Kolooꞌthe 2:18 - ꞌBuuk cĩ Thõõth cĩ Nyekuci

¹⁸ Ma haaꞌnyiku eet ꞌcĩg athĩngõõnyan aĩ hĩĩgĩnna tarbalĩg nẽ alaacõ aajĩlẽẽt, higgoolluung ngagiita. Irrian nẽẽg aĩ hĩcĩtta thooꞌthiok ꞌcĩg eterꞌtheek Nyekuci ĩhõõggõ honoothitatõõ. Nẽẽthĩ, ĩĩn thõõth cĩnĩĩng ko õlõng haaga, hĩnĩngĩtĩ abbĩꞌthĩĩ muhẽẽnĩtĩ cĩ thooꞌthiok ꞌcĩg abathĩ ꞌthinneetinii cĩggĩĩng.

Kolooꞌthe 2:18 ပူးပေါင်းရင်းမြစ်များ

ꞌThianaattõ 3:13

Ma ho, ijin Makayyioohiti Nyekuci ngaa ĩĩnnĩk, “Ne hatĩ ciee ĩdĩmanuu nii ho?” Ẽdẽcĩ ngaa Nyekuc anneek, “Iyyia alũllũũmaneeka hũkaat, nĩngĩtĩ haduhi.”

Maatteeo 24:24

Hĩnĩngĩtĩ au hatĩ krĩstõꞌnya hĩ põrõvẽtaaꞌnya ꞌcĩg hõllõngaa ĩĩn dĩdĩ nẽ idticanit thooꞌthiok ꞌcĩg ĩnaat eeta gẽrrẽẽt, hĩttĩmanit ngaatĩ ĩggõõlĩ eet ꞌcĩg ẽbẽra Nyekuci buúk.

ꞌRooma 1:25

Iita ũtũngteek nẽẽg thõõth cĩ Nyekuci ꞌcĩ ĩĩn dĩdĩ nẽ idticattõõĩ thõõth ꞌcĩ ĩĩn õlõng, ala nẽẽg nẽ idticattoothĩk hẽlẽggĩ ꞌcĩg ẽhẽnyta Nyekuci nẽ ũtũbũrĩt ngaatĩ alaĩ Teheꞌnyioohit ꞌcĩ adĩkꞌthĩ ooo. Aamẽn.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

1 Korinthia 13:4

Aaꞌnyĩk mĩnnanĩ eet hetemeethito thõõth nẽ aaꞌnyĩk hĩĩtõ tarbalĩg. Hõllõngaa iinan mĩnnanĩ ꞌgiimwa, hode athĩngõõnyanĩ, hode irrianĩ.

1 Korinthia 3:3

Nga ĩĩgĩnnu niig eet cĩg looc nicci, hĩnĩngĩtĩ nga iinanoonnu niig nẽ eggerenytoou hõrggẽẽnaa cunuung, aitiõõ ꞌyioko niig hõllõngaa aattiyyu hĩ eeta cĩg looc nicci? Aitiõõ ꞌyioko niig hõllõngaa adticaniinnu hĩ eeta ꞌcĩg hollig ooti haaga?

1 Korinthia 4:18

Aattĩg eeta ũgẽẽgĩ hõrggẽẽnaa cunuung ꞌcĩg athĩngõõnyan, haauto hĩcĩ hatĩ hõllõngaa hakuu naa hĩ ngagiita.

1 Korinthia 4:6

Nẽ ꞌyioko ꞌgotoonoga hĩ ngoonoga, hidticanõõĩ naa thõõth icci ẽllaa caannĩ hĩ Appoolo, hĩnĩngĩtĩ bũnnai cunuung, hátĩ iita illimatta niig hĩ ngagĩĩt thõõth ꞌcĩ aĩ, “Ma hooyyu allacattĩ thõõth ꞌcĩ eheeddi ꞌBuuhaa cĩ Nyekuci.” Nẽẽthĩ hatĩ iittiõõ hõllõngaa irriannu ainnu, iiginnu mẽẽttĩg ĩllõõannu ꞌgoonogu.

1 Korinthia 8:1

Waragaawaa baa ꞌnuung, baa ajinnaangu niig nganĩĩt thõõth cĩ ꞌgaarriẽẽn ꞌcĩg aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya. Haga naag vẽlẽk thõõth icci. Nẽẽthĩ, aaꞌnyeet ꞌgẽẽnyĩthĩ hirriattĩ eleeti cĩggaac nẽ aaꞌnyeet mĩnnanĩ heelit ꞌgoonogeet.

1 Korinthia 9:24

Hõllõngaa agayyu niig aĩ ireta, avvir irettiooha nẽ ũmmũda ẽẽtĩ hõdẽẽthõng ꞌbaaninit? Ukulit niig buúk noho, hátĩ ummuddia ꞌbaaninit.

2 Korinthia 11:3

Nẽẽthĩ, homoꞌthi naa haini iggoolluung hatĩ ꞌThĩttaanĩ baa ĩĩn hũkaat baa ĩggõõl Ẽẽvva, nẽ arahannuung hatĩ ngagiit, hátĩ hiittiõõ hõllõngaa anuyyu thõõth ꞌcĩ tẽllĩ ꞌcĩ ĩĩn dĩdĩ cĩ Krĩstõ.

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Eevvetho 5:6

Ma haaꞌnyiku eet umwa higgooluung õlõnga haaga, hĩnĩngĩtĩ thooꞌthiok iccig, alĩĩllĩk Nyekuci eet ꞌcĩg hõllõngaa athĩhĩ thõõth cĩnnĩ.

Pilippi 3:14

Havviri naa, hátĩ hẽdẽcaak iret nẽ hátĩ hũmmũda dũman ꞌcĩ avvaanna Nyekuci hũũk hẽẽtahujjieen, hĩnĩngĩtĩ ꞌgii ꞌcĩ adĩman Yeesu Krĩstõ.

Kolooꞌthe 2:23

Aaĩ thõõth ꞌcĩ haꞌthũũnnĩ ꞌlimman icci hĩ thõõth ꞌcĩ abũnnaa ꞌcĩ occa hadĩmanĩ. Aaĩ nẽẽ hĩcĩ aaꞌnyuung ngagiit ĩmmĩnanit Nyekuc gẽrrẽẽt nẽ iittu tarbalĩg nẽ uꞌthuuttu eleeti cugguung. Nẽẽthĩ nẽẽꞌthẽk, hõllõngaa aꞌnyak nẽẽg ꞌtirrian ꞌcĩ occa aaꞌnyeet hũtũngteek thooꞌthiok ꞌcĩg ĩĩn ꞌriiring ꞌcĩg habũraneek naaga.

Kolooꞌthe 2:4

Haduhaakuung naa thooꞌthiok iccig, hátĩ hiittiõõ ẽẽtĩ ꞌcĩ õmmõdannuung ngagiit thõõthaa ꞌcĩ aaĩ hĩcĩ ĩĩn dĩdĩ tõõ.

Kolooꞌthe 2:8

Ma haaꞌnyiku eet umwa higgooluung thooꞌthiohĩĩ ꞌcĩg hõllõngaa ĩĩn dĩdĩ. Aattĩg thooꞌthioha cĩggĩĩng ko hĩcĩ ĩĩn dĩdĩ, nẽẽthĩ, hõllõngaa occa ẽẽl eet umwa, ĩĩn nyepitee cĩnĩĩng ko ꞌcĩ aku hĩ eet ꞌcĩ holli õõ haaga. Aku nyepitee cĩnĩĩng ko ꞌgẽẽnyĩthaa cĩ looc nicci, hõllõngaa aku hĩ Krĩstõ.

1 Timotteeo 1:7

Ẽhẽggẽẽnyan aĩ hadiimma hagaiinna hĩĩgĩnna ꞌlimmanniook cĩg nyattal cĩ Mũũꞌtha nẽ hõllõngaa aga thõõth ꞌcĩ õthõõth nẽẽg ko, tananga hummuhit hĩĩtõ hõthõõꞌtha thõõth ꞌcĩ ĩĩn dĩdĩ.

1 Timotteeo 4:1

Aduha Lorii ꞌcĩ Ẽllẽẽmĩth jurrung aĩ, aattĩg hatĩ eeta ũgẽẽgĩ waathinnioohĩĩ ꞌcĩg adtuurna, ꞌcĩg au abũrĩ ngaatĩ ẽlẽmmĩ Nyekuc nẽ iita ĩthĩhĩt nẽ ũnnẽẽcõ ꞌgoolinit hĩ ꞌlimman cĩ thõõth cĩ loriẽẽt ꞌcĩg abathĩ.

2 Pẽẽtũrũ 2:14

Thõõth vẽlẽk ꞌcĩ ammuk nẽẽgĩ, ammuk thõõth ꞌcĩ adiim ooginni hĩ maac hode ngaa cĩ ꞌgõõnõnĩ. Aitiõõ nẽẽg hõllõngaa ũũnnĩk ꞌthẽccanẽẽt ũdũt. Allabeek nẽẽg eet ꞌcĩg aggiithi hẽꞌthẽẽcattõõ nẽ abbĩꞌthĩĩ ooti cĩggĩĩng muhẽẽnĩtĩ ꞌcĩ aĩnnĩ ngaam ngaam diooni. Nẽẽthĩ, ĩccĩĩn Nyekuci ĩhõõggõ ẽlẽk.

1 Yõaannẽ 2:26

Hẽhẽẽdakuung naa ngagiit thooꞌthiok iccig, hátĩ agaac eet ꞌcĩg hatĩ adiim arahannuung ngagiita.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:14

Baa ĩggõõl nyaharahaahĩ nicciee eet loota nĩnga, ngaatĩ adĩmanẽẽkĩ eet thooꞌthiok ꞌcĩg ĩnaat eeta cĩg nyaharahaak baa oou. Ma nĩngaata, ikia uduhaak eet hẽtẽhẽnyta ꞌthooura cĩ nyaharahaak ꞌcĩ baa hõllõngaa adaahĩ, baa ĩĩn botohit baa acuhanni nyetuboota.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 3:11

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.