Kolooꞌthe 2:3 - ꞌBuuk cĩ Thõõth cĩ Nyekuci

³ Aguꞌthi ꞌgẽẽnyĩthĩ hĩ gaiinit vẽlẽk hĩ ĩnõõnnõ.

Kolooꞌthe 2:3 ပူးပေါင်းရင်းမြစ်များ

Maatteeo 10:26

“Nẽẽthĩ hoti ho, ma hiꞌngolinnu eet umwa! Hẽlẽggĩ vẽlẽk ꞌcĩg aguꞌthi, appulanniaa hatĩ battaala nẽ hẽlẽggĩ vẽlẽk ꞌcĩg ammiꞌthi, au hatĩ edeeꞌnyia.

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

ꞌRooma 11:33

Nganĩ ꞌcĩ occa attĩman baliinit hĩ ꞌgẽẽnyĩth cĩ Nyekuci? Nganĩ ꞌcĩ occa aga muhẽẽnĩt cĩnnĩ hode nganĩ ꞌcĩ occa ẽddẽẽba ꞌgii ꞌcĩ adtican nẽẽnĩ?

1 Korinthia 1:24

Nẽẽthĩ, hĩ eet ꞌcĩg aũ Nyekuci, ꞌJudeei hĩ ꞌGirik vẽlẽk, ĩĩn Krĩstõ ꞌtirrian cĩ Nyekuci nẽ ĩĩ ꞌgẽẽnyĩth cĩ Nyekuci.

1 Korinthia 1:30

Iiginnu niig lõhõlĩ cĩg Nyekuci, hĩnĩngĩtĩ baa ĩꞌthõõa nẽẽ Yeesu Krĩstõ hikia hẽẽlaeet ngagĩĩta nẽ aaꞌnyeet Nyekuci ngagĩĩt heggeenyit. Ĩnõõ ꞌcĩ elemmeet nẽẽ ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ko.

Eevvetho 1:8

Aaꞌnyeet Nyekuci ngagĩĩt bũnnai cĩnnĩ cobbi gẽrrẽẽt hõdẽĩ hĩ ꞌgẽẽnyĩth hĩ thĩhẽẽnĩt, hátĩ hagaac thõõth cĩnnĩ.

Kolooꞌthe 1:19

Baa accamanoothĩk Nyekuci ngaatĩ aayyi nẽẽ hũtũrũũr ẽllaa cĩ Ngeerĩnĩ.

Kolooꞌthe 1:28

Hirrioonĩka naag eet nyeemuut cĩ Krĩstõ nẽ hidticattooyyia ꞌgẽẽnyĩth vẽlẽk hillimatta eet hĩ ngaatĩ hilootta eet vẽlẽk, hátĩ hiita hĩtĩlĩthĩt nuyyiooha cĩg Krĩstõ vẽlẽk hokomit lemiitta.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

Kolooꞌthe 3:3

Hĩnĩngĩtĩ baa aauttu niig hĩcĩ adaaktu ẽlẽk, nẽ ꞌyioko iyyangꞌthĩ rũgẽtĩ cunuung ꞌcĩ ĩĩn ngeju hĩ Krĩstõ ꞌcĩ aaĩ hĩ Nyekuc.

2 Pẽẽtũrũ 1:5

Hĩnĩngĩtĩ thooꞌthiok ꞌcĩg ĩdĩmaneeheet Nyekuci ngagĩĩt ko vẽlẽk, ĩttĩmanit gẽrrẽẽt ngaatĩ athiknu thooꞌthiok ꞌcĩg aduha Nyekuci. Ittoorrik lemiinit cunuung bũnnai nẽ ittoorrihu bũnnai ꞌgẽẽnyĩth;

Terethiinit 2:17

“Má athĩkneennu, ĩthĩhĩt thõõth ꞌcĩ aduhaak Lorii ꞌcĩ Ẽllẽẽmĩth lothippiꞌnya cĩg lemmioohu ho jurrung. Nẽ haaꞌnyihi hatĩ naa eet ꞌcĩ aꞌnyaman ꞌgoolinit cĩ ꞌThĩttaanõ, ꞌgẽẽn ꞌcĩ haĩ manna ꞌcĩ haggunyuthi naa ngaamwaanĩ hẽẽtahujjieen. Nẽ tarĩ, haaꞌnyihi hatĩ eet hõdẽĩ hõdẽĩ, bẽẽ ꞌcĩ õõrĩ cĩ eheedini ꞌthaara ꞌcĩg ĩĩn ngeju, ꞌcĩg aitiõõ ẽẽtĩ ꞌcĩ aga ꞌthaar tĩko tõõ, aga hatĩ baattĩ ꞌthaaru diooni.”