Kolooꞌthe 3:14 - ꞌBuuk cĩ Thõõth cĩ Nyekuci

¹⁴ Nẽ thooꞌthiohĩĩ cĩg vẽlẽk, tiir mĩnnanĩ ĩllõõan ꞌgii vẽlẽk, ĩnõõnnõ ꞌcĩ arũm hẽlẽggĩ vẽlẽk hõdẽĩ.

Kolooꞌthe 3:14 ပူးပေါင်းရင်းမြစ်များ

Yõaannẽ 13:34

“Nẽ haaꞌnyuung naa ngagiit tilooinit ꞌcĩ ĩĩn ngeju, ĩmmĩnanit eleeti cugguung hĩ baa hammĩnannuung naa ngagiita.

Yõaannẽ 15:12

Aaĩ thõõth ꞌcĩ haduha naa hoti. Ĩmmĩnanit ꞌgoonogu haau hĩcĩ hammĩnannuung naa ngagiita.

Yõaannẽ 17:23

Haaĩ naa hĩ ĩhõõggõ nẽ aau nii hĩ nganĩĩta. Ĩĩn occa hatĩ nẽẽg hõdẽẽthõng nuun, haanytĩk looc nicci haga ngaatĩ ĩꞌthõõannaa nii nganĩĩta, nẽ ĩmmĩnanuu ĩhõõggõ haau hĩcĩ ammĩnannaa nii nganĩĩt ko.

ꞌRooma 13:8

Aanytĩk mĩnnan hĩĩ dtiic cunuung! Má ammĩnannu niig ꞌgoonogu, ĩdĩmattu niig ꞌgii vẽlẽk ꞌcĩ adiim nyattalĩ.

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 4:3

Ĩttĩmanit ngaatĩ aꞌthuunnu rũmẽẽnĩt cĩ Lori cĩ Nyekuci ꞌthinneetinii cugguung. Ĩdĩmanit hoti, ꞌgõõlaa ꞌcĩ aattiyyu lõꞌngõõc.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Tẽꞌthaloonika 4:9

Nẽ ꞌyioko, occa hõllõngaa hẽhẽẽdakuung naag ngagiit waraga ꞌcĩ hanneekuung ĩmmĩnanit eleeti, hĩnĩngĩtĩ baa illimaneehuung ngagiit Nyekuci thõõth cĩ mĩnnaanõ ẽlẽk.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

1 Pẽẽtũrũ 4:8

Hĩllõõan vẽlẽk, ĩmmĩnattõ gẽrrẽẽt, hĩnĩngĩtĩ ũũny mĩnnanĩ ꞌthẽccanẽẽt ꞌcĩg mẽẽlĩg ꞌrĩng.

2 Pẽẽtũrũ 1:7

nẽ ittoorrihu ꞌgõõl ꞌcĩ haaꞌnyĩkĩ Nyekuc haccamanoothĩk ꞌgõõl ꞌcĩ hĩĩgĩnnĩ tarbalĩg hĩ ꞌgotoonogeet hĩ ngoonogeet, nẽ ittoorrihu tarbalꞌthẽẽt hĩ ꞌgotoonogeet hĩ ngoonogeet mĩnnan cĩ eet vẽlẽk.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.

1 Yõaannẽ 3:23

Adiimmeet Nyekuci ngagĩĩt helemit Ngeerĩnĩ Yeesu Krĩstõ nẽ hĩmmĩnanit eleeti cĩggaac. Thõõth baa ilootĩkeet Nyekuci ngagĩĩt hĩdĩmanit cieeni.

1 Yõaannẽ 4:21

Nẽ aaꞌnyeet nẽẽ ngagĩĩt tilooinit icci. Eeta ꞌcĩg ammĩnan Nyekuc, aꞌnyĩĩk hĩmmĩnanit ꞌgõtõõnõgĩ hĩ ngõõnõgĩ.