Kolooꞌthe 3:15 - ꞌBuuk cĩ Thõõth cĩ Nyekuci

¹⁵ Aanytĩk ganõn cĩ Krĩstõ haggamuung ꞌthinneeti cugguung, hĩnĩngĩtĩ baa utuvvuyyiaau niig, hátĩ aaut ganõõna, hĩ eeta cĩg ẽlẽ hõdẽẽthõng. Nẽ iittihu ĩnõõnnõ ĩlaallẽ.

Kolooꞌthe 3:15 ပူးပေါင်းရင်းမြစ်များ

Yõõna 2:9

Nẽẽthĩ hinnianĩ, haaꞌnyii hatĩ naa nganiit ꞌgaarrieenit tẽgẽlaa cĩ dĩhĩthẽẽttõ, nẽ hattũbaneehi hatĩ lõbũtĩ caannĩ, hĩnĩngĩtĩ aku elliaanĩtĩ caannĩ vẽlẽk hĩ Makayyioohit diooni.”

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

1 Korinthia 10:17

Hĩnĩngĩtĩ hõthõl naag ũbũnĩ hõdẽẽthõng, hiita hĩĩtõ naag ẽlẽ hõdẽẽthõng, tananga hĩĩgĩn mẽẽlĩg.

1 Korinthia 7:15

Nẽẽthĩ, má ũtũngeek maac ꞌcĩ hõllõngaa ĩĩn lemmioohit ngaa cĩnnĩ ho, aꞌnyĩĩk hũtũngeek. Ẽẽtĩ hode ngaa ꞌcĩ ĩĩn lemmioohit, occa hõllõngaa ẽcẽb thooꞌthioha ꞌcĩg aattĩg hoti, hĩnĩngĩtĩ avvaanneet Nyekuci ngagĩĩt haaut ganõõna.

2 Korinthia 4:15

Ĩĩn ciee vẽlẽk ꞌbaaninit cunuung, hátĩ hagaacõ eeta ꞌcĩg mẽẽlĩg gẽrrẽẽt bũnnai cĩ Nyekuci nẽ ĩdĩhĩthĩt ĩnõõnnõ tẽẽlꞌthĩta.

2 Korinthia 9:11

Aggatannuung hatĩ ngagiit Nyekuci gẽrrẽẽt ꞌgoolliohĩĩ ꞌcĩg mẽẽlĩg nẽ hatĩ gõõng uꞌthuuttu niig buúk ꞌgõõl ꞌcĩ eellu ꞌgoonogu ꞌcĩg appĩĩrna nẽ hatĩ ĩdĩhĩthĩt eeta ꞌcĩg mẽẽlĩg Nyekuc hatĩ haꞌnyaktoothĩha naag lemmiook ꞌbaaninit cunuung.

Eevvetho 4:16

Arũm Krĩstõ ẽlẽ cĩnnĩ ho hĩĩ hõdẽẽthõng nẽ aaꞌnyĩk hidticattõõ dhooriꞌnya vẽlẽk jurrung, hĩcĩ alĩthĩ hokomit hĩnĩngĩtĩ mĩnnani.

Eevvetho 4:4

Iiginnu niig vẽlẽk eet cĩg ẽlẽ hõdẽẽthõng. Ĩĩn Lorii cĩ Nyekuci hõdẽẽthõng, hĩ baa aaꞌnyuung ngagiit Nyekuci muhẽẽnĩt hõdẽẽthõng ꞌcĩ abũnnaa.

Eevvetho 5:1

Nẽẽthĩ hoti ho, ĩthahithit Nyekuc hĩ lohollia cĩgĩnnĩg ꞌcĩg ammĩnan nẽẽnĩ

Eevvetho 5:20

Ĩĩttĩk Nyekuc Baangeet ĩlaallẽ hõdõõkõthĩ, hĩnĩngĩtĩ thooꞌthiok vẽlẽk, ꞌthaarĩĩ cĩg Makayyioohit cĩnaac Yeesu Krĩstõ.

Kolooꞌthe 1:12

Halayyi naa, hátĩ ĩĩttĩk Nyekuc Baangeet ĩlaallẽ, ngaatĩ aaꞌnyuung ngagiit otholit hĩ ĩnõõnnõ thõõth baa aduhaak nẽẽ eet ꞌcĩg aattĩg habuccieetaa cĩ lanyito.

Kolooꞌthe 2:7

Aanytĩk lemiinit cunuung hĩtĩlĩth hĩ Krĩstõ nẽ aanytĩhu ĩnõõnnõ haau hĩ miirihi cĩ rũgẽt cunuung. Okomit lemiittaa cunuung hĩ baa allimanoothikuung ngagiit hátĩ atalit ĩnõõnnõ gẽrrẽẽt.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

1 Tẽꞌthaloonika 5:18

Ĩĩttĩk Nyekuc ĩlaallẽ hõdõõkõthĩ, hĩnĩngĩtĩ ꞌgõõl ꞌcĩ adiimmuung nẽẽ ngagiit aautti hĩ lemmiooha ho cieeni, niig eeta ꞌcĩg elemmu Yeesu Krĩstõ.

1 Timotteeo 2:1

Nẽẽthĩ ĩĩcĩ oou, hanneekii nõõ naa laõõĩ eet vẽlẽk. Aꞌnyĩĩk Nyekuc hẽẽl nẽ aggatan ĩhõõggõ vẽlẽk nẽ duhaak Nyekuc ꞌgõõl ꞌcĩ annẽẽkĩ ĩnõõnnõ ĩlaallẽ, hĩnĩngĩtĩ ĩhõõggõ vẽlẽk.

1 Timotteeo 6:12

ꞌTĩmman gẽrrẽẽt ngaatĩ anũĩ thõõth cĩ Nyekuci, hátĩ mũda rũgẽt ꞌcĩ aalla ooo, baa auyyi nganiit Nyekuci, kõr baa aduhaanĩ lemiinit cunni cĩ thõõth cĩ Nyekuci lothippitaa cĩ eet ꞌcĩg mẽẽlĩg.

Ebereei 13:15

Nẽẽthĩ hoti ho, haanytĩk Nyekuc ꞌgaarrieenit ꞌcĩ hadĩkꞌthĩ ĩnõõnnõ nẽ huduktaak hĩĩttĩk hathĩhĩ naag ĩnõõnnõ.

Terethiinit 7:12

“Aamẽn! Aalla dĩhĩthẽẽnĩtĩ hĩ bulẽẽnĩt, hĩ ꞌgẽẽnyĩth hĩ taliinit hĩ ꞌtirrian vẽlẽk hĩ Nyekuc cĩnaac ooo. Aamẽn!”