Kolooꞌthe 2:5 - ꞌBuuk cĩ Thõõth cĩ Nyekuci

⁵ Tananga hĩĩnĩ naa ꞌrẽẽn hĩ ngagiita, haalla hammukuung ngagiit hõdõõkõthĩ. Nẽ hatali ngaatĩ hathĩknĩ aĩ, aattiyyu ꞌgõõlaa ꞌcĩ abũnnaa nẽ elemtu Krĩstõ komiitta.

Kolooꞌthe 2:5 ပူးပေါင်းရင်းမြစ်များ

Dtiicanĩ cĩg ꞌThooyyiahu 2:42

Nẽ baa alliman ꞌthooyyiaha ĩhõõggõ nẽ ũrũmtĩ hõdẽĩ, hĩ eeta cĩg halang hõdẽẽthõng. Aggatan ũbũnĩ buúk nẽ alayyio hõdẽĩ.

Dtiicanĩ cĩg ꞌThooyyiahu 20:21

Baa hilooti naa eet cĩg ꞌJudeei hĩ ꞌGirik helemit Nyekuc nẽ ũtũngteek ꞌthẽccan nẽ elemit Makayyioohit cĩnaac Yeesu.

1 Korinthia 11:34

Má adakuung magĩthĩ dĩdĩ, udukto nõõ õlõ, hátĩ hiittiõõ hõllõngaa etteedoothĩkuung thõõth hatĩ ommotoonnu ngaatĩ hõdẽẽthõng. Hakuu hatĩ hallimaneekuung naa thooꞌthiok ũgĩ tarĩ hatĩ hikia.

1 Korinthia 14:40

Nẽẽthĩ, occa adĩmanni hẽlẽggĩ vẽlẽk ꞌgõõlaa ꞌcĩ aũlan ĩcĩ abũnnaa.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

1 Korinthia 16:13

Aaut dĩkĩĩm, okomit lemiittaa cunuung, aanytĩk ꞌthinneeti hokomit.

Kolooꞌthe 2:1

Hadiimmuung naa ngagiit agaac ngaatĩ hadticaniini naa gẽrrẽẽt, hĩnĩngĩtĩ ngagiit hĩ eet ꞌcĩg aattĩg ꞌtaaũnaa cĩ Laodicea hĩ ꞌcĩg nga homottiooa hĩ nganĩĩt vẽlẽk.

1 Tẽꞌthaloonika 2:17

ꞌGotoonoga hĩ ngoonoga, baa nõõ heꞌngerrio naag hĩ ngagiit hĩdĩhĩdĩĩc. Nẽẽthĩ hinnia, nga hatarrioꞌthuung naag ngagiit ꞌthinneetinii cĩggaang. Hammuka gẽrrẽẽt ꞌgõõl ꞌcĩ haau hacinnuung ngagiit tarĩ, ĩnõõ ꞌcĩ hattĩmanna gẽrrẽẽt ꞌgõõl ꞌcĩ hõbõdaanna ho.

1 Tẽꞌthaloonika 3:8

Aaĩ nyeemuut ꞌcĩ nga aꞌthuunnu niig lemiinit cĩ Makayyioohit Yeesu jurrung ko, hĩcĩ aaꞌnyeet ngagĩĩt haꞌnyakta rũgẽt ꞌcĩ ĩĩn ngeju.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 6:19

Haꞌnyak naag muhẽẽnĩt cĩnaac ꞌcĩ abũnnaa dĩdĩ ꞌcĩ aggammeet ngagĩĩta. Aduhun muhẽẽnĩtĩ cĩnaac ꞌcĩ abũnnaa ho cẽrẽm ꞌcĩ ẽꞌngẽr ꞌCieeth cĩ Nyekuci hõdõlan Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt.

1 Pẽẽtũrũ 5:9

Aꞌnyamanit ĩnõõnnõ nẽ okomtu lemiittaa cunuung, hĩnĩngĩtĩ agayyu niig ngaatĩ accananiini lemmiooha ũgẽẽgĩ buúk looc nicci vẽlẽk hĩ ꞌyioko niig ko.

ꞌRuuth 1:18

Ma baa acĩn Naoomi ꞌRuuth ngaatĩ arĩnyanẽẽkĩ hookorit hĩ ĩnõõnnõ ho, iittiõõ hõllõngaa aduhaak hõbõdõõthĩ.