Kolooꞌthe 3:1 - ꞌBuuk cĩ Thõõth cĩ Nyekuci

¹ Baa ũrũgũthaauung Nyekuci ngagiit hõdẽĩ hĩ Krĩstõ daahĩtha. Nẽẽthĩ ꞌyioko, aarrik ꞌthinneeti cugguung hẽlẽggẽẽnnĩĩ cĩg hẽẽtkujjieen, ngaatĩ aggamĩ Krĩstõ looc attiaa cobbi ĩĩcĩ Nyekuci.

Kolooꞌthe 3:1 ပူးပေါင်းရင်းမြစ်များ

Maatteeo 22:44

“ ‘Aduhaak Makayyioohiti Makayyioohit caannĩ anneek, “ꞌCioloongan ngaati attiaa caannĩ cobbi ĩꞌthõng haggam mĩrõk cugunnig.” ’

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maatteeo 6:20

Aarrik baliinit cunuung hẽẽtahujjieen, ngaatĩ hõllõngaa aduhẽẽkĩ hurubo hĩ ngaatĩ hõllõngaa ohonoothini ꞌthĩĩha, hĩ ngaatĩ hõllõngaa avvahanĩ igorriaaha ꞌcieeth nẽ igorithita.

Maatteeo 6:33

Nẽẽthĩ, hẽlẽggẽẽnnĩĩ cĩg vẽlẽk, idiimit nõõ habuccieet cĩ Nyekuci hĩ thõõth cĩnnĩ ꞌcĩ aũlan ĩĩcĩ oou. Nẽẽthĩ hatĩ aaꞌnyuung hẽlẽggĩ vẽlẽk ꞌcĩg adiimmu niiga.

Maarko 12:36

Baa aduhaak Lorii ꞌcĩ Ẽllẽẽmĩth Daavide thõõth anneek, “ ‘Aduhaak Makayyioohiti Makayyioohit caannĩ anneek, “ꞌCioloongan ngaati attiaa caannĩ cobbi ĩꞌthõng huruk mĩrõk cugunnig.” ’

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 20:42

Aduha Daavide ꞌBuuhaa cĩ Tegellwaanu aĩ, “Aduhaak Makayyioohiti Makayyioohit caannĩ anneek, ‘ꞌCioloongan ngaati attiaa caannĩ ĩcobbi

ꞌLuuka 22:69

Nẽẽthĩ, iꞌthianaanĩ kõr nicci, iccioloongan hatĩ Ngeertĩ Eeto attiaa cobbi ĩĩcĩ Nyekuc ꞌTirriannioohit vẽlẽk.”

Dtiicanĩ cĩg ꞌThooyyiahu 2:34

Baa hõllõngaa õtõd Daavide hẽẽtahujjieen nẽ hõllõngaa õthõõth ẽlẽ cĩnnĩ baa aĩ, “Aduhaak Makayyioohiti Makayyioohit caannĩ anneek, ‘ꞌCioloongan ngaati attiaa caannĩ ĩcobbi,

Dtiicanĩ cĩg ꞌThooyyiahu 7:55

Nẽẽthĩ hinnia, baa aaĩ Lorii ꞌcĩ Ẽllẽẽmĩth hĩ Tẽẽvẽnõ, nĩngĩtĩ acĩnõõꞌthĩ hẽẽtkujjieen hudtuuha bulẽẽnĩt cĩ Nyekuci nẽ ĩcĩnõõthĩ Yeesu ngaatĩ abĩllĩ attiaa cobbi ĩĩcĩ Nyekuci.

ꞌRooma 8:34

Aitiõõ eet ꞌcĩ occa etteedĩkeet ngagĩĩt thõõth tõõ, hĩnĩngĩtĩ baa adaak Yeesu Krĩstõ nẽ ũrũga daahĩtha, hĩnĩngĩtĩ ngagĩĩta nẽ iccioloongan bulẽẽtta, attiaa cobbi ĩĩcĩ Nyekuci nẽ alaiinneet ngagĩĩta.

ꞌRooma 8:6

Aꞌnyaha muhẽẽnĩtĩ cĩ eet ꞌcĩ ĩĩn ꞌthẽccannioohit daahĩth, nẽẽthĩ, muhẽẽnĩtĩ cĩ eet ꞌcĩ aggam Lorii, ĩĩn rũgẽt hĩ ganõn.

2 Korinthia 4:18

Hẽlẽggĩ ꞌcĩg hacĩn naag thõng ko, ĩĩn hẽlẽggĩ ꞌcĩg hõllõngaa aalla ooo nẽ hẽlẽggĩ ꞌcĩg hõllõngaa hacĩn naaga, ĩĩn hẽlẽggĩ ꞌcĩg aalla ooo. Nẽ ꞌyioko hubbuuhit hẽbẽrĩ cĩggaac, hátĩ hĩcĩnĩt hẽlẽggĩ ꞌcĩg hõllõngaa edeeꞌnyia ho, hĩnĩngĩtĩ aalla hatĩ nẽẽg ooo.

Eevvetho 4:10

Nẽ tarĩ ĩĩ thõõth ciee buúk, ẽẽtĩ baa aaĩ loota, ĩnõõnnõ ꞌcĩ õtõd hũũk hẽẽtahujjieen ko, hátĩ haau nẽẽ hẽẽtahujjieen hĩ loota vẽlẽk.

Eevvetho 5:22

Ĩnõõ ꞌcĩ occa athiknu niig ngaaĩ maaccwa cugguung, haau hĩcĩ occa athiknu Makayyioohit ko.

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,

Kolooꞌthe 3:2

Ummuhit thooꞌthiok cĩg hẽẽtkujjieen, ma hammuku hẽlẽggĩ cĩg looc nicci.

Ebereei 1:13

Baa nga hĩĩnnĩk Nyekuci aajĩlõ umwa, “Au attiaa caannĩ ĩcobbi ĩꞌthõng hĩllõõan naa mĩrõk cugunnig.”

Ebereei 1:3

Ĩĩn Ngeerĩnĩ lanyit cĩ bulẽẽnĩt cĩ Nyekuci nẽ aduhõõ nẽẽ hĩ Nyekuc ꞌgiiaa vẽlẽk. Aggam nẽẽ looc vẽlẽk kõmĩĩthaa cĩ thõõth cĩnnĩ. Ma baa ũtũũny nẽẽ ꞌthẽccanẽẽt cĩg eetuk ẽlẽk, ũũk iccioloongan hẽẽtahujjieen attiaa cobbi makaaꞌthĩtaa cĩ Nyekuci.

Ebereei 10:12

Nẽẽthĩ, baa ẽlẽmanaak Krĩstõ paadĩrĩ cĩnaac ẽlẽ cĩnnĩ Nyekuc, hĩĩ ꞌgaarrieenit hõdẽẽthõng ꞌcĩ attik ꞌthẽccanẽẽta. Ma ho, ũũk iccioloongan nẽẽ ngaatĩ bulẽẽttõ ĩĩcĩ aꞌthiit cobbi cĩ Nyekuci.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 8:1

Thõõth dẽẽdẽ ꞌcĩ aaddi ꞌcĩ aĩ nẽẽ, haꞌnyak naag paadĩr cobbi, ĩnõõnnõ Yeesu ꞌcĩ iccioloongan attiaa cobbi dtaabawa, makaaꞌthĩtaa cĩ Nyekuci hẽẽtahujjieen.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.