Kolooꞌthe 2:19 - ꞌBuuk cĩ Thõõth cĩ Nyekuci

¹⁹ Iittiõõ eeta cieeg hõllõngaa ĩĩn dhoorit ꞌcĩ ẽlẽ cĩ Krĩstõ ꞌcĩ ĩĩn Makayyioohit cĩ ello, hĩnĩngĩtĩ arũm nẽẽ dhooriꞌnya cĩg ẽllaak vẽlẽk hĩĩtõ hõdẽẽthõng hĩtĩlĩth ꞌtirriaanaa cĩ Nyekuci.

Kolooꞌthe 2:19 ပူးပေါင်းရင်းမြစ်များ

ꞌLuuka 5:38

Occa ꞌthẽk aarĩhoothĩk mẽrta cĩ viinoo ꞌcĩ nga ĩĩn ngeju hutubaawa ꞌcĩ nga ĩĩn ngeju buúk.

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 11:17

Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci.

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 11:3

Nẽẽthĩ ꞌyioko, hadiimmuung naa ngagiit agaac ĩĩtõ, Makayyioohit cĩ eet ꞌcĩg maacĩg vẽlẽk Krĩstõ nẽ makayyioohit cĩ ngaa ꞌcĩ ngayyi, ẽẽtĩ ꞌcĩ maacẽẽnĩ nẽ Makayyioohit cĩ Krĩstõ Nyekuci.

1 Korinthia 3:6

Baa nganĩĩt ꞌcĩ hathaci hinyomooc nẽ ikia udduutik Appoolo maam, nĩngĩtĩ aaꞌnyĩkĩ Nyekuci hinyomooc nicci hĩtĩlĩth.

Eevvetho 1:22

Aaꞌnyĩk Nyekuci Krĩstõ ꞌtirrian haggamĩ hẽlẽggĩ vẽlẽk, hátĩ hẽẽlĩ lothippit cĩ lemmioohu, nẽ aaꞌnyĩk ĩnõõnnõ hĩĩ Makayyioohit cĩ hẽlẽggĩ vẽlẽk.

Eevvetho 1:23

Nẽ ĩĩn lothippiti cĩ lemmioohu ẽlẽ cĩ Krĩstõ nẽ aaꞌnyĩk Krĩstõ ĩhõõggõ hẽlẽggĩ vẽlẽk.

Eevvetho 2:21

Krĩstõ ꞌcĩ arũm ꞌcieeth nicci hĩĩ hõdẽẽthõng nẽ aaꞌnyĩk hĩtĩlĩth hĩĩ ꞌcieeth ꞌcĩ ẽllẽẽmĩth cĩ Makayyiookto ho.

Eevvetho 4:3

Ĩttĩmanit ngaatĩ aꞌthuunnu rũmẽẽnĩt cĩ Lori cĩ Nyekuci ꞌthinneetinii cugguung. Ĩdĩmanit hoti, ꞌgõõlaa ꞌcĩ aattiyyu lõꞌngõõc.

Eevvetho 5:29

Nẽẽthĩ nẽẽꞌthẽk, aitiõõ ẽẽtĩ ꞌcĩ occa aaburreek ẽlẽ cĩnnĩ tõõ, nẽẽthĩ hinnia, occa aꞌthũũnnĩ ẽẽtĩ ẽlẽ cĩnnĩ nẽ itirok haau hĩcĩ aꞌthũũnnĩ Krĩstõ lothippit cĩ lemmiook cĩgĩnnĩg,

Pilippi 1:27

Thooꞌthiohĩ vẽlẽk, aaut ꞌgõõlaa ꞌcĩ aꞌnyahaaku nyeemuut ꞌcĩ abũnnaa cĩ Krĩstõ bulẽẽnĩt. Tananga hẽhẽẽrõnaakuung hode aitiõõ, hathĩkna hatĩ aĩ, aꞌnyaku niig vẽlẽk muhẽẽnĩt ꞌgõõla hõdẽẽthõng. Nẽ hatĩ hagawa hĩĩna, adticaniinnu niig vẽlẽk hõdẽĩ nẽ attĩmannu gẽrrẽẽt ngaatĩ aꞌnyahaannu eet ũgĩ hiita helemit nyeemuut ꞌcĩ abũnnaa,

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Kolooꞌthe 1:18

Ĩĩn Krĩstõ Makayyioohit cĩ lothippit cĩ lemmioohu. Nẽ ĩĩn lothippiti ciee ẽlẽ cĩnnĩ. Atiman nẽẽ ngaatĩ arũgnaanĩ daahĩtha, hátĩ hĩĩ Makayyioohit cĩ eet vẽlẽk hĩ hẽlẽggĩ vẽlẽk.

Kolooꞌthe 2:2

Hadiimi hakũtani naa ĩhõõggõ, hátĩ hũrũmtĩ hõdẽĩ nẽ ĩmmĩnanit eleeti cĩggĩĩng gẽrrẽẽt. Nẽ hadiimi naa ĩhõõggõ haꞌnyahit muhẽẽnĩt ꞌcĩ abũnnaa ꞌcĩ agaĩ thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu, ĩnõõnnõ Krĩstõ.

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

1 Tẽꞌthaloonika 4:10

Nẽ dĩdĩ, ammĩnannu niig ꞌgotoonogu hĩ ngoonogu lokor cĩ Maccedoonia ho vẽlẽk. Nẽ hanneekuung ĩrrĩcatta gẽrrẽẽt ittoorrik hĩllõõan mĩnnan gõõng hõdõõkõthĩ.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

1 Pẽẽtũrũ 3:8

Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.