Kolooꞌthe 2:23 - ꞌBuuk cĩ Thõõth cĩ Nyekuci

²³ Aaĩ thõõth ꞌcĩ haꞌthũũnnĩ ꞌlimman icci hĩ thõõth ꞌcĩ abũnnaa ꞌcĩ occa hadĩmanĩ. Aaĩ nẽẽ hĩcĩ aaꞌnyuung ngagiit ĩmmĩnanit Nyekuc gẽrrẽẽt nẽ iittu tarbalĩg nẽ uꞌthuuttu eleeti cugguung. Nẽẽthĩ nẽẽꞌthẽk, hõllõngaa aꞌnyak nẽẽg ꞌtirrian ꞌcĩ occa aaꞌnyeet hũtũngteek thooꞌthiok ꞌcĩg ĩĩn ꞌriiring ꞌcĩg habũraneek naaga.

Kolooꞌthe 2:23 ပူးပေါင်းရင်းမြစ်များ

ꞌRooma 13:14

Aꞌnyĩĩk Makayyioohit Yeesu Krĩstõ hõbõhĩ hĩ ngagiit, haau hĩ ceremwaana ꞌcĩg ahimittu niiga, hátĩ ũtũngĩt thooꞌthiok ꞌcĩg abũraneek eleeti cugguung.

Eevvetho 5:29

Nẽẽthĩ nẽẽꞌthẽk, aitiõõ ẽẽtĩ ꞌcĩ occa aaburreek ẽlẽ cĩnnĩ tõõ, nẽẽthĩ hinnia, occa aꞌthũũnnĩ ẽẽtĩ ẽlẽ cĩnnĩ nẽ itirok haau hĩcĩ aꞌthũũnnĩ Krĩstõ lothippit cĩ lemmiook cĩgĩnnĩg,

Kolooꞌthe 2:18

Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

Kolooꞌthe 2:22

Aku hatĩ edecciaa ꞌlimmanĩ ciee vẽlẽk, hĩnĩngĩtĩ aarĩk ẽẽtĩ ꞌcĩ holli õõ haaga.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

1 Timotteeo 4:3

Ẽdẽnẽẽkĩ oloꞌngiaaha tĩko eet ngaatĩ aꞌthũwaniini, hĩ ngaatĩ aduhi ꞌgeenniok baag ẽhẽnyta Nyekuci, hátĩ huduhit eeta taliitta, eeta ꞌcĩg ẽlẽmĩ Nyekuc nẽ agaacõ thõõth ꞌcĩ ĩĩn dĩdĩ.

1 Timotteeo 4:8

Abũnnaa nẽẽꞌthẽk ngaatĩ hallimanẽẽkĩ eleeti dtiic, nẽẽthĩ hinnia, ĩllõõan dtiici cĩ Nyekuci thooꞌthiok vẽlẽk. Aaꞌnyeet rũgẽt ꞌcĩ abũnnaa baa adukiaa, hĩnĩngĩtĩ rũgẽt cĩ ꞌyioko ho, hĩ cĩ hatĩ horumwa.