Kolooꞌthe 2:9 - ꞌBuuk cĩ Thõõth cĩ Nyekuci

⁹ Hĩnĩngĩtĩ aaĩ Nyekuci hũtũrũũr ẽllaa cĩ Krĩstõ.

Kolooꞌthe 2:9 ပူးပေါင်းရင်းမြစ်များ

Maatteeo 1:23

“Ũũkca hatĩ bũhẽẽcĩ ꞌcĩ nga hatagguutho hĩ eet, loholeec ꞌcĩ maacĩ nẽ hatĩ hĩĩtõ ꞌthaar cĩgĩnnĩg Emmanuele,” Nĩngĩtĩ aĩ, “Aaĩ Nyekuci hĩ ngagĩĩta.”

ꞌLuuka 14:22

“Ma baa õbõda dticciannioohiti ho, ikia uduhaak makayyioohit ĩĩnnĩk, ‘Makayyioohit, hĩdĩmana hĩaa aduha niina, nẽẽthĩ, nga maka nĩngĩtĩ ꞌcĩ occa aattiyyi eeta ũgẽẽgĩ.’

ꞌLuuka 3:22

nẽ ulluuccia Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ. Nĩngĩtĩ õthõõthanĩ mõlõõhĩ umwaa hẽẽtahujjieen aĩnnĩ, “Ĩĩnĩ nii Loholeec caannĩ ꞌcĩ hamĩna. Haccamanannii maaꞌnyu gẽrrẽẽt.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:16

Hĩnĩngĩtĩ makaaꞌthĩt cĩ bũnnai cĩnnĩ, hiita hummuddia naag vẽlẽk ꞌgattan tabattĩ mẽẽlĩg.

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:38

Nẽẽthĩ, má hadĩmani naa thooꞌthiok ꞌcĩg adĩman Baaba, tananga hiittiõõ hõllõngaa ẽlẽmmaangu nganĩĩta, elemit ꞌthĩ nẽẽ thooꞌthiok ꞌcĩg ĩnaat eeta ho, hátĩ agaac ĩĩtõ, aaĩ Baaba hĩ nganĩĩta nẽ haau naa hĩ ĩnõõnnõ.”

Yõaannẽ 14:20

Nẽ kõr niccia, au hatĩ agayyu niig ainnu, haaĩ naa hĩ Baaba nẽ aauttu niig hĩ nganĩĩta nẽ haau naa hĩ ngagiita.

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

Yõaannẽ 2:21

Nẽẽthĩ, ꞌCieeth cĩ Nyekuci ꞌcĩ õthõõth Yeesu ho, ĩĩn ẽlẽ cĩnnĩ.

Dtiicanĩ cĩg ꞌThooyyiahu 17:29

“Nẽẽthĩ, hĩcĩ ꞌyioko hĩĩgĩn naag lõhõlĩ cĩg Nyekuci ho, occa hõllõngaa hĩthakꞌtheek ĩnõõnnõ ꞌdaab hode maccĩrẽẽn hode bẽẽ. Hõllõngaa aaĩ Nyekuci hĩ ꞌgiimwaa ꞌcĩ ammuk ẽẽtĩ nẽ ẽtẽhẽnya.

2 Korinthia 5:19

Aĩ thõõth ciee nẽẽ, aaĩ Nyekuci ẽllaa cĩ Krĩstõ, ngaatĩ aaꞌnyeet ngagĩĩt hagayyio hĩ ĩnõõnnõ, ĩnõõ ꞌcĩ hõllõngaa agiilikeet ngagĩĩt ꞌthẽccanẽẽt cĩggaac. Nẽ aaꞌnyeet dtiic ꞌcĩ hõthõlĩ nyeemuut cĩ ganõõnõ.

Kolooꞌthe 1:19

Baa accamanoothĩk Nyekuci ngaatĩ aayyi nẽẽ hũtũrũũr ẽllaa cĩ Ngeerĩnĩ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

1 Yõaannẽ 5:7

Ĩĩn hẽlẽggĩ iyyio ꞌcĩg aduha thõõth icci ho.