Kolooꞌthe 2:13 - ꞌBuuk cĩ Thõõth cĩ Nyekuci

¹³ Baa adaaktu niig, hĩnĩngĩtĩ baa iiginnu ꞌthẽccanniook nẽ baa hõllõngaa iiginnu eet cĩg Nyekuci. Nẽẽthĩ, baa aaꞌnyĩk Nyekuci Krĩstõ haaꞌnyuung ngagiit ũrũgta tarĩ, ngaatĩ ũũnnĩkĩ ꞌthẽccanẽẽt cĩggaac vẽlẽk.

Kolooꞌthe 2:13 ပူးပေါင်းရင်းမြစ်များ

ꞌLuuka 15:24

Baa loholeec ꞌcĩ aggamaawa lõõcĩ cieeni nẽ ꞌyioko aau hĩ ẽẽtĩ ꞌcĩ arũgna daahĩtha. Baa iꞌnginõõthĩ nẽ ꞌyioko, ummuddia.’ Nĩngĩtĩ iꞌthianaanĩ nẽẽg adahĩ karrama.

ꞌLuuka 15:32

Nẽẽthĩ, hatalit nẽ haccamattoothĩk gẽrrẽẽt, hĩnĩngĩtĩ baa aau ꞌgotonu hĩ ẽẽtĩ ꞌcĩ adaak ẽlẽk nẽ ꞌyioko ũrũga daahĩtha. Baa iꞌnginõõthĩ nẽ ꞌyioko ummuddia.’ ”

ꞌLuuka 9:60

Ẽdẽcĩ Yeesu ĩnõõnnõ anneek, “Aꞌnyĩĩk daakiak hũmmũtĩt daakiak nyaagwaana. Bĩĩt nẽẽ nii ꞌlimmaneek eet nyeemuut cĩ habuccieet cĩ Nyekuci.”

Yõaannẽ 5:21

Hĩcĩ arũgtha Maaꞌnyia daakiak nẽ aaꞌnyĩk ĩhõõggõ rũgẽt, ꞌgõõlaa cĩ buúk, aaꞌnyĩk hatĩ Ngeerĩnĩ rũgẽt eet ꞌcĩ accamana nẽẽnĩ.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

ꞌRooma 4:17

Hĩcĩ eheeddi ꞌBuuhaa cĩ Nyekuci aĩ nẽẽ, “Haaꞌnyii naa nganiit ĩĩnu maaꞌnyĩ loonyin ꞌcĩg mẽẽlĩg.” Ĩĩn nẽẽ baangeet cĩnaac muumaa cĩ Nyekuci, baa ẽlẽmĩ nẽẽ aĩ, aaꞌnyĩk rũgẽt daakiak nẽ ẽtẽhẽnya hẽlẽggĩ ꞌcĩg ĩĩn ngeju.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

1 Korinthia 15:36

Ma haggiithennu thõng! ꞌGii ꞌcĩ athaccu niiga, hõllõngaa occa arũgna nĩĩcĩ noho, adaahĩ nõõ thõng.

1 Korinthia 15:45

Baa aduha ꞌBuuhi cĩ Nyekuci aĩ, “Baa ĩĩn Aadamĩ eet ꞌcĩ oou nẽ ĩĩ eet ꞌcĩ arũgĩ. Nẽẽthĩ, Yeesu ꞌcĩ ĩĩn Aadam ꞌcĩ adtuurna ho, ĩĩn lori ꞌcĩ aaꞌnyeet rũgẽt.”

2 Korinthia 3:6

Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.

2 Korinthia 5:19

Aĩ thõõth ciee nẽẽ, aaĩ Nyekuci ẽllaa cĩ Krĩstõ, ngaatĩ aaꞌnyeet ngagĩĩt hagayyio hĩ ĩnõõnnõ, ĩnõõ ꞌcĩ hõllõngaa agiilikeet ngagĩĩt ꞌthẽccanẽẽt cĩggaac. Nẽ aaꞌnyeet dtiic ꞌcĩ hõthõlĩ nyeemuut cĩ ganõõnõ.

Eevvetho 2:1

Nẽẽthĩ, baa adaaktu niig, hĩnĩngĩtĩ ꞌthẽccanẽẽt cugguung,

Eevvetho 2:11

Ma hataarroꞌthu ngaatĩ baa iiginnu niig eet ꞌcĩg hõllõngaa iiginnu ꞌJudeei. Baa gõõng aũũyyuung eeta cĩg ꞌJudeei anneekuung, “Eet ꞌcĩg nga hetteeddi eleeti ꞌcĩg hõllõngaa ĩĩn ꞌJudeei,” baa gõõng irrian nẽẽg, hĩnĩngĩtĩ ẽttẽẽd eleeti cĩggĩĩng.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Kolooꞌthe 2:12

Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

1 Timotteeo 5:6

Nẽ ngaatĩbõyyĩ ꞌcĩ aaĩ authetaa ꞌcĩ uranganĩ ẽlẽ cĩnnĩ, adaak lorii cĩnnĩ ẽlẽk, tananga nga arũgĩ nẽẽnĩ.

1 Timotteeo 6:13

Haduhaakii muumaa cĩ Nyekuci ĩcĩ aaꞌnyĩk hẽlẽggĩ vẽlẽk hũrũgĩt, hĩ muumaa cĩ Yeesu Krĩstõ ꞌcĩ baa aduhaak Ponthio Pĩlaatõ lemiinit cĩnnĩ lothippita,

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

ꞌJeemith 2:17

ꞌGõõlaa ꞌcĩ aduhõõ thõng, má hõllõngaa õõkõrõõ lemiiniti hĩ dtiicanĩ ꞌcĩg abũnnaa, ĩĩn lemiinit ꞌcĩ adaaha.

ꞌJeemith 2:20

Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?

ꞌJeemith 2:26

Hĩ ẽlẽ ꞌcĩ adaahĩ hĩnĩngĩtĩ aitiõõ lorii tõõ, nẽẽthĩ, lemiiniti ꞌcĩ aitiõõ dtiicanĩ ꞌcĩg abũnnaa tõõ, ĩĩn lemiinit ꞌcĩ adaaha.

1 Yõaannẽ 2:12

Hẽhẽẽdakuung naa ngagiit lõhõlĩ cĩg Nyekuci waraga icci, hĩnĩngĩtĩ ũtũngtoothĩk ꞌthẽccanẽẽta cugguung, hĩnĩngĩtĩ Krĩstõ.