Kolooꞌthe 2:2 - ꞌBuuk cĩ Thõõth cĩ Nyekuci

² Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

Kolooꞌthe 2:2 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

ꞌLuuka 1:1

Mẽẽlĩg eeta ꞌcĩg ĩttĩmanit gẽrrẽẽt ngaatĩ ẽhẽẽdĩ thooꞌthiok baag adĩman Nyekuci hõrggẽẽnaa cĩnaac.

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:38

Nẽẽthĩ, má hadĩmani naa thooꞌthiok ꞌcĩg adĩman Baaba, tananga hiittiõõ hõllõngaa ẽlẽmmaangu nganĩĩta, elemit ꞌthĩ nẽẽ thooꞌthiok ꞌcĩg ĩnaat eeta ho, hátĩ agaac ĩĩtõ, aaĩ Baaba hĩ nganĩĩta nẽ haau naa hĩ ĩnõõnnõ.”

Yõaannẽ 16:15

Ĩĩn hẽlẽggĩ vẽlẽk cĩ Baaba caannĩ. Ĩnõõ ꞌcĩ haĩnnĩ naa, aku hatĩ aduhaakuung Lorii nyeemuut ꞌcĩ athĩkna nẽẽ hĩ nganĩĩt ko.”

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

Yõaannẽ 5:17

Nĩngĩtĩ annẽẽkĩ Yeesu ĩhõõggõ, “Nga hĩbĩl Baaba caannĩ dtiica hĩĩ kõr hĩ niccieeni, ĩnõõ ꞌcĩ hadticaniini naa buúk ko.”

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 6:69

Helemmi naag nganiit nẽ hagayyia ngaatĩ ĩĩnnĩ nii Loholeec ꞌcĩ Odoyyii ꞌcĩ Elleemi cĩ Nyekuci.”

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 16:25

Ĩdĩhĩthĩt Nyekuc! Occa aaꞌnyuung nẽẽ ngagiit ittiranit nyeemuutaa caannĩ ĩcĩ abũnnaa, ĩcĩ ĩĩn nyeemuut cĩ Yeesu Krĩstõ. Hĩnĩngĩtĩ baa ammiꞌthi nyeemuut ciee irkiꞌnyia ꞌcĩg mẽẽlĩg ꞌrĩng.

ꞌRooma 2:4

Hode arannĩ tarbalꞌthẽẽt cĩ Nyekuci, hĩ temeethi cĩnnĩ nẽ hõllõngaa iiyyelaa ngaatĩ okooyyi tarbalꞌthẽẽt cĩ Nyekuci, hátĩ tũngeek ꞌthẽccanẽẽt cugunnig?

1 Korinthia 14:31

Aanytĩk eet hõdẽĩ hõdẽĩ hudukta thooꞌthiok cĩg horumwa, hátĩ illimatta niig vẽlẽk thõõth ꞌcĩ aduha nẽẽg ko hũkũtan ĩhõõggõ.

1 Korinthia 2:12

Hĩcĩ humuddia naag Lori cĩ Nyekuci, ꞌcĩ hõllõngaa ĩĩn lori cĩ looc nicci, hiita hagaacõ naag hẽlẽggĩ ꞌcĩg ẽllẽẽmĩth gẽrrẽẽt ꞌcĩg aaꞌnyeet Nyekuci haaga.

ꞌGalaaꞌthia 3:28

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 3:16

Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu,

Eevvetho 3:3

Nẽ baa hẽhẽẽdakuung naa ngagiit waraga ꞌcĩ huturi, ꞌcĩ eterꞌtheeka Nyekuci nganĩĩt thooꞌthiok cĩgĩnnĩg ꞌcĩg baag gõõng ammiꞌthi.

Eevvetho 6:22

Thõõth icci dẽẽdẽ ꞌcĩ hĩꞌthõõakuung naa ngagiit ĩnõõnnõ ho, hátĩ agaac niig ꞌgõõl ꞌcĩ haattiyyia naaga, hátĩ hũkũtanuung Ticiko ngagiita.

Pilippi 2:1

Akũtannuung Krĩstõ ngagiita nẽ amammaayanuung mĩnnani cĩnnẽẽnĩ. Arummuung Lorii cĩ Nyekuci ngagiita nẽ uꞌthuuttu ꞌgoonogu.

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Kolooꞌthe 1:26

Ĩĩn thõõth ciee thõõth ꞌcĩ ĩllõõan ꞌgẽẽnyĩth cĩ eetu, baa hõllõngaa agayyi irkiꞌnyia ꞌcĩg mẽẽlĩg, nẽẽthĩ ꞌyioko, ikia uppulanniaak eet cĩg Nyekuci.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 1:9

Hĩnĩngĩtĩ thõõth icci, ngaanĩngĩtĩ baa hathĩkna naag thõõth cunuung, nga hibillia ngaatĩ halaiinnuung ngagiita. Halayya naag Nyekuc haaꞌnyuung agaac tabiinit cĩnnĩ, ꞌgẽẽnyĩtha hĩ gaiittaa cĩ Loriio.

Kolooꞌthe 2:19

Iittiõõ eeta cieeg hõllõngaa ĩĩn dhoorit ꞌcĩ ẽlẽ cĩ Krĩstõ ꞌcĩ ĩĩn Makayyioohit cĩ ello, hĩnĩngĩtĩ arũm nẽẽ dhooriꞌnya cĩg ẽllaak vẽlẽk hĩĩtõ hõdẽẽthõng hĩtĩlĩth ꞌtirriaanaa cĩ Nyekuci.

Kolooꞌthe 3:14

Nẽ thooꞌthiohĩĩ cĩg vẽlẽk, tiir mĩnnanĩ ĩllõõan ꞌgii vẽlẽk, ĩnõõnnõ ꞌcĩ arũm hẽlẽggĩ vẽlẽk hõdẽĩ.

Kolooꞌthe 4:3

Alayyiooyyieetu ngagĩĩt buúk, hátĩ hubbuuhiheet Nyekuci ngagĩĩt ꞌgõõl, hátĩ hõõt huduktaaha eet thõõth cĩ Krĩstõ ꞌcĩ ĩllõõan ꞌgẽẽnyĩth cĩ eetu, ꞌcĩ ꞌyioko hecebiini naa baabuutha ho.

Kolooꞌthe 4:8

Hĩꞌthõõakuung naa ĩnõõnnõ, hátĩ agaac niig authet cĩnaang nẽ hátĩ haaꞌnyĩk nẽẽ ꞌthinneeti cugguung hokomit.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Tẽꞌthaloonika 3:2

nẽ hĩꞌthooyyiahuung ꞌgotooneet Timotteeo hikia hicinuunga. Ĩĩn nẽẽ ꞌgotooneet ꞌcĩ hadticanoothĩka Nyekuc hõdẽĩ, thõõthaa ꞌcĩ hallimannuung nyeemuut ꞌcĩ abũnnaa cĩ Krĩstõ. Baa hĩꞌthõõanna naag ĩnõõnnõ hikia hũkũtanuung ngagiit, hátĩ hokomit ꞌthinneeti cugguung lemiitta.

1 Tẽꞌthaloonika 5:14

Haduhaakuung thõõthaa ꞌcĩ õkõmĩ gẽrrẽẽt hõlõ, itilooc eet ꞌcĩg ĩĩn nyamuttiook hidticattõõ hĩ eeta vẽlẽk, uduktaak teelliak hokomit ꞌthinneeti, eelit pĩĩrnattiaak nẽ ĩdĩhattu thooꞌthiok hõrggẽẽnaa cunuung.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

2 Pẽẽtũrũ 1:10

Nẽẽthĩ ꞌyioko ꞌgotoonoga hĩ ngoonoga, ĩttĩmanit gẽrrẽẽt ngaatĩ ẽtẽrꞌthaannu aĩ aattiyyu niig hõrggẽẽnaa cĩ eet baag avvaa nẽ ẽbẽra Nyekuci. Má aallannu adĩmannu thõõth icci, aitiõõ hatĩ hõllõngaa ũũnnĩku lemiinit cunuung.

2 Pẽẽtũrũ 1:3

ꞌTirriaanaa cĩnnĩ, aaꞌnyeet Nyekuci ngagĩĩt hẽlẽggĩ vẽlẽk ꞌcĩg hadiim naag haautti rũgẽtaa ꞌcĩ aaꞌnyĩk Nyekuc haccamanoothĩk. Hammũda naag hẽlẽggĩ iccig vẽlẽk ngaatĩ hau hagaĩ ĩnõõnnõ, baa aũũyyeet nẽẽ ngagĩĩt hiita hĩ ĩnõõnnõ bulẽẽttaa cĩnnĩ ĩcĩ ĩllõõan nẽ ẽllẽẽm gẽrrẽẽt.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.

1 Yõaannẽ 3:19

Má hammĩnan naag ꞌgotoonogeet hĩ ngoonogeet, haga naag haĩ hĩĩgĩn eet cĩg thõõth ꞌcĩ ĩĩn dĩdĩ nẽ haattĩg lõꞌngõõc muumaa cĩ Nyekuci.

1 Yõaannẽ 5:7

Ĩĩn hẽlẽggĩ iyyio ꞌcĩg aduha thõõth icci ho.