Kolooꞌthe 2:8 - ꞌBuuk cĩ Thõõth cĩ Nyekuci

⁸ Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

Kolooꞌthe 2:8 ပူးပေါင်းရင်းမြစ်များ

Maatteeo 10:17

Uꞌthuutti eleeti cugguung, hĩnĩngĩtĩ aggammuung hatĩ eeta nẽ oottuung lokihẽẽtĩ nẽ uuktuung ꞌCieethinii cĩg Laiittak.

Maatteeo 16:6

Nẽ itilo Yeesu ĩhõõggõ ĩĩnnĩk, “Ĩcĩnĩt abũũla cĩg Variꞌtheei hĩ cĩg Thadutheei jurrung.”

Maatteeo 7:15

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng.

Dtiicanĩ cĩg ꞌThooyyiahu 17:18

Baa ĩĩn eeta ũgẽẽgĩ cĩg anũ ꞌlimman cĩ Epikurio nẽ ĩĩtõ ũgẽẽgĩ ꞌcĩg anũ ꞌlimman cĩ eet cĩg Toihi, nĩngĩtĩ iꞌthianaanĩ ẽppẽhanõõnĩ hĩ ĩnõõnnõ. Baa õthõõth ũgẽẽgĩ aĩ, “Ne ꞌyioko ꞌthẽk ꞌcĩ aĩ huduhaaheet ẽẽtĩ ciee aĩ haga thõõth vẽlẽk ko?” Nẽ ĩĩtõ ũgẽẽgĩ, “Aaĩ hinnia hĩcĩ õthõõth Paaulo ꞌlimman cĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg ꞌrĩĩng!” Baa aduha nẽẽg thooꞌthiok iccig, hĩnĩngĩtĩ baa alliman Paaulo thõõth cĩ nyeemuut ꞌcĩ abũnnaa cĩ Yeesu hĩ thõõth ꞌcĩ arũgnaanĩ daahĩtha.

Dtiicanĩ cĩg ꞌThooyyiahu 17:32

Ma baa athĩhĩ eeta thõõth ꞌcĩ arũgnaanĩ ẽẽtĩ daahĩtha ho, iꞌthiattaaĩ ũgẽẽgĩ atararit nĩĩcĩ noho. Baa aĩ ũgẽẽgĩ nẽẽ, “Hadiim hatĩ hau hathĩkna thõõth icci hĩ nganiit tarĩ kõr umwa.”

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

1 Korinthia 10:12

Nẽẽthĩ hoti ho, má ammuku niig ainnu okommu, uꞌthuutti thĩ eleeti, hátĩ hiittiõõ hõllõngaa etteeddu looc!

1 Korinthia 8:9

Ma haĩnanaaku eet ꞌcĩ hõllõngaa attiran muhẽẽnĩtĩ cĩ ꞌthĩnĩt cĩnnĩ, thõõth ꞌcĩ abathĩ, hĩnĩngĩtĩ agayyu niig ngaatĩ adaku ꞌgeenniok vẽlẽk.

2 Korinthia 10:5

Hĩ ꞌgii vẽlẽk ꞌcĩ ĩĩn ꞌrianĩĩth ꞌcĩ õhõõrran eet ngaatĩ agaĩ thõõth cĩ Nyekuci. Haggamma naag muhẽẽnĩt cĩ eetu nẽ haanytĩha ĩhõõggõ hitingolli Krĩstõ.

ꞌGalaaꞌthia 1:14

Baa hĩĩnĩ naa ꞌJudeeinit ꞌcĩ habũnna gẽrrẽẽt, ngaatĩ haꞌthũũnnĩ nyepitee baa aarĩk nyakangaaꞌnya cĩgannĩg, hĩllõõan eet ꞌcĩg halĩꞌthaanna hĩ nganĩĩt hõdẽĩ vẽlẽk.

ꞌGalaaꞌthia 4:3

Baa haattĩg naag ꞌJudeei buúk noho, baa hĩĩgĩn naag buúk appahacaaꞌnya nyattaalaa cĩ looc nicci hĩ lohollia ꞌcĩg hidiciẽẽgĩ.

ꞌGalaaꞌthia 4:9

Nẽẽthĩ, hĩcĩ ꞌyioko agayyu niig Nyekuc ko, hode ĩꞌnya da hĩĩ naa, ikia agauung Nyekuci ngagiita, inni idiimit oboddiooth ĩĩtõ appahacaaꞌnya tarĩ cĩg loriẽẽt ꞌcĩg hõllõngaa attiran, ꞌcĩg abathĩ dtẽc cĩg looc nicci ho?

ꞌGalaaꞌthia 5:15

Nẽ má õyõyyõõhanoonnu nyaagwaana nẽ adaktu eleeti ẽmmẽn hĩ idiꞌngwaana cĩg moru, aaut jurrung! Acũdaannu hatĩ ho eleeti ĩĩtõ ꞌthĩĩ.

Eevvetho 2:2

ꞌgõõlaa baa gõõng aattiyyu nẽ unuyyu thooꞌthiok cĩg looc nicci nẽ ĩthĩktu ꞌThĩttaan makayyioohit cĩ makaaꞌthĩt cĩ looc ꞌcĩ hõllõngaa edeeꞌnyia. Ĩĩn ꞌThĩttaanĩ lori ꞌcĩ adticani ꞌthinneetinii cĩg eet ꞌcĩg hõllõngaa athĩhĩ Nyekuc.

Eevvetho 4:20

Nẽẽthĩ niiga, baa hõllõngaa au agayyu niig Krĩstõ ꞌgõõlaa nĩĩca.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

Pilippi 3:2

Ĩcĩnĩt eet ꞌcĩg aattĩg hĩ eeta ꞌcĩg hõllõngaa ĩĩn lemmiook hataa jurrung, ĩĩn nẽẽg ꞌthẽccanniook nẽ anneekuung adiim etteeddu eleeti, hátĩ eellia.

Kolooꞌthe 2:18

Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,

Kolooꞌthe 2:22

Aku hatĩ edecciaa ꞌlimmanĩ ciee vẽlẽk, hĩnĩngĩtĩ aarĩk ẽẽtĩ ꞌcĩ holli õõ haaga.

Kolooꞌthe 2:23

Aaĩ thõõth ꞌcĩ haꞌthũũnnĩ ꞌlimman icci hĩ thõõth ꞌcĩ abũnnaa ꞌcĩ occa hadĩmanĩ. Aaĩ nẽẽ hĩcĩ aaꞌnyuung ngagiit ĩmmĩnanit Nyekuc gẽrrẽẽt nẽ iittu tarbalĩg nẽ uꞌthuuttu eleeti cugguung. Nẽẽthĩ nẽẽꞌthẽk, hõllõngaa aꞌnyak nẽẽg ꞌtirrian ꞌcĩ occa aaꞌnyeet hũtũngteek thooꞌthiok ꞌcĩg ĩĩn ꞌriiring ꞌcĩg habũraneek naaga.

1 Timotteeo 6:20

Ẽlẽ Timotteeo, ꞌthũũtĩ thooꞌthiok baag aduhaaki Nyekuci, ma hathihi thooꞌthiok ꞌcĩg õthõõth eeta ꞌcĩg hõllõngaa õõkõrõõ hĩ thõõth cĩ Nyekuci nẽ ẽppẽhattii ĩĩtõ, hẽggẽẽꞌnya gẽrrẽẽt, ĩko nẽẽ aitiõõ tõõ.

2 Timotteeo 3:13

Nẽ eeta ꞌcĩg ẽꞌngẽjĩ ooti hĩ ꞌcĩg õõlõng aĩ hagayyia thõõth nẽ hõllõngaa aga dĩdĩ buúk ko, au hatĩ abathoothi nẽẽg gẽrrẽẽt, ĩggõõl ꞌgõõnõgĩ nẽ ĩggõõl eeta ĩhõõggõ buúk.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.

1 Pẽẽtũrũ 1:18

Hĩnĩngĩtĩ agayyu niig baa ẽẽlannuung ngagiit Nyekuci rũgẽtaa ꞌcĩ abathĩ, ĩbaa allimanaannu hĩ maajihu cugguung baangaani. Nẽ agayyu niig baa hõllõngaa ẽẽlannuung ngagiit Nyekuci maccĩrẽẽnĩĩ hode ꞌdaaba ꞌcĩ hõllõngaa aalla ũdũt.

2 Pẽẽtũrũ 3:17

Nẽẽthĩ hoti ho, ꞌgotoonoga hĩ ngoonoga, hĩcĩ agayyu niig thõõth icci ẽlẽk ko, aaut dĩkĩĩm, hátĩ hiittiõõ hõllõngaa idiahannuung eeta ꞌcĩg adĩman thooꞌthiok ꞌcĩg abathĩ nẽ ũtũngteehu authet ꞌcĩ abũnnaa.

2 Yõaannẽ 1:8

Ĩcĩnĩt jurrung, hátĩ hiittiõõ hõllõngaa ammanyannu thõõth baa hadticaniini gẽrrẽẽt haĩ hummuddiaaĩ dũman ko. Idticattõ gẽrrẽẽt, hátĩ ummudia dũman hũtũrũũr.