Kolooꞌthe 3:10 - ꞌBuuk cĩ Thõõth cĩ Nyekuci

¹⁰ Iittu niig vẽlẽk eet ꞌcĩg ĩĩn ngeju. Ũũhũyyuung ngagiit Nyekuci hõdõõkõthĩ aaut hĩ nẽẽ Teheꞌnyioohiti cĩ rũgẽt cunuung ꞌcĩ ĩĩn ngeju, nẽ iita hatĩ agayyu ĩnõõnnõ jurrung.

Kolooꞌthe 3:10 ပူးပေါင်းရင်းမြစ်များ

ꞌThianaattõ 5:1

Hattũũg cĩ õlõ cĩ Aadamĩ cieeni. Baa ẽhẽnyta Nyekuci eet hĩ ngaaĩ haauto hĩ nẽẽnĩ.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

ꞌRooma 12:2

Ma nga hanuyyu thooꞌthiok cĩg looc nicci tarĩ, nẽẽthĩ ũtũkẽẽc muhẽẽnĩt cĩ ꞌthinneeti cugguung hĩĩtõ ngeju. Ĩnõõ ꞌcĩ hatĩ uuluyyu ngaatĩ attĩmannu nẽ ummuddiaau tabiinit cĩ Nyekuci, ngaatĩ abũnnayyĩ hĩllõõan.

ꞌRooma 13:12

Õbõhĩ edeccia baalini nẽ uppwaanna hatĩ kõrra. Occa hõllõngaa haattĩg naag hĩ eeta ꞌcĩg aattĩg muguuratõõ, hũkũmattoothĩk haaut lanyita.

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

ꞌRooma 6:4

Baa haggam naag baattithimo, baa haauto naag hĩ eeta ꞌcĩg hadaahito nẽ hadayyi hĩ Krĩstõ. Nẽ hĩ baa arũgthaa Krĩstõ daahĩtha bulẽẽttaa cĩ Nyekuc Maaꞌnyĩ, hau hatĩ haꞌnyak naag buúk rũgẽt ꞌcĩ ĩĩn ngeju.

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

ꞌGalaaꞌthia 3:27

nẽ niig vẽlẽk ꞌcĩg aggamtu baattithimo ꞌthaarĩĩ cĩg Yeesu Krĩstõ ho, iita ũrũmteeu niig buúk hĩ ĩnõõnnõ.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.

Eevvetho 2:10

Hĩĩgĩn naag eet ꞌcĩg ẽhẽnyta Nyekuci ꞌcĩg ĩĩn ngeju, baag hẽhẽnytaa haaut hõdẽĩ hĩ Yeesu Krĩstõ, hátĩ hĩdĩmanit dtiicanĩ ꞌcĩg abũnnaa baag ũkũmaneekeet Nyekuci ngagĩĩt baa ĩĩcĩ oou hĩdĩmanit.

Eevvetho 2:15

Daahĩthaa cĩnnĩ, ĩbĩlĩ nẽẽ ꞌgõõl ꞌcĩ adticaniini nyattalĩ cĩ Mũũꞌtha hĩ tilooinit cĩnnĩ vẽlẽk. Ikia ĩdĩman nẽẽ ganõn hõrggẽẽnaa cĩ eet cĩg ꞌJudeei hĩ ꞌcĩg hõllõngaa ĩĩn ꞌJudeei, ngaatĩ arũmĩ ĩhõõggõ hĩĩtõ hõdẽẽthõng.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

Kolooꞌthe 3:14

Nẽ thooꞌthiohĩĩ cĩg vẽlẽk, tiir mĩnnanĩ ĩllõõan ꞌgii vẽlẽk, ĩnõõnnõ ꞌcĩ arũm hẽlẽggĩ vẽlẽk hõdẽĩ.

Vilõmẽẽnõ 1:6

Halayyi naa, hátĩ hĩttõõrĩ rũmẽẽnĩtĩ cĩ lemiinit ꞌcĩ othollu niig hĩ ꞌgoonogu lemmiook, hátĩ gaa nii hẽlẽggĩ vẽlẽk ꞌcĩg abũnnaa ꞌcĩg haꞌnyak naag hĩ Krĩstõ.

Ebereei 6:6

nẽ ꞌyioko ũtũbũrĩt Nyekuc. Õkõmĩ gẽrrẽẽt ngaatĩ ũũnnĩkĩ eeta ꞌcĩg aattĩg noho ꞌthẽccanẽẽt cĩggĩĩng, hĩnĩngĩtĩ ũtũbũrĩt nẽẽg Ngeertĩ Nyekuci nẽ aauto hĩcĩ odooddĩk ĩnõõnnõ hurucceea tarĩ nẽ aanytĩk ngaaoni lothippita.

1 Yõaannẽ 2:3

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

1 Yõaannẽ 2:5

Nẽẽthĩ, má aꞌthũũnnĩ ẽẽtĩ umwaa thõõth cĩ Nyekuci, aku edeeꞌnyia mĩnnanĩ cĩ Nyekuci ngaatĩ ĩĩnnĩ dĩdĩ hĩ ĩnõõnnõ.

Terethiinit 21:5

Ma ho, ikia õthõõthahaa Nyekuci ꞌcĩ iccioloongan dtaabawa ho ĩnnĩhaa, “Haaꞌnyihi hatĩ naa hẽlẽggĩ vẽlẽk hĩĩtõ ngeju!” Nẽ tarĩ, õthõõthahaa ĩnnĩhaa, “Tẽhẽẽd thõõth ꞌcĩ haduhaakii naa ho loota, hĩnĩngĩtĩ haduhaakii thõõth ꞌcĩ ĩĩn dĩdĩ, ꞌcĩ occa elemi niina.”