Kolooꞌthe 2:15 - ꞌBuuk cĩ Thõõth cĩ Nyekuci

¹⁵ Ma baa ĩllõõan nẽẽ ꞌtirrian hĩ makaaꞌthĩt vẽlẽk ꞌcĩg ĩĩn mĩrõk cĩgĩnnĩg, ikia aꞌthalana nẽẽ ĩhõõggõ lothippita thõõthaa ꞌcĩ ĩllõõanĩ nẽẽ ĩhõõggõ hurucceea.

Kolooꞌthe 2:15 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 12:29

“Ĩcca occa ꞌthẽk aduhun eet umwaa ꞌcieeth cĩ eet ꞌcĩ attiran nẽ ĩgõrĩth ijjio cĩgĩnnĩg? Hõllõngaa nõõ occa ẽcẽb nẽẽ eet ꞌcĩ attiran ko thõng nẽẽthĩ, õcõõd ijjio?

ꞌLuuka 10:18

Ẽdẽcĩ Yeesu ĩhõõggõ anneek, “Baa ꞌthẽk hacini naa buúk ngaatĩ adhukiaanĩ ꞌThĩttaanĩ hẽẽtahujjieen hĩ tammu ꞌcĩ ammadĩ thõng.

ꞌLuuka 11:22

Nẽẽthĩ, má ikia ẽẽtĩ umwaa ꞌcĩ attiran hĩllõõan ĩnõõnnõ, õkõõĩ hatĩ hilib cĩ eet ꞌcĩ attiran ko nẽ eꞌngerit ijjio cĩg baattĩ olu hĩ ꞌgõõnõgĩ.

Yõaannẽ 16:11

Nẽ ẽrẽk ĩhõõggõ ngaatĩ ẽttẽẽdĩ Nyekuci thooꞌthiok, hĩnĩngĩtĩ ẽttẽẽd Nyekuci thõõth cĩ habu cĩ looc nicci ẽlẽk.

Yõaannẽ 19:30

Ma baa ũcũũcũ Yeesu viino nicci, ikia õthõõth nẽẽ ĩĩ, “Edeccia dtiici vẽlẽk!” Nĩngĩtĩ aggiingi õõ cĩnnĩ nẽ adaaha.

1 Korinthia 15:24

Nẽ urutaa ꞌcĩ ĩllõõanĩ Krĩstõ mĩrõk cĩgĩnnĩg vẽlẽk, ikia thĩ hatĩ decciaanĩtĩ cĩ lootu nẽ aaꞌnyĩk nẽẽ habuccieet Nyekuc Maaꞌnyĩ.

2 Korinthia 2:14

Ĩlaallẽ hĩ Nyekuc ngaatĩ aaꞌnyĩkĩ Krĩstõ hutuanõõĩ nyeitee. Eelleet ngagĩĩt Nyekuci buúk, ngaatĩ hõõ hĩꞌthaanĩka nyeemuut cĩ Krĩstõ ꞌcĩ ẽmmẽdĩ loonyini vẽlẽk nẽ õꞌngõlĩ nyeemuut ciee haau hĩgõõng mõhõõkacĩ.

2 Korinthia 4:4

ꞌThĩttaan ꞌcĩ aggam looc nicci. Nẽ ĩnõõnnõ ꞌcĩ adĩĩt ooti cĩg eet ꞌcĩg hõllõngaa aga lanyit ꞌcĩ ĩĩn bulẽẽnĩt cĩ nyeemuut ꞌcĩ abũnnaa cĩ Krĩstõ, ꞌcĩ ĩĩn ꞌthooura cĩ Nyekuci ho.

Eevvetho 3:10

Baa tabiinit cĩ Nyekuci vẽlẽk ꞌcĩ baa adticaniini nẽẽ lothippit cĩ lemmioohu, hẽtẽrẽthaak ꞌgẽẽnyĩth cĩnnĩ ꞌcĩ aaĩ cũũmõ cũũmõ, makayyiook hĩ habuẽẽt ꞌcĩg hõllõngaa edeeꞌnyia ꞌcĩg aggam hẽẽtkujjieen.

Eevvetho 4:8

Hĩcĩ aduha ꞌBuuhi cĩ Nyekuci aĩ, “Ma baa ũũk nẽẽ lokora ngaatĩ uuni gẽrrẽẽt, ikia ũũhĩ nẽẽ baabuuthnya ꞌcĩg mẽẽlĩg nẽ aaꞌnyĩk eet ꞌbaaninit.”

Eevvetho 6:12

Hĩnĩngĩtĩ hõllõngaa haruhõõ naag hĩ mĩrõk ꞌcĩg ĩĩn eeta. Haruhõõ naag hĩ mĩrõk ꞌcĩg ĩĩn loriẽẽt hĩ makayyiook ꞌcĩg abathĩ ꞌcĩg attiran nẽ aꞌnyahit makaaꞌthĩt loonyini hẽẽtahujjieen.

Kolooꞌthe 1:16

Hĩnĩngĩtĩ baa ẽhẽnytaa hẽlẽggĩ vẽlẽk Krĩstõa, hẽlẽggĩ cĩg hẽẽtkujjieen hĩ cĩg lootu, hẽlẽggĩ ꞌcĩg hacĩnĩ hĩ ꞌcĩg hõllõngaa hacĩnĩ, ꞌcĩg aattĩg hĩ habuẽẽta hode habuccieeꞌnya hode makayyiooha ꞌcĩg aggam looc hode ꞌcĩg aꞌnyak makaaꞌthĩt, baa ẽhẽnytaa hẽlẽggĩ vẽlẽk Krĩstõa hĩĩtõ cĩgĩnnĩg.

Kolooꞌthe 2:10

Nẽ baa iita itiliꞌthu niig jurrung lemiittaa cunuung, hĩnĩngĩtĩ iittu eet cĩg Krĩstõ ꞌcĩ ĩĩn Makayyioohit ꞌcĩ aggam ꞌtirrian hĩ makaaꞌthĩt vẽlẽk.

Ebereei 2:14

Hĩĩgĩn naag vẽlẽk eet ꞌcĩg haꞌnyak eleeti. Ĩnõõ ꞌcĩ aku ĩĩnnĩ Yeesu eet hĩ naag ko. Baa adaahĩ nẽẽ, hátĩ huruk habu cĩ loriẽẽt ꞌcĩg abathĩ, baa aꞌnyak ꞌtirrian ꞌcĩ aruhi eet.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 20:10

Nĩngĩtĩ adhuhõõthĩkĩ habuui cĩ loriẽẽt ꞌcĩg abathĩ baa ĩggõõl ĩhõõggõ ho, ꞌgelemit cĩ ꞌgwoo ꞌcĩ aaburii padtahac, hõõt hutuuꞌthi hõdẽĩ hĩ nyaharahaak hĩ põrõvẽtaac cĩnnĩ baa ĩĩn oloꞌngiaahit. Accananni hatĩ nẽẽg ĩĩca waathĩn hĩ baalin ooo.