Kolooꞌthe 2:16 - ꞌBuuk cĩ Thõõth cĩ Nyekuci

¹⁶ Nẽẽthĩ hoti ho, ma haaꞌnyiku eet umwa hetteedihuung thõõth, hĩnĩngĩtĩ ꞌgẽẽn ꞌcĩ adaku hode, hĩnĩngĩtĩ ꞌgii ꞌcĩ ahuddu, hode hĩnĩngĩtĩ karrama cĩ irkito, hode hĩnĩngĩtĩ karrama cĩ nyĩlõk ꞌcĩ nga ẽꞌnyẽrkĩ thõng, hode hĩnĩngĩtĩ Kõr cĩ ꞌYiommaanõ.

Kolooꞌthe 2:16 ပူးပေါင်းရင်းမြစ်များ

Maatteeo 15:11

ꞌgii ꞌcĩ aduhun ũtũũgaa cĩ eeto, hõllõngaa aaꞌnyĩk ĩnõõnnõ hĩĩ ‘ꞌriiring,’ nẽ thõõth ꞌcĩ aduha ẽẽtĩ ũtũũgaa cĩnnĩ, ĩĩn ꞌgii ꞌcĩ aaꞌnyĩk ĩnõõnnõ hĩĩ ‘ꞌriiring,’ ko niccia.”

Maarko 7:19

Hĩnĩngĩtĩ hõllõngaa aduhun ꞌgẽẽn ꞌcĩ adak ẽẽtĩ, õkõ ꞌthĩnĩtatõõ cĩnnĩ, aduhun õkõ hẽẽngatõõ nẽ uduhuna battaala.” Õthõõth Yeesu hoti, hĩnĩngĩtĩ uppulana nẽẽ ĩĩ, ĩĩn ꞌgẽẽn vẽlẽk ꞌcĩ abũnnaa ngaatĩ hadahĩ.

Dtiicanĩ cĩg ꞌThooyyiahu 15:20

Nẽẽthĩ hinnia, occa heheedĩk ĩhõõggõ waraga ꞌcĩ haduhaakĩ hũtũngteek ngaatĩ adahĩ ꞌgiimwa ꞌcĩ aaꞌnyĩhoothĩk hẽlẽggĩ ꞌcĩg aar eeta hĩĩtõ nyekuꞌnya. Occa adukiaak ĩhõõggõ hiittiõõ hõllõngaa adak iding umwa ꞌcĩ acud eeta thõng, hode iding ꞌcĩ nga aꞌnyak biyyi. Nẽ occa adukiaak ĩhõõggõ hũtũngteek ꞌthẽccan ꞌcĩ abathĩ dtẽc ꞌcĩ attihi ngaaĩ tahatak.

ꞌRooma 14:10

Inni otongomit ꞌgoonogu ũgĩ ꞌcĩg ĩĩn lemmiook ꞌcĩg Makayyiooktak ko? Aaĩ hatĩ kõrra ꞌcĩ aku etteedĩkeet Nyekuci ngagĩĩt vẽlẽk thooꞌthiok.

ꞌGalaaꞌthia 4:10

Aꞌthuunnu niig korriook ꞌcĩg obbitig, hĩ nyĩlõhĩ hĩ irkiꞌnyia karramẽẽtĩĩ cĩg ꞌJudeei.

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.