthinneetinii cugguung vẽlẽk.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 4:6

Aanytĩk thõõth ꞌcĩ othooꞌthu niig hõdõõkõthĩ haaꞌnyĩk eet ꞌcĩg athiknuung ngagiit haccamattoothĩk, hátĩ agaac ngaatĩ occa attacannu eet vẽlẽk ꞌcĩg ajinnuung ngagiit ꞌgõõlaa ꞌcĩ abũnnaa.

1 Tẽꞌthaloonika 1:8

Nẽ hĩnĩngĩtĩ ngagiita, ikia ĩꞌthanothoothĩk thõõth cĩ Makayyiookto loonyini vẽlẽk hõllõngaa Maccedoonia hĩ Acaia dioo nẽ ikia agaĩ lemiiniti cunuung cĩ Nyekuci loonyin vẽlẽk, nẽ occa ꞌthẽk iittiõõ hõllõngaa hathithan thõõth icci thõng buúk.

1 Tẽꞌthaloonika 4:18

Nẽẽthĩ, ũkũtanit ꞌgoonogu thooꞌthiohĩĩ cĩg.

2 Tẽꞌthaloonika 3:15

Ma hinnia hainnu ĩĩtõ nẽẽg mĩrõk. Irrioottĩk nẽẽꞌthẽk ĩhõõggõ hĩcĩ occa irrioonĩku ꞌgotoonogu hĩ ngoonogu ꞌcĩg ẽlẽmĩ thõõth cĩ Nyekuci.

1 Timotteeo 6:17

Duhaak balliook cĩg looc nicci thõõthaa ꞌcĩ õkõmĩ anneek, ma hathĩngõõnyannu eleeti baliitta ꞌcĩ hatĩ aꞌnginoothi hĩdĩĩkoothong. Aꞌnyĩĩk haarrik muhẽẽnĩt cĩnĩĩng hĩ Nyekuc, ꞌcĩ aaꞌnyeet ngagĩĩt hẽlẽggĩ vẽlẽk ꞌcĩg haccamanõõthĩkĩ.

2 Timotteeo 3:15

Nganĩngĩtĩ hĩdĩꞌthẽẽtõ, agau nii thooꞌthiok ꞌcĩg eheeddi ꞌBuuhaa cĩ Nyekuci ĩĩcĩ Ẽllẽẽmĩthĩ, ꞌcĩg aaꞌnyi nganiit ꞌgẽẽnyĩth ꞌcĩ agaĩ ꞌgõõl ꞌcĩ aku eellianĩĩ, hĩnĩngĩtĩ lemiinit ꞌcĩ aꞌnyahi hĩ Yeesu Krĩstõ.

Tiito 3:6

ĩcĩ aaꞌnyeet haggatattĩ jurrung, hĩnĩngĩtĩ Ellioohit cĩnaac Yeesu Krĩstõ,

ꞌJeemith 1:5

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

ꞌJeemith 5:13

Ma aꞌnyaku niig ꞌcannan umwa, occa alaiinnu. Nẽ má aattiyyu lõꞌngõõc, ebenit tegellwa cĩg dĩhĩthẽẽttak.

1 Yõaannẽ 2:14

Hẽhẽẽdakuung naa waraga ngagiit lõhõlĩ, hĩnĩngĩtĩ agayyu niig Baangeet. Hẽhẽẽdakuung naa ngagiit waraga nyakangaaꞌnya hĩ morwak, hĩnĩngĩtĩ iita agayyu niig Krĩstõ, baa aaĩ baa nga heteheꞌnyiaa lõõcĩ. Hẽhẽẽdakuung ngagiit nyahaappanĩt hĩ buheeci, hĩnĩngĩtĩ attirannu niiga. Õkõmĩ thõõth cĩ Nyekuci ꞌthinneetinii cugguung nẽ ĩllõõattu niig ꞌThĩttaan.

1 Yõaannẽ 2:24

Aallattia ummuhit nyeemuut baa athiknu ĩĩcĩ oou nẽ hatĩ ũrũmteeu hõdẽĩ hõdõõkõthĩ ꞌthinneetinitõõ hĩ Ngeertĩ Nyekuci hĩ Maaꞌnyĩ buúk.

1 Yõaannẽ 2:27

Nẽ aggatannuung Krĩstõ ngagiit Loriiaa ꞌcĩ Ẽllẽẽmĩthĩ. Nẽẽthĩ ꞌyioko, aau Lorii hĩ ngagiit nẽ occa hõllõngaa adiimmu ꞌlimmanniook ũgĩ tarĩ. Hĩnĩngĩtĩ aduha Lorii thõõth ꞌcĩ ĩĩn dĩdĩ nẽ illimanuung ꞌgii vẽlẽk. Nẽẽthĩ hoti ho, aallattia ũrũmĩt ꞌthinneeti hĩ Krĩstõ, hĩ baa illimaneehuung Lorii ngagiit ĩdĩmanit.

2 Yõaannẽ 1:2

Hammĩnannuung naag ngagiit, hĩnĩngĩtĩ aau thõõth ꞌcĩ ĩĩn dĩdĩ ꞌthinneetinitõõ cĩggaac nẽ aala hatĩ gõõng hĩ ngagĩĩt ooo.

Terethiinit 14:3

Nẽ ẽbẽnĩ tẽgẽl ꞌcĩ ĩĩn ngeju muumaa cĩ dtaaba cĩ Nyekuci hĩ muumaa cĩ idiꞌngwa baag ĩĩn ꞌwec ko buúk, hĩ makayyiook. Baa hiꞌthihi eet ꞌcĩ aga tẽgẽl nicci ũdũt. Aga tẽgẽl tĩho eeta ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000) ko diooni, eet baag eelliaa loota nĩnga.

Terethiinit 15:3

Nẽ ebenit tẽgẽl cĩ Mũũꞌtha baa ĩĩn dticciannioohit cĩ Nyekuci nẽ ebenit tẽgẽl cĩ Mĩꞌnyõõnak buúk ĩĩtõ, “Makayyioohit Nyekuc ꞌTirriannioohit ꞌcĩ ĩllõõani vẽlẽk, abulanneet thooꞌthioha ꞌcĩg adticani nii ꞌcĩg ĩĩn dĩdĩ. Aggami nii eet vẽlẽk jurrung, nii Habuui cĩ irkiꞌnyia vẽlẽk ko.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.